ဒီဇင်ဘာ-၃၁၊၂၀၂၅။ရောင်နီ/People’s Spring
ရန်ကုန်မြို့ သာကေတမြို့နယ် (၁)ဈေးတန်းက တာယာဆိုင်မီးလောင်မှုဖြစ်ခဲ့ပြီး ဆိုင်ခန်းနှစ်ခန်း မီးလောင်သွားတယ်လို့ ဒေသခံတစ်ဦးက ပြောပါတယ်။
ဒီကနေ့(ဒီဇင်ဘာ ၃၁) နေ့လည် ၁၂ နာရီလောက်မှာ မီးလောင်မှုဖြစ်ခဲ့တာဖြစ်ပြီး အရှေ့ပိုင်းခရိုင်မီးသတ်စခန်းက မီးသတ်ယာဉ်(၄)စီး၊ သာကေတမြို့နယ်မီးသတ်စခန်းက မီးသတ်ယာဉ်(၂)စီးနဲ့ဒေါပုံမြို့နယ်မီးသတ်စခန်းက မီးသတ်ယာဉ်(၂)စီး သွားရောက်မီးငြှိမ်းသတ်ခဲ့တယ်လို့ မြန်မာနိုင်ငံမီးသတ်တပ်ဖွဲ့က သတင်းထုတ်ပြန်ထားပါတယ်။
“တာယာဆိုင်နဲ့ စက်ဘီးဆိုင်ကငှားထားတဲ့ အခန်းသေးသေးလေး မီးလောင်သွားတာပါ။စက်ဘီးဆိုင်အကြီးတော့ မလောင်သွားပါဘူး”လို့ မျက်မြင်တွေ့ခဲ့တဲ့ ဒေသခံကပြောပါတယ်။
Public Service Announcement
မီးလောင်ချိန် မိနစ် ၂၀ကျော်ကြာမြင့်ခဲ့ပြီး ထိခိုက်ဒဏ်ရာရရှိတာမရှိဘူးလို့ ဒေသခံက ပြောပါတယ်။
မီးလောင်မှု အကြောင်းရင်းနဲ့ ဆုံးရှူံးမှုတန်ဖိုးကိုတော့ မီးသတ်ကထုတ်ပြန်ထားတာမရှိသေးပါဘူး။
