'/%3E%3C/svg%3E){kind=small}
ဇူလိုင် ၂၃၊ ၂၀၂၆။ ထားမြတ်/People’s Spring
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေး တပ်မတော်(PDF) တနင်္သာရီတိုင်းစစ်ဌာန နည်းဗျူဟာ(၃၃)က တပ်သားသစ် ခေါ်ယူကြောင်း ဒီကနေ့ ဇူလိုင် ၂၃ရက်မှာ ထုတ်ပြန်ခဲ့ပြီး တပ်သားသစ်အဖြစ် ပါဝင်လိုသူတွေ အတွက် သတ်မှတ်ချက်တွေ ဖော်ပြထားပါတယ်။
တပ်သားသစ်အဖြစ် လျှောက်ထားလိုပါက အသက် ၁၈နှစ်ကနေ ၃၀ အကြား ကျန်းမာရေး ကောင်းမွန်ရမှာ ဖြစ်သလို ကာကွယ်ရေးဝန်ကြီးဌာနမှ ချမှတ်ထားသော မူဝါဒ၊ဥပဒေ၊ အမိန့် ညွှန်ကြားချက်နဲ့ လမ်းညွှန်ချက်များကို လိုက်နာဆောင်ရွက်နိုင်ရမယ်လို့ ဖော်ပြပါတယ်။
တော်လှန်ရေးကို ပြီးဆုံးသည်အထိ အတူတကွ တိုက်ပွဲဝင်နိုင်ရမျာ ဖြစ်သလို ပေးအပ်လာတဲ့ တာဝန်ကို အချိန်မရွေး နေရာဒေသမရွေး ကျေပွန်စွာ ထမ်းဆောင်နိုင်ရမယ်လို့ ဆိုပါတယ်။
Public Service Announcement
အမိန့်နဲ့ စစ်စည်းကမ်းကို နာခံတက်သူဖြစ်ဖိုပ လိုသလိုပြည်သူလူထုနဲ့ တော်လှန်ရေးအပေါ် သစ္စာစောင့်သိပြီးတိုင်းပြည်နဲ့ လူမျိုးအတွက် စွန့်လွှတ်အနစ်နာခံနိုင်ရမယ်လို့လည်း သတ်မှတ်ထားပါတယ်။
ဒါ့အပြင် အခြား ဘယ်လက်နက်ကိုင်တပ်ဖွဲ့မှာမှ တာဝန်ထမ်းဆောင်ခဲ့ခြင်း မရှိတဲ့ ရဲဘော်အသစ်များကိုသာ လက်ခံမယ်လို့လည်း ထုတ်ပြန်ထားပြီး ဆက်သွယ်လို့ရမယ့် သူတွေရဲ့ အမည်နဲ့ ဆက်သွယ်ရမယ့် Signal နံပါတ်တွေကိုပါ ဗျူဟာ ၃၃ရဲ့ ဖေစ်ဘွတ်ခ်စာမျက်နှာမှာ အသိပေးထားပါတယ်။
“တော်လှန်ရေးက သွေးအေးသွားလို့မဖြစ်ဘူး ..ဆက်ပြီးတိုက်ပွဲ ဝင်ရမှာဖြစ်တယ် ပြည်သူလိုလားတဲ့ ပြည်သူ့အစိုးရဖြစ်စေဖို့ အရွယ်ရှိတဲ့လူငယ်တိုင်း တော်လှန်တိုက်ပွဲဝင်ဖို့ ပြည်သူ့ကာကွယ်ရေးတပ်မတော် (PDF) ကကြိုဆိုလက်ကမ်းလျှက်ပါ” လို့ ဗျူဟာ ၃၃ ဗျူဟာမှူး ရဲဘော်စောဒါးကိုက တပ်သားတွေအဖြစ် ပူးပေါင်းပါဝင်ကြဖို့ ဖိတ်ခေါ်ထားပါတယ်။
ဗျူဟာ ၃၃ ကွပ်ကဲမှု တပ်ရင်းတပ်ဖွဲ့တွေဟာ တနင်္သာရီနဲ့ မွန်ဒေသတွေမှာ အခြားတော်လှန်ရေးတပ်တွေနဲ့ ပူးပေါင်းပြီး စစ်တပ်ကို တိုက်ခိုက်လျက်ရှိပါတယ်။
