Connect with us

Hi, what are you looking for?

LuduNwayOo

နိုင်ငံတကာ

ဟေတီ သမ္မတ လုပ်ကြံခံရမှုမှာ ဝန်ကြီးချုပ် ပါဝင်ပတ်သက်နေတယ်လို့ ရှေ့နေတွေယူဆ

ဟေတီ အစိုးရ ရှေ့နေတွေက ဒီလုပ်ကြံမှုရဲ့ နောက်ကွယ်မှာ ဝန်ကြီးချုပ် အေရီရယ်လ် ဟင်နရီ ပါဝင် ပတ်သက်နေတယ်လို့ ယုံကြည် ယူဆနေပါတယ်။ သမ္မတနဲ့ ဝန်ကြီးချုပ်ကြားမှာ ပုဂ္ဂိုလ်ရေး တင်းမာမှုတွေ ရှိနေခဲ့ပါတယ်။

သမ္မတကို လုပ်ကြံမှုနဲ့ ဝန်ကြီးချုပ်ကို တရားစွဲဆိုဖို့ ဟေတီ အစိုးရ ရှေ့နေတွေက ကြိုးစားနေကြောင်း သိရပါတယ်။

ဟေတီ သမ္မတ ဂျိုဗန်နဲလ် မွိုင်ဆေးဟာ ဇူလိုင် ၇ ရက်က နေအိမ်မှာ လုပ်ကြံ ခံလိုက်ရပါတယ်။ ပို့တ်အူပရင့်စ် မြို့တော်က သမ္မတ ကိုယ်ပိုင် စံအိမ်ထဲကို သေနတ်သမားတွေက ဝင်ရောက်စီးနင်း ပစ်ခတ်ခဲ့တာပါ။ သမ္မတ လုပ်ကြံခံရမှုက ဟေတီမှာ နိုင်ငံရေး ရှုပ်ထွေးမှုတွေ ဖြစ်ပေါ်လာစေခဲ့ပါတယ်။ ဒါ့အပြင် ပြီးခဲ့တဲ့လက အင်အားပြင်း ငလျင်ကြီးတစ်ခု လှုပ်ခတ်ခဲ့တာကြောင့် အခြေအနေတွေ ပိုဆိုးရွားကုန်ပါတယ်။

ဟေတီ အစိုးရ ရှေ့နေတွေက ဒီလုပ်ကြံမှုရဲ့ နောက်ကွယ်မှာ ဝန်ကြီးချုပ် အေရီရယ်လ် ဟင်နရီ ပါဝင် ပတ်သက်နေတယ်လို့ ယုံကြည် ယူဆနေပါတယ်။ သမ္မတနဲ့ ဝန်ကြီးချုပ်ကြားမှာ ပုဂ္ဂိုလ်ရေး တင်းမာမှုတွေ ရှိနေခဲ့ပါတယ်။

ဟေတီ အစိုးရ ရှေ့နေတွေက ဝန်ကြီးချုပ် ဟင်နရီဟာ လုပ်ကြံမှုရဲ့ အဓိက ကြိုးကိုင်သူ တစ်ဦးဖြစ်တဲ့ ဂျိုးဆက် ဖိလစ် ဘာဒီရိုနဲ့ ဆက်စပ်နေတယ်လို့ ယုံကြည်ရကြောင်း ပြောပါတယ်။ လူသတ်မှုမှာ ဆက်နွှယ်နိုင်တယ်ဆိုတဲ့ စစ်ဆေးမှုတွေ ပြုလုပ်ဖို့ ကြိုးစားနေတဲ့အတွက် ဟင်နရီကို ပြည်ပထွက်ခွာခွင့် တားဆီးပေးဖို့ ရှေ့နေတွေရဲ့ တောင်းဆိုမှုကိုလည်း ဟေတီ တရားရုံးက လက်ခံပေးထားပါတယ်။

အခုသီတင်းပတ် အစောပိုင်းမှာတော့ ဟင်နရီက ရှေ့နေချုပ် ဘက်ဒ်ဖို့ဒ် ကလော်ဒေးဟာ လုပ်ပိုင်ခွင့် ချိုးဖောက်မှုတွေ ကျူးလွန်ခဲ့တာကြောင့် ရာထူးက နုတ်ထွက်ပေးဖို့ စာရေးသား တောင်းဆိုခဲ့ပြီး အစားထိုး ခန့်အပ်မယ့်သူ အမည်ကိုပါ အဆိုပြုခဲ့ပါတယ်။ ဒါပေမဲ့ နောက်တစ်နေ့မှာ ကလော်ဒေးက ပုံမှန် ရုံးတက်ပြီး လူသတ်မှုနဲ့ ပတ်သက်လို့ ဝန်ကြီးချုပ်ကိုပါ စစ်ဆေးခွင့်ပြုဖို့ တရားသူကြီးတွေဆီ တောင်းဆိုခဲ့ပါတယ်။

ဟေတီ ဖွဲ့စည်းပုံ ဥပဒေအရ ရှေ့နေချုပ်ကို ထုတ်ပယ်ခွင့်၊ အစားထိုးခွင့် အာဏာမျိုး မရှိပါဘူး။ အစိုးရ ရှေ့နေတွေက ဟင်နရီနဲ့ ဘာဒီရိုတို့ကြား ဆက်နွှယ်မှုကို မေးခွန်းထုတ်ဖို့ ကြိုးစားနေကြပါတယ်။ ဘာဒီရိုဟာ လုပ်ကြံမှု အပြီးမှာ ခြေရာဖျောက် ပျောက်ကွယ်သွားခဲ့ပါတယ်။ သူဟာ လုပ်ကြံမှု အပြီးမှာ ဝန်ကြီးချုပ် ဟင်နရီနဲ့ ဖုန်းဆက်သွယ် စကားပြောခဲ့ကြောင်း အထောက်အထားတွေ ရှိနေတယ်လို့ တရားရေး ဝန်ကြီးဌာနက အတည်ပြုထားပါတယ်။

ဟင်နရီကတော့ အခု စွပ်စွဲချက်တွေကို ငြင်းဆိုပြီး နိုင်ငံရေး ပြိုင်ဘက်တွေရဲ့ သူ့အပေါ် မရိုးမသား ထိုးနှက်မှုသာ ဖြစ်တယ်လို့ ဝေဖန်ပြစ်တင်ထားပါတယ်။

Click to comment

Leave a Reply

Your email address will not be published. Required fields are marked *

You May Also Like

နိုင်ငံတကာ

ထရူဒူက လာမယ့် ဩဂုတ်လလယ်မှာ ရွေးကောက်ပွဲကို အချိန်စော ကျင်းပမယ်လို့ ကြေညာထားပါတယ်။ ဒီရွေးကောက်ပွဲမှာ သူဦးဆောင်နေတဲ့ လက်ဝဲယိမ်း လစ်ဘရယ်လ် ပါတီက သောင်ပြိုကမ်းပြို အနိုင်ရမယ်လို့လည်း ထရူဒူက မျှော်လင့်နေပါတယ်။

သတင်း

အဲဒီလိုပြောပြီးသိပ်မကြာခင်မှာပဲ ထိုင်းနိုင်ငံထဲမှာ ကိုဗစ်ကူးစက်မှုတွေမြင့်တက်လာပြီးတော့ နေ့စဥ်လူနာသစ်တိုးနှုန်းက တစ်ရက် နှစ်သောင်းကျော်အထိ မြင့်တက်ခဲ့တာဖြစ်ပါတယ်။

နိုင်ငံတကာ

သူနဲ့ အနီးကပ် ထိတွေ့ခဲ့သူ တစ်ဦးဟာ Covid-19 ရောဂါ ဖြစ်ပွားနေကြောင်း ဆေးစစ် တွေ့ရှိခဲ့တဲ့နောက် ကျန်းမာရေး ဌာနရဲ့ စည်းမျဉ်းတွေနဲ့အညီ Quarantine ဝင်သွားမယ်လို့ အစ္စမေးလ်က ပြောပါတယ်။

သတင်း

စစ်တပ်ရဲ့ အာဏာသိမ်းမှုနဲ့ နောက်ဆက်တွဲဖြစ်ပေါ်လာတဲ့ အကြမ်းဖက်မှုတွေကြောင့် သမ္မတဂျိုးဘိုင်ဒင်နဲ့ ဒုတိယသမ္မတတို့ အထူးစိုးရိမ်မကင်းဖြစ်ရတယ်လို့လည်း အာရှဒေသကို ပထမဆုံးလာရောက်တဲ့ ခရီးစဉ်အတွင်း ခါမလာဟာရစ်က ပြောဆိုခဲ့တာပါ။