Connect with us

Hi, what are you looking for?

LuduNwayOo

News

အပစ်ရပ်ဆယ်ဖွဲ့၏ PPST ယာယီအဖွဲ့ခေါင်းဆောင် ရာထူးမှအနားယူခွင့်ပြုရန် RCSS ဥက္ကဋ္ဌယွက်စစ်အဆိုပြု

“သူက PPST က ထွက်တာမဟုတ်ဘူး။ PPST ယာယီသဘာပတိရာထူးက ရပ်နားခွင့်တောင်းတာ။ PPST က ဘာနဲ့လုပ်ထားလဲဆိုတော့ NCA အပေါ်မှာ အခြေခံပြီးတော့ လုပ်ထားတာ။ ဒီတော့ သူက PPST က ထွက်တယ်ဆိုရင် NCAက ထွက်တာနဲ့အတူတူပဲ” ဟု တိုင်းရင်းသားခေါင်းဆောင်တစ်ဦးက ပြောသည်။

NCA လက်မှတ်ထိုးတိုင်းရင်းသားလက်နက်ကိုင်ဆယ်ဖွဲ့ ခေါင်းဆောင်များဖြင့် ဖွဲ့စည်းထားသည့် ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST) ယာယီအဖွဲ့ခေါင်း ဆောင် ရာထူးမှ အနားယူခွင့် ပြုရန် ရှမ်းပြည်ပြန်လည် ထူထောင်ရေးကောင်စီ(RCSS) ဥက္ကဋ္ဌ ဗိုလ်ချုပ်ကြီး ယွက်စစ်က အဆိုပြုထားသည်။

ယခင်က ကရင်အမျိုးသားအစည်းအရုံး(KNU) ဥက္ကဋ္ဌ ဗိုလ်ချုပ်ကြီးစောမူတူးစေးဖိုး တာဝန်ယူခဲ့သည့် PPST ခေါင်းဆောင်တာဝန်ကို လွန်ခဲ့သည့်နှစ်နှစ်ကျော်မှစ၍ RCSS ဥက္ကဋ္ဌက ယာယီတာဝန်ယူထားခြင်း ဖြစ်သည်။

“သူက PPST က ထွက်တာမဟုတ်ဘူး။ PPST ယာယီသဘာပတိရာထူးက ရပ်နားခွင့်တောင်းတာ။ PPST က ဘာနဲ့လုပ်ထားလဲဆိုတော့ NCA အပေါ်မှာ အခြေခံပြီးတော့ လုပ်ထားတာ။ ဒီတော့ သူက PPST က ထွက်တယ်ဆိုရင် NCAက ထွက်တာနဲ့အတူတူပဲ” ဟု တိုင်းရင်းသားခေါင်းဆောင်တစ်ဦးက ပြောသည်။

အဆိုပါကိစ္စအပါအဝင် လက်ရှိ နိုင်ငံရေး စစ်ရေးအခြေအနေများကို ဆွေးနွေးရန်PPST အစည်းအဝေးကို မနက်ဖြန် ဇူလိုင် ၁ရက် တွင်ကျင်းပမည်ဖြစ်သည်။

NCA လက်မှတ်ထိုး တိုင်းရင်းသားလက်နက်ကိုင်အဖွဲ့ ဆယ်ဖွဲ့အနေဖြင့် NCA အကောင်အထည်ဖော်မှု ဆောင်ရွက်ရာတွင် မူဝါဒပိုင်းဆိုင်ရာ ဦးဆောင်မှုပေးရန် ရည်ရွယ်ပြီး PPST ကို လက်နက်ကိုင်တစ်ဖွဲ့ချင်းစီမှ ထိပ်သီးခေါင်းဆောင်များဖြင့် ၂၀၁၆တွင် ဖွဲ့စည်းခဲ့ခြင်းဖြစ်သည်။

လက်ရှိတွင် စစ်တပ်အာဏာသိမ်းပြီးနောက် NCA အရ ဆောင်ရွက်သည့် လုပ်ငန်းစဉ်အားလုံး ရပ်ဆိုင်းသွားသည်။

ထို့ပြင် အာဏာသိမ်းမှုကို PPST က ဆန့်ကျင်ကန့်ကွက်ထားပြီး စစ်ကောင်စီနှင့် နိုင်ငံရေးအရ ဆွေး နွေးမှုမပြုရန် ဆုံးဖြတ်ထားသည်။

You May Also Like

သတင်း

ရှမ်းပြည်နယ်၊ တအာင်းပလောင်ဒေသတွင်ဘ အခြေစိုက်သည့်TNLA သည် စစ်ကောင်စီကနိုင်ငံတော်အာဏာသိမ်းသည်ကိုဆန့်ကျင်တော်လှန်နေသည့် တိုင်းရင်းသားလက်နက်ကိုင်းအဖွဲ့တစ်ဖွဲ့ဖြစ်သည်။

သတင်း

လက်နက်အားကိုးဖြင့် အာဏာသိမ်းယူထားသည့် စစ်ကောင်စီကို ယုံကြည်ရနိုင်မလားဟု ဗိုလ်မှူးကြီးခွန်ဥက္ကာအား မေးမြန်းရာ ညှိနှိုင်းမှုမရှိဘဲ လက်နက်ကိုင်ပြီးသွားနေပါက မည်သည့် အင်အားစုကမှ ပြတ်သားစွာအနိုင်မရနိုင်ဟု ၎င်း၏ အမြင်ကို ပြောသည်။

သတင်း

RCSS၊ ၀တပ်ဖွဲ့(UWSA)၊ မိုင်းလားတပ်ဖွဲ့(NDAA) စသည့် စစ်ကောင်စီနှင့် ဆွေးနွေးနေသည့် လက်နက်ကိုင်တပ်များကလည်း အနန့်ပါ လေကြောင်းတိုက်ခိုက်ခံရမှု ဖြစ်ရပ်အပေါ် ဝမ်းနည်းကြောင်း ထုတ်ပြန်ခဲ့သည်။ သို့ရာတွင် စစ်ကောင်စီတပ်၏ လုပ်ရပ်အပေါ် ရှုတ်ချထားခြင်းမျိုးမတွေ့ရပေ။

သတင်း

စစ်အာဏာရှင်များနှင့် သွားပြီးဆွေးနွေးမည့် အလုပ်မျိုးသည် မည်သို့မှ အလုပ်မဖြစ်ဆိုသည်ကို KNU အနေဖြင့် ရှင်းလင်းပြတ်သားစွာ ပြောထားပြီးဖြစ်သည်ဟု ၎င်းက ဆိုသည်။