ကိုဗစ်က လူသတ်တာမဟုတ်၊ မင်းအောင်လှိုင်က လူသတ်တာ

မင်း​အောင်လှိုင်သာ အာဏာမရူးခဲ့ဘူးဆိုရင် ဒီအချိန်မှာ မြန်မာနိုင်ငံမှာ နိုင်ငံလူဦး​ရေရဲ့ သုံးပုံတစ်ပုံက ကိုဗစ်ကာကွယ်​ဆေးထိုးပြီးတဲ့အချိန်ဖြစ်ပါတယ်။ ​ဒေါ်​အောင်ဆန်းစုကြည် ဦး​ဆောင်တဲ့ အရပ်သားအစိုးရလက်ထက်မှာ နိုင်ငံဆင်းရဲ​ပေမယ့် ပြည်သူ​တွေအ​ပေါ်​စေတနာထားပြီး ကိုဗစ်ကာကွယ်​ဆေးကိုအမြန်ဝယ်ယူဖို့ကြိုးစားခဲ့တာ​ကြောင့် အိန္ဒိယနိုင်ငံက ကိုဗစ်ကာကွယ်​ဆေး Covidshield အလုံးသန်း ၃၀ကို ၂၀၂၀ နှစ်ကုန်ပိုင်းမှာစတင်ဝယ်ယူထိုးနှံ​​ပေးနိုင်ခဲ့ပါတယ် ။ ဒါ​ကြောင့် အာဆီယံမှာ​တောင် ကိုဗစ်ကာကွယ်​ဆေးအ​စောဆုံးထိုးနိုင်ခဲ့တဲ့နိုင်ငံတစ်နိုင်ငံဖြစ်ပါတယ်။

အိန္ဒိယက လက်​ဆောင်​ပေးတဲ့​ဆေးမပါဘဲနဲ့​တောင် ​ဆေးသန်း ၃၀က လူဦး​ရေ ၁၅သန်းကို ထိုးနှံ​ပေးနိုင်ပါတယ်။ဒါက နိုင်ငံလူဦး​ရေရဲ့ သုံးပုံတစ်ပုံခန့်ဖြစ်ပါတယ် ။​ဆေးထိုး​ပေးတဲ့အခါ ကိုဗစ်နဲ့​ရှေ့တန်းက တိုက်ပွဲဝင်​နေတဲ့ကျန်းမာ​ရေးဝန်ထမ်း​တွေ ၊​စေတနာ့ဝန်ထမ်း​တွေ ၊ နိုင်ငံ​တော်ယန္တရားလည်ပတ်နိုင်​ရေးတာဝန်ထမ်း​ဆောင်​နေသူ​တွေ၊ သက်ကြီးရွယ်အိုး​တွေကို ပထမဆုံးအ​နေနဲ့ ဦးစား​ပေးထိုး​ပေးတာဖြစ်ပါတယ်။

သူတို့ပြီးရင် တစ်နိုင်ငံလုံးကဆရာ၊ဆရာမ​တွေ ဒီလိုနဲ့ အသုတ်လိုက် ပြည်သူ​တွေကို ဦးစား​ပေးအလိုက် ကိုဗစ်ကာကွယ်​ ​ဆေးထိုးဖို့ စီစဥ်ထားတာဖြစ်ပါတယ်။ ဒါ​ကြောင့် ပထမဆုံးဝယ်ထားတဲ့ ​​ဆေး​တွေအပြင် ​ဆေးအသစ်​တွေ ထပ်မဝယ်ရ​သေးရင်​တောင် ဒီအချိန်မှာ နိုင်ငံ့လူဦး​ရေသုံးပုံတစ်ပုံခန့် ထိုးနှံ လွှမ်းခြုံပြီးဖြစ် ​နေမှာပါ။ ဒီလိုဆိုရင် အခုကြုံ​တွေ​နေတဲ့ ကိုဗစ်တတိယလှိုင်း နဲ့လည်းကြုံရဖို့မရှိပါဘူး။

ဒါ​ကြောင့် ကိုဗစ်တတိယလှိုင်းမှာ ​နေ့စဥ်လူ​ထောင်ချီ​သေဆုံး​နေရတဲ့ လက်သည်တရားခံက ကိုရိုနာဗိုင်းရပ်စ်မဟုတ်ပါဘူး။ လူသတ်တရာခံကအာဏာရူး မင်း​အောင်လှိုင်နဲ့ အ​ပေါင်းအပါစစ်ဗိုလ်ချုပ်​ချုပ်တွေဖြစ်ပါတယ်။ ဒါကို ပြည်သူအားလုံးက ရှင်းရှင်းလင်းလင်း သိထားဖို့လိုပါတယ်။

Public Service Announcement

အာဏာသိမ်းစစ်​ကောင်စီ ဝါဒဖြန့်သလို သူတို့လက်​အောက်မှာ တာဝန်မထမ်း​ဆောင်တဲ့ညဆရာဝန်​တွေ ၊သူနာပြု​​တွေစတဲ့ ကျန်းမာ​ရေးဝန်ထမ်း​တွေနဲ့ လုံးလုံးမဆိုင်ပါဘူး။ အာဏာသိမ်းမှုသာ မဖြစ်ခဲ့ရင် ဆရာဝန်​တွေ၊သူနာပြု​တွေ စတဲ့ကျန်းမာ​ရေး ဝန်ထမ်း​​တွေ၊စေတနာ့ ဝန်ထမ်း​တွေသူတို့တာဝန်​တွေကို ပုံမှန်ထမ်း​ဆောင်​​နေကြမှာပါ။သူတို့ဟာ ကိုဗစ်ပထမလှိုင်း ၊ ဒုတိယလှိုင်းတွေတုန်းက ပြည်သူ​တွေအတွက် ​ရှေ့တန်းက​နေကမ္ဘာ့ကပ်​ရောဂါကို တိုက်ခိုက်​ပေးခဲ့ကြသူ​တွေဖြစ်ပါတယ်။

အာဏာရူး​ကြောင့် တိုင်းပြည်အ​မှောင်ဖုံးတဲ့အချိန်မှာလည်းနိုင်ငံ​တော်နဲ့ပြည်သူ​တွေအတွက် ၊ အနာဂတ်မျိုးဆက်သစ်​တွေအတွက် စစ်အာဏာရှင်ကို ​ရှေ့တန်းက​နေ ​တော်လှန်သူ​တွေ ဖြစ်လာကြပါတယ်။ကိုဗစ်နဲ့စစ်ပွဲမှာ​ရော ၊စစ်အာဏာရှင်ကို​တော်လှန်​နေတဲ့အချိန်မှာပါ သူတို့ရဲ့​ကျေးဇူးက အလွန်ကြီးပါတယ်။

အာဏာသိမ်းစစ်​ကောင်စီက ဆရာဝန်​တွေ၊သူနာပြု​တွေ၊ ​စေတနာ့ဝန်ထမ်း​တွေကို ဖမ်းဆီး ၊နှိပ်စက် ၊​ထောင်ချပြီး ဖမ်းဝရမ်း​တွေလည်းထုတ်ခဲ့ပါတယ် ။ စစ်အာဏာရှင်လက်​အောက်တာဝန်မထမ်း​ဆောင်လိုလို့ အာဏာဖီဆန်ခဲ့တဲ့ CDM ကျန်းမာ​ရေးဝန်ထမ်း​တွေ​နေရာမှာ စစ်သားဆရာဝန် ၊သူနာပြု​တွေက အဆင့်သင့်တာဝန်ထမ်းဖို့ ရှိတယ် ဆိုပြီး အာဏာသိမ်းခါစမှာ “We are ready “ဆိုပြီး စိန်​ခေါ်ခဲ့ပါ​သေးတယ် ။ဒါ​ပေမယ့် ကိုဗစ်တတိယလှိုင်း​ကြောင့် စစ်​ကောင်စီယန္တရား​တွေပါ ယိမ်းယိုင်လာတဲ့အ​ခြေအ​နေ​ရောက်လာတဲ့အခါ​တော့ ကျန်းမာ​ရေးဝန်ထမ်း​တွေကို ပြန်လာတာဝန်ထမ်းဖို့ ​ချော့တစ်ခါ ၊​ခြောက်တစ်လှည် စည်းရုံးမရတဲ့အခါ CDM ကျန်းမာ​ရေးဝန်ထမ်း​တွေ​ကြောင့်ပဲ ကိုဗစ်ကို မထိန်းချုပ်နိုင်သလို ဝါဒဖြန့်ပါ​တော့တယ်။

စစ်​ကောင်စီက အာဏာသာမက်ပြီး ပြည်သူ​တွေအ​ပေါ်​စေတနာမရှိယုံတင်မကဘူး ၊စီမံခန့်ခွဲနိုင်စွမ်းရည်လည်းမရှိဘူးဆိုတာ ကိုဗစ်တတိယလှိုင်းမှာအထင်းသားမြင်ရပါတယ်။​ ကျောင်းစဖွင့်တဲ့ ဇွန်လမှာပဲ ရန်ကုန်မြို့လှည်းကူးမြို့နယ်က မဘသ​​ကျောင်းဖြစ်တဲ့ မ​ဟော်သဓါ ကိုယ်ပိုင်အထက်တန်း​ကျောင်းမှာ ကိုဗစ် ကူးစက်တာ​ကြောင့် ဆရာ၊ဆရာမ၊​ကျောင်းသူ​ကျောင်းသား ရာချီကူးစက်ပြီး ဆရာမ အချို့ ​သေဆုံးခဲ့​ပေမယ့် ၊ဒဂုံ အထက( ၁ )မှာပိုးကူးစက်​ပေမယ့်​ကျောင်း​တွေကို ဆက်ဖွင့်ခဲ့ပါတယ်။ စစ်​ကောင်စီက နိုင်ငံ​တော်ယန္တယား​တွေပုံမှန်လည်ပတ်နိုင်​အောင်လုပ်နိုင်ပြီ ၊ ပြည်သူ့ကာကွယ်​ရေးတပ်ဖွဲ့​တွေက အကြမ်းဖက်အဖွဲ့​တွေပါလို့ လုပ်ဇာတ်ခင်းချင်တာနဲ့ ​ကျောင်း​တွေအနီး ဗုံး​တွေခွဲပြပြီး ၊ကိုဗစ် ကူးစက်မှု​တွေကို အ​လေးမထားဘဲ ​ကျောင်း​တွေဆက်ဖွင့်ခဲ့တာဖြစ်ပါတယ်။ဒါ​တောင် စစ်​ကောင်စီလက်​အောက်မှာ ​ရင်​သွေးငယ်​တွေကို စစ်ကျွန်ပညာ​ရေးမသင်​ပေးဘူးဆိုတဲ့ မိဘ​မျိုးတွေတစ်နိုင်ငံလုံးများတာ​ကြောင့် ​ကျောင်း​တွေမှာ ​ကျောင်းသားနည်းပြီးသက်သာခဲ့တာဖြစ်ပါတယ်။

ကိုဗစ် ကူးစက်နှုန်း​တွေများပြီး လူနာ​တွေ ​အောက်စီဂျင်လိုအပ်ချက်များလာတဲ့အခါ စစ်​ကောင်စီက ​နိုင်ငံပိုင်​အောက်စီဂျင်စက်ရုံ​တွေတင်မက ပုဂ္ဂလိကစက်ရုံ​တွေကိုပါ ​မောင်ပိုင်စီးပြီး စစ်​ကောင်စီအတွက် ​အောက်စီဂျင် လိုအပ်သ​လောက်ရ​အောင်လုပ်ပါတယ် ။ကျန်​နေ​သေးတဲ့​အောက်စီဂျင်​တွေကိုလည်း အလွယ်ဝယ်မရဘဲ စစ်​ကောင်စီရဲ့ ရပ်ကွက် ၊​မြို့နယ်ထောက်ခံချက်ပါမှ ဝယ်ရမယ်သတ်မှတ်လိုက်တာ​ကြောင့် ကိုဗစ်လူနာ​တွေ ​အောက်စီဂျင်ရဖို့ ပိုခက်ခဲကုန်ပါတယ်။ လူမှုကူညီ​ရေးအဖွဲ့​တွေလည်း ကူညီလို့မရ​တော့ပါဘူး။

ကိုဗစ်အ​ခြေအ​နေဆိုးလို့ ​ဆေးရုံကို သွားကုမယ်ဆို​တော့လည်း ကုသ​ပေးတဲ့​နေရာတိုင်းမှာ စစ်​ကောင်စီဝင်နဲ့ဆက်စပ်သူ​တွေကသာ ဦးစား​ပေးဖြစ်​နေပြီး ပြည်သူ​တွေအ​နေနဲ့​ဆေးရုံတက်ဖို့ အလွန်ခက်ခဲ​နေပါတယ်။ ဒါ​ကြောင့်​ဆေးရုံတက်ဖို့ အားကိုးတကြီးသွားသူ​တွေကိုလည်း
အိမ်ကိုပဲပြန်ခိုင်းပါတယ်။ ဒါတင်ပဲလားဆို​တော့မက​သေးပါဘူး ။ဒီ​နေ့ဆိုရင် ရန်ကုန်မြို့မှာ ကိုဗစ်လူနာ​တွေအတွက် အ​ရေးကြီးတဲ့ ​သွေးကျဲ​ဆေး လိုအပ်ချက်များတာ​ကြောင့် ​တောင်ဥက္ကလာပ မှာရှိတဲ့​ရွှေအိုး​ဆေးဆိုင်က ​ရောင်းချ​ပေးတာကို တန်းစီဝယ်ယူ​နေသူတွေကို စစ်​ကောင်စီက မကူညီဘဲ ဆိုင်ပိတ်ခိုင်းပြီးလူစုခွဲပါတယ်။ ကိုဗစ်တတိယလှိုင်းမှာ ​နေ့စဥ်လူတစ်​ထောင်​ကျော်​သေ​နေတဲ့ အ​ခြေအ​နေမှာပြည်သူ​တွေက ​ပျော်လို့ အန္တရာယ်များတဲ့အိမ်အပြင်ကိုထွက်လာတာမဟုတ်ပါဘူး။

မိမိတို့ရဲ့မိသားစုဝင် ၊မိတ်​ဆွေ​တွေ ကိုဗစ်​ရောဂါသက်သာ​ပျောက်ကင်း​အောင် ​ဆေးဝယ်လိုချင်လို့ စွန့်စားထွက်လာကြတာပါ။ဒါကို စစ်​ကောင်စီက မကူညီဘဲ အိမ်ပြန်ခိုင်းတာ​ကြောင့် ​ဆေးမရဘဲ အိမ်ပြန်ရတဲ့အိမ်​တွေက လူနာ​တွေဘယ်​လောက်​သေကြရဦးမယ် မသိနိုင်ပါဘူး။

ဒီအ​ခြေအ​နေမှာ စစ်​ကောင်စီက ကပ်​ရောဂါကို ထိန်းချုပ်နိုင်ဖို့မကြိုးစားပဲ ငြိမ်းချမ်းစွာဆန္ဒပြသူ​တွေကိုအကြမ်း ဖက်ဖြိုခွင်းဖို့ ၊ဝရမ်းထုတ်ခံရသူ​တွေကို ဖမ်းဆီးဖို့ ၊ စစ်​ကောင်စီ​တော်လှန်​နေတဲ့ပြည်သူ​တွေကို နှိပ်ကွပ်ဖို့ ၊စစ်​ကောင်စီ အနွယ်ဝင်​တွေဆီမှာပဲ​အောက်စီဂျင် ရ​အောင်စီစဥ်ပြီး ​ကျေးဇူးရှင်လုပ်ဖို့ ၊ကိုဗစ်ကို အ​ကြောင်းပြုပြီး ရပ်ကွက်ရုံး​တွေမှာ​ထောက်ခံစာလုပ်​တဲ့နည်းမျိုး​တွေနဲ့ နိုင်ငံ​ရေးအမြတ်ထုတ်ဖို့သာကြိုးစား​နေပါတယ် ။ ​​နေ့စဥ် ပြည်သူ​ထောင်ချီ ​သေဆုံးပြီး ရန်ကုန်တစ်မြို့တည်း တစ်ရက် ပြည်သူ ၁၀၀၀ ​ကျော်​သေဆုံး​နေတာ​တောင်စစ်​ကောင်စီရဲ့ကျန်းမာ​ရေးဝန်ကြီးဌာနကတစ်ရက် ၃၀၀​​ကျော်ပဲသေတယ်ဆိုပြီးသတင်းအ​မှောင်ချဖို့ကြိုးစား​နေပါတယ်။

ရောဂါထိန်းချုပ်နိုင်ဖို့ ပိုးကူးစက်မှုကွင်းဆက်​တွေကို ​ခြေရာခံပြီး သီးသန့်ထားတာမျိုး လုံးဝမလုပ်ဘဲ လူ​သေဆုံးမှုအလွန်များတာ​ကြောင့် သုသာန်​တွေမှာ အ​လောင်း​တွေမနိုင်မင်းဖြစ်ပြီး အ​လောင်း​တွေပုံ​နေတယ်ဆိုတဲ့အ​ခြေအ​နေမှာ အ​လောင်း​တွေမပုံ​အောင်ာရန်ကုန်မှာ ၁ရက် လူ ၃၀၀၀ သဂြိုဟ်နိုင်​အောင် မီးသဂြိုဟ်စက်​တွေ ​ဆောက်​နေပြီးလို့ ဂုဏ်ယူဝံ့ကြွားလိုက်ပါ​သေးတယ်။

ပြည်သူ​တွေအသက်မ​သေ​​အောင်ကြ မကြိုးစားပဲ ​များများ​သေရ​အောင်မီးသဂြိုဟ်စက်​တွေ ​​ဆောက်​နေတယ်ဆိုတာ စစ်​ကောင်စီရဲ့ ​စေတနာနဲ့ အစွမ်းအစကိုအတိုင်း သားမြင်​စေပါတယ်။

ပြီး​တော့ကိုဗစ်က အာဏာသိမ်းစစ်​ကောင်စီရဲ့တပ်ဖွဲ့ဝင်တွေ ၊မိသားစုဝသ်​တွေကိုလည်း မျက်နှာသာမ​ပေးပါဘူး ။စစ်​ကောင်စီရဲ့ အာဏာသိမ်းမှုကြောင့် ကိုဗစ်တတိယလှိုင်းဒဏ်ခံရပြီး စစ်​ကောင်စီတပ်ဖွဲ့ဝင်​တွေ၊မိသားစုဝင်​တွေ ၊​​ထောက်ခံသူ​တွေလည်း ​သေကြရပါတယ်။ဒါ​ကြောင့်အခုဆိုရင် စစ်​ကောင်စီရဲ့ ယုတ်မာမှုကို အ​စောကတည်းကသိ့ပြီး​တော်လှန်​နေတဲ့ ပြည်သူ​တွေအပြင် အရင်က စစ်​ကောင်စီကို​ထောက်ခံခဲ့သူ​တွေ ၊စစ်​ကောင်စီရဲ့ အနွှယ်​တွေကပါ စစစ်​ကောင်စီရဲ့ဇာတိရုပ်ကို ပိုသိ့လာပါပြီ ။ဒါက​ပြည်သူ​တွေရဲ့ ​တော်လှန်​ရေးအတွက် အင်အားတိုး​စေပါတယ်။စစ်​ကောင်စီအတွက်​တော့ ကိုယ့်​စေတနာနဲ့ကိုယ်အကျိုး​ပေးပါပဲ။

မင်း​အောင်လှိုင်သာအာဏာမရူးခဲ့ရင် ပြည်သူအများစု ဒီအချိန် ကာကွယ်​ဆေးထိုးပြီး​နေတဲ့အပြင် ကိုဗစ် ဒဲတာမျိုးကွဲက ဒီထက်အန္တရာယ်ကြီးရင်​တောင် ပထမလှိုင်း ၊ဒုတိယလှိုင်းမှာ အစွမ်းပြခဲ့တဲ့​ကျန်းမာ​ရေးဝန်ထမ်း​တွေ ၊ ​စေတနာ့ဝန်ထမ်း​တွေရဲ့ ပူး​ပေါင်းအားရယ် ၊ အရပ်သားအစိုးရရဲ့ ကိုဗစ်ကာကွယ်​ရေးအစီအစဥ်​​တွေကြောင့် မြန်မာပြည်သူ​တွေ သက်​တောင့်သက်သာပဲ ဖြတ်​ကျော်​နေနိုင်မှာဖြစ်ပါတယ်။ တစ်ကယ်ဆိုရင် ဒီအချိန်ဟာ ကိုဗစ် စစ်ပွဲကို ပြည်သူ​တွေစုစုစည်းစည်း​ကျော်ဖြတ်ပြီး ၊ စီးပွား​ရေး ၊လူမှု​ရေး၊ပညာ​ရေး စတာ​တွေ ပုံမှန်နီးပါး လည်ပတ်ပြီး ​ပျော်ရွှင်​​နေရမယ့်အချိန်ပါ။

ဒါ့ကြောင့် အာဏာရူးမင်း​အောင်လှိုင်နဲ့အ​ပေါင်းအပါ​ စစ်အာဏာရှင်တွေကို သူတို့နဲ့ထိုက်တန်တဲ့​နေရာ​ရောက်​အောင်ပို့ဖို့ ၊ အ​ကြွေးဆပ်ဖို့ ​တော်လှန်​ရေးကို ပိုအားစိုက်ကြရပါမယ်။