မြင်းခြံနဲ့ နွားထိုးကြီးအစပ်ရှိ ကျေးရွာတွေ က ဒေသခံ သုံးသောင်းနီး စစ်ရှောင်နေရ

နိုဝင်ဘာ – ၂၇ ၊၂၀၂၅ ၊ ဆိုင်းမင်း/People’s Spring

မန္တလေးတိုင်း ၊ မြင်းခြံမြို့နယ်နဲ့ နွားထိုးကြီးမြို့နယအစပ်မှာ စစ်ကောင်စီတပ် စစ်ကြောင်းထိုးနေတာကြောင့် အောက်တိုဘာလကုန်ပိုင်းကစတင်ပြီး စစ်ရှောင်နေရတဲ့ ပြည်သူဦးရေ သုံးသောင်းနီးပါး ရှိလာပြီလို့ စစ်ရှောင်အရေးကူညီနေသူတွေထံကသိရပါတယ်။

မြို့နယ်နှစ်ခု အစပ်က ကျေးရွာ ၁၀ ထက်မနည်းစစ်ကြောင်းထိုးခံနေရတာဖြစ်ပြီး လက်ရှိ နိုဝင်ဘာလကုန်ပိုင်းထိ ဒေသခံတွေ စစ်ရှောင်နေရတာပါ။

စစ်ရှောင်နေရတဲ့ ရွာတွေမှာ ညောင်ပင်၊ ဗလုံ၊ ပေါင်းကား၊ ကန်ဆင့်၊ တူရွင်းဘို့၊ ပျား၊ဘို့၊ကျောက်ဖြူကန်၊လက်ဝဲ၊မြင်းနီ၊မာန်လည်၊တောင်သဲတော၊ကန္နား ရွာတွေပါဝင်တယ်လို့ သိရပါတယ်။

Public Service Announcement

“စစ်ရှောင်တွေက အဝတ်တစ်ထည် ကိုယ်တစ်ခုနဲ့ရှောင်လာရတာဆိုတော့ လိုအပ်ချက်တွေကတော့ အများကြီးပဲ၊နေမကောင်းတဲ့သူတွေကိုလည်း လောလောဆယ်ဆေးဝါးမကုပေးနိုင်သေးဘူး”လို့ စစ်ရှောင် ကူညီပေးနေသူတစ်ဦးကပြောပါတယ်။

အစားအသောက်၊ အဝတ်အထည်၊စောင်နဲ့ ဆေးဝါးတွေ အဓိကလိုအပ်နေတာပါ။

လက်ရှိမှာ ဆောင်းရာသီ ဖြစ်လာတာကြောင့် ရာသီ ဥတုအေးလာတာကြောင့် သက်ကြီးပိုင်းတွေ ဖျားနာတာတွေရှိနေတယ်လို့လည်းသိရပါတယ်။