Connect with us

Hi, what are you looking for?

LuduNwayOo

News

ဒီပဲယင်းမြို့နယ် တိုက်ပွဲ PDF ၁၈ ဦး ကျဆုံး၊ စစ်ကောင်စီ ၄ ဦးသေဟု ထုတ်ပြန်

စစ်ကိုင်းတိုင်း ဒီပဲယင်းမြို့နယ်တွင် ယမန်နေ့(ဇူလိုင် ၂ ရက်)က ဖြစ်ပွားသော တိုက်ပွဲတွင် ပြည်သူ့ကာကွယ်ရေးတပ်ဖွဲ့(PDF)မှ ၁၈ ဦး ကျဆုံးခဲ့ပြီး ၁၀ ဦးကျော် ဒဏ်ရာရခဲ့ကြောင်း ဒီပဲယင်း PDF က သတင်းထုတ်ပြန်သည်။

ဇူလိုင် ၂ ရက်က စစ်ကောင်စီက အင်အား ၁၅၀ ခန့်ဖြင့် ဝင်ရောက်လာ၍ ဒီပဲယင်းမြို့နယ်အတွင်းရှိ ဆပ်ပြာကျင်း နှင့် ဘုတ်ရွာအပါအဝင် ကျေးရွာများမှ ဒေသခံများ ထွက်ပြေးတိမ်းရှောင်ခဲ့ရကြောင်း၊ ထွက်ပြေးသည့် ပြည်သူများအား စစ်ကောင်စီက လက်နက်ကြီးများဖြင့် ပစ်ခတ်၍ မြို့နယ် PDF တပ်ဖွဲ့ဝင်များက ပြန်လည်ခုခံခဲ့၍ တိုက်ပွဲဖြစ်ပွားခဲ့ဟု ထုတ်ပြန်ခဲ့သည်။

အပြန်အလှန် ပစ်ခတ်မှုတွင် စစ်ကောင်စီမှ လက်နက်ကြီးဖြင့် အချက် ၄၀ ထက်မနည်းပစ်ခတ်ခဲ့ရာ PDF တပ်ဖွဲ့ဝင်များ ကျဆုံး ဒဏ်ရာရမှု များပြားခဲ့ပြီး တစ်ဦးဖမ်းဆီးခံခဲ့ရဟု ဆိုသည်။

စစ်ကောင်စီဘက်မှလည်း ဒဏ်ရာရသူ ၇ ဦးနှင့် သေဆုံးသူ ၄ ဦးခန့်ရှိကြောင်း ဒီပဲယင်း PDF က သတင်းထုတ်ပြန်ခဲ့သည်။

စစ်အာဏာရှင်ဆန့်ကျင်ရေးလူထုလှုပ်ရှားမှုများ အင်အားကောင်းသည့် ဒီပဲယင်းမြို့နယ်ကို စစ်ကောင်စီလက်နက်ကိုင်များက အင်အားအလုံးအရင်းဖြင့် မကြာခဏ ဝင်ရောက်စီးနင်းခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စစ်ကောင်စီတပ်သည် မြိုင်မြို့နယ်အနောက်ပိုင်း၊ ကျောက်ခွက်ကျေးရွာသို့ စက်တင်ဘာ ၂၅ ရက်က စစ်ကြောင်းထိုးဝင်ရောက်လာခဲ့စဥ် ကျောက်ခွက်ရွာအရှေ့ထိပ်တွင် မြိုင်(ပကဖ)နှင့် မဟာမိတ်တပ်ဖွဲ့များက မိုင်းသုံးလုံးဆွဲတိုက်ခိုက်ခဲ့ရာ စစ်ကောင်စီတပ်သားနှစ်ဦး သေဆုံးခဲ့သည်။

သတင်း

စစ်ကောင်စီတပ်သည် စက်တင်ဘာ ၂၉ရက်တွင် ထီးချိုင့်မှ ထွက်ခွာလာရာ ပေါက်ကုန်းရွာအဝင်နားတွင် ထိတွေ့တိုက်ပွဲဖြစ်ခဲ့သည်ဟု Tigyaing Revolution က သတင်းဖော်ပြသည်။

သတင်း

ဖမ်းဆီးရမိထားသော ဓားပြဂိုဏ်းဝင်များနှင့် ၎င်းတို့လုယက်ဓားပြတိုက်ထားသော သက်သေခံ ပစ္စည်းများအားလုံးကို သက်ဆိုင်ရာအဆင့်ဆင့်သို့တင်ပြပြီး လွှဲပြောင်းအပ်နှံသွားမည်ဖြစ်ကြောင်း ရွှေဘိုခရိုင် PDF တပ်ရင်း (၁၈)က အသိပေးထားသည်။

သတင်း

ပုလောနှင့်လောင်းလုံးမြို့အပါအဝင် တနင်္သာရီတိုင်းဒေသကြီးသည် စစ်အာဏာရှင်တော်လှန်ရေးတွင် လက်နက်ကိုင်တိုက်ခိုက်မှုရော လူထုသပိတ်ပါအားကောင်းသည့်ဒေသ ဖြစ်သည်။