သတင်း
အထိနာသည့် စစ်ကောင်စီတပ်သည် ယနေ့ နံနက် ၁၁နာရီခန့်တွင် တိုက်ပွဲဖြစ်ပွားရာနှင့် ဝေးကွာသည့် ဖလမ်းမြို့နယ် ရမ်ထလိုရွာကို လေကြောင်း က ဗုံးကြဲတိုက်ခိုက်ခဲ့ရာ အရပ်သားပြည်သူများထိခိုက်ခဲ့သည်။
Hi, what are you looking for?
အထိနာသည့် စစ်ကောင်စီတပ်သည် ယနေ့ နံနက် ၁၁နာရီခန့်တွင် တိုက်ပွဲဖြစ်ပွားရာနှင့် ဝေးကွာသည့် ဖလမ်းမြို့နယ် ရမ်ထလိုရွာကို လေကြောင်း က ဗုံးကြဲတိုက်ခိုက်ခဲ့ရာ အရပ်သားပြည်သူများထိခိုက်ခဲ့သည်။
ဟားခါးမြို့ အနီးချွန်ကျုံးရွာအရောက်တွင် ယာဉ်တန်းပါ သံချပ်ကာယာဉ် ၂စီးအပါအဝင် ယာဉ်အားလုံးကို ချင်းပူးပေါင်းတပ်ဖွဲ့က တိုက်ခိုက်ဖျက်ဆီးနိုင်ခဲ့သည်။
ဟားခါင်းစစ်ဗျူဟာသို့လာသည့် ယာဉ်အစီး ၃၀ပါ ယာဉ်တန်းကို ချင်းအမျိုးသားတပ်မတော်(CNA)နှင့် ဒေသခံ ချင်းကာကွယ်ရေးတပ်(CDF)များက တိုက်ခိုက်ခဲ့ရာ ယာဉ်အစီး ၃၀လုံးကို ထိခိုက်ပျက်စီးအောင် လုပ်ဆောင်နိုင်ခဲ့သည်ဟုဆိုသည်။
စစ်ကောင်စီယာဉ်တန်းသည် ဟားခါးမြို့နယ်ရှိ ချွန်ကျုံးရွာအဝင်ရှိ ပြည်သူလူထုနေအိမ်များကိုလည်း မီးရှို့ဖျက်ဆီးခဲ့သည်ဟုဆိုသည်။
စစ်ကောင်စီတပ်သည် မတ်လ ၃၀ရက်ကလည်း ထန်တလန်မြို့နယ် ခွာဖိုရွာကို တိုက်ပွဲဖြစ်ပွားမှုမရှိဘဲ လေကြောင်းမှ တိုက်ခိုက်ခဲ့ရာ အမျိုးသမီးများအပါအဝင် အရပ်သား ၉ဦးသေဆုံးခဲ့ရပြီး ဒဏ်ရာရသူအများအပြားရှိခဲ့သည်။
စစ်ကောင်စီတပ်သည် အရပ်သားများ၏ ကားများကို ချောဆွဲ ပြီး စစ်ရေးအတွက် အသုံးပြုလာခြင်းဖြစ်သည်ဟု ဆလိုင်းထက်နီက ပြောသည်။
စစ်ကောင်စီတပ်သည် မတ်လ ၃၀ရက်က ထန်တလန်မြို့နယ် ခွာဖိုရွာကို တိုက်ပွဲဖြစ်ပွားမှုမရှိဘဲ လေကြောင်းမှ ဗုံးကြဲတိုက်ခိုက်ခဲ့ရာ ကလေးငယ်နှင့် အမျိုးသမီးများအပါအဝင် အရပ်သား ပြည်သူ ၉ဦး သေဆုံးပြီး ဒဏ်ရာရသူအများအပြားရှိခဲ့သည်။
“ဒီကနေ့မနက် မနေ့က (ဧပြီ ၉)ည ၁၂နာရီ သန်းခေါင်ကျော်ကျော်လောက်မှာပေါ့နော် အဲဒီမှာ ကား ၂စီးကို ကျနော်တို့ ထပ်မံပြီးတော့ ရတယ်ပေါ့။ နောက်ထပ် ၂စီး ကျနော်တို့ လက်ထဲ ထပ်ရောက်တာပေါ့” ဟု ဆလိုင်းထက်နီက ပြောသည်။
မတ်လ ၈ရက်တွင် ကလေးမြို့မှ ထွက်လာသည့် တင့်ကား နှစ်စီးပါ စစ်ကောင်စီယာဉ် ၃၀ခန့်သည် ပြီးခဲ့သည့် ရက်ပိုင်းတွင် ဖလမ်းမြို့သို့ ရောက်လာခြင်းဖြစ်ပြီး ဖလမ်းမှ ဟားခါးမြို့သို့ ဆက်လက် ထွက်ခွာစဉ် ထပ်မံတိုက်ခိုက်ခံရခြင်းဖြစ်သည်။
CNO/CNDF မှ သတင်းပြန်လည် ထုတ်ပြန်မှု တစုံတရာ မရှိမခြင်း ခရီးသွားလာခြင်းမပြုရန် သတိပေးထားပြီး ထုတ်ပြန်ချက်အားလိုက်နာကြရန် အသိပေးထားသည်။