မုံရွာ-ယာကြီး-က​လေးဝလမ်းပိုင်းကိုခရီးသွားပြည်သူများအသုံးမပြုရန် အမိ​မြေ​တော်လှန်​ရေးတပ်ဖွဲ့​မေတ္တာရပ်ခံ

စစ်ကိုင်းတိုင်း၊ မုံရွာ-ယာကြီး-ကလေးဝလမ်းပိုင်းအားခရီးသွားပြည်သူများ လုံးဝအသုံးမပြုကြရန် အမိမြေတော်လှန်ရေးတပ်ဖွဲ့ကမေတ္တာရပ်ခံသည်။

ယင်းမာပင်မြို့နယ် အောင်ဇေယျကုန်းအနီးတွင် စစ်ရေးအနေအထားတင်းမာလျက်ရှိသောကြောင့် မုံရွာ-ယာကြီး-ကလေးဝလမ်းပိုင်းအား ယခုကြေညာချက်ထုတ်ပြန်ချိန်မှ စ၍ခရီးသွားပြည်သူများ လုံးဝအသုံးမပြုကြရန် မေတ္တာရပ်ခံအပ်ကြောင်း ဒေသတွင်းPDFအဖွဲ့တစ်ခုဖြစ်သည့် အမိမြေ-တော်လှန်ရေးတပ်ဖွဲ့က ယနေ့ဖေဖော်ဝါရီလ ၂၅ ရက် မွန်းလွဲပိုင်းတွင် သတင်းထုတ်ပြန်သည်။

အဆိုပါလမ်းပိုင်းလက်ရှိအခြေအနေနှင့်ပတ်သက်၍ “ယာကြီး ကလေး ဘက်ကနေ မုံရွာက်ု သွားတဲ့ အောင်ဇေယျကုန်းမှာ လမ်းပိတ်ထားပါတယ်။ ခွေးတွေက အနောက်ကို ခြေကျင် စစ်ကြောင်း ထွက်လာပြီးတော့ ငါးမိုင်ဂိတ်နားမှာ ကင်းပုန်းဝတ်သွားပါတယ်။”ဟုအမိမြေ-တော်လှန်ရေးတပ်ဖွဲ့ တာဝန်ရှိသူကပြောသည်။

လမ်းပိုင်းများ ပြန်လည်ဖွင့်လှစ်မည့်အချိန်ကို ထပ်မံကြေညာပေးသွားပါမည်ဟု အမိမြေ-တော်လှန်ရေးတပ်ဖွဲ့က ပြောသည်။

Public Service Announcement

ယင်းမာပင်မြို့နယ်အတွင်းရှိ ပုသိမ်- မုံရွာ ကားလမ်းတွင်လည်း ဖေဖော်ဝါရီလ ၁၇ ရက်နေ့က အကြမ်းဖက်စစ်ကောင်စီကားများ မိုင်းဆွဲတိုက်ခိုက်ခံခဲ့ရပြီး ထိခိုက်သေဆုံးမှုအချို့ ရှိခဲ့သည်။