ကဖေး/People’s Spring
ရှေးဟောင်းယဥ်ကျေးမှုနယ်မြေဖြစ်သည့် မြောက်ဦးမြို့တွင် တိုက်ပွဲကာလအတွင်း စစ်ကောင်စီထောင်ထားခဲ့သည့်မြေမြုပ်မိုင်းများကို အာရက္ခတပ်တော်(AA)က ရှင်းလင်း ရေးလုပ်ဆောင်နေသည်။
သျှစ်သောင်းဘုရားနှင့် ကိုးသောင်းဘုရားများအနီးဝန်းကျင်တွင် မိုင်ရှင်လင်း ရေးလုပ်ဆောင်နေခြင်းဟု မြောက်ဦးမြို့မှ ဒေသခံတစ်ဦးက ပြောသည်။
ရှေးဟောင်းယဥ်ကျေးမှုနယ်မြေဖြစ်သည့် မြောက်ဦးမြို့တွင် AA ရဲဘော်များ မိုင်းရှင်းနေစဉ်။ ဓာတ်ပုံ – Golden Era Media ရှေးဟောင်းယဥ်ကျေးမှုနယ်မြေဖြစ်သည့် မြောက်ဦးမြို့တွင် AA ရဲဘော်များ မိုင်းရှင်းနေစဉ်။ ဓာတ်ပုံ – Golden Era Media ရှေးဟောင်းယဥ်ကျေးမှုနယ်မြေဖြစ်သည့် မြောက်ဦးမြို့တွင် AA ရဲဘော်များ မိုင်းရှင်းနေစဉ်။ ဓာတ်ပုံ – Golden Era Media
မြောက်ဦးမြို့ကို AAက ၂၀၂၄ ဖေဖော်ဝါရီ၂၈ရက်တွင် အပြီးသတ်တိုက်ခိုက်သိမ်းယူခဲ့ခြင်းဖြစ်သည်။ မသိမ်းပိုက်မီ တိုက်ပွဲများပြင်းထန်နေစဉ် ၂၀၂၃ ခရစ်စမတ်ကာလနှင့် ၂ဝ၂၄ ဇန်နဝါရီတွင် မြောက်ဦးမြို့ရှေးဟောင်းယဉ်ကျေးမှုဇုန်ကို စစ်ကောင်စီက လေကြောင်း၊ လက်နက်ကြီးတို့ဖြင့် ပစ်ခတ်တိုက်ခိုက်ခဲ့သည်။
Public Service Announcement
မြောက်ဦးယဉ်ကျေးမှုဒေသအား ကမ္ဘာ့ (World Heritage) စာရင်းဝင်ရန် အဆိုပြုထားသည်ကိုသိ လျက် စစ်ကောင်စီက ရည်ရွယ်ချက်ရှိ ရှိ ပစ်ခတ်ဖျက်ဆီးခြင်းဖြစ်ပြီး ထို လုပ်ရပ်သည် စစ်ရာဇဝတ်မှုကို ကျူးလွန်ခြင်းဟု AAက ထုတ်ပြန်ခဲ့သည်။
အမျိုးသားညီညွတ်ရေးအစိုးရ(NUG)၊ကြားကာလအမွေအနှစ် ထိန်းသိမ်းရေးကော်မရှင်ကလည်း ရခိုင်တိုင်းရင်းသားတို့၏ ရှေးဟောင်း ယဉ်ကျေးမှု အမွေအနှစ်များထားရှိရာ မြောက်ဦးပြတိုက်အား စစ်ကောင်စီက တိုက်ခိုက်မှုအပေါ် ပြင်းထန်စွာရှုံ့ချ ကြောင်းနှင့်အရေးယူနိုင်ရေးဆောင်ရွက်သွားမည်ဟု ထုတ်ပြန်ခဲ့သည်။
” မြောက်ဦးက ရခိုင်ပြည်သူတွေရော ပုဂံလိုပဲ အားလုံးရဲ့ အသည်းနှလုံးဖြစ်တယ်။ အရေးတကြီးထိန်းသိမ်းဖို့လိုတဲ့နေရာဖြစ်တယ်”ဟု မြောက်ဦးဒေသခံတစ်ဦးကပြောသည်။
သိမ်းပိုက်ထားသည့်မြို့များ၌ စစ်ကောင်စီထောင်ထားခဲ့သည့်မိုင်းများရှိနေသေးပြီး ပြည်သူများအနေဖြင့် မိုင်း အန္တရာယ်သတိပြုကြရန် AAက သတိပေးချက်ထုတ်ပြန်ထားသည်။
AAသည် ရခိုင်ပြည်နယ်တွင် စစ်တွေ၊ ကျောက်ဖြူ၊ မာန်အောင်မြို့တို့မှလွဲ၍ ကျန်မြို့များအားလုံးကို တိုက်ခိုက်သိမ်းယူထားသည်။ လက်ရှိတွင် စစ်တွေမြို့အနီး၌ တိုက်ပွဲဖြစ်ပွားနေသလို ရခိုင်ပြည်နယ်နှင့် ဆက်စပ်နေသော ဧရာဝတီတိုင်း၊ ပဲခူးတိုင်း၊ မကွေးတိုင်းတို့မှမြို့နယ် အချို့တွင်လည်း AA နှင့် ပူးပေါင်းတပ်များက စစ်ကောင်စီစခန်းများကို တိုက်ခိုက်နေသည်။
