ကရင်နီဒေသတွင် အာဏာသိမ်းစစ်တပ်က မတရားဖမ်းဆီးထားသူ၉၀ကျော်ရှိဟု PKPF ထုတ်ပြန်

ကရင်နီ(ကယား)ပြည်နယ်တွင် အာဏာသိမ်းစစ်ကောင်စီတပ်မှ မတရား ဖမ်းဆီးထားသူ အနည်းဆုံး ၉၄ဦးရှိကြောင်း တိုးတက်သော ကရင်နီပြည်သူ့အင်အားစု (PKPF)က အမည်စာရင်းများနှင့်အတူတကွ ထုတ်ပြန် သည်။

PKPFက ထုတ်ပြန်သည့် စာရင်းများအရ ပုဒ်မ အမျိုးမျိုးဖြင့် စွဲချက်တင် ဖမ်းဆီးခံရသူအရေအတွက်မှာ ပုဒ်မ ၅၀၅(က)ဖြင့် ၇၉ ဦး၊ ပုဒ်မ ၃၀၂ ဖြင့် ၇ ဦး၊ ပုဒ်မ ၁၇/ ၁ ဖြင့် ၄ ဦးနှင့် ပုဒ်မ ၁၉/စဖြင့် ၄ ဦးတို့ဖြစ် သည်။

ယခင်က ကယားပြည်နယ်၌ ဖမ်းဆီးခံရသူ ၁၃၄ဦးကျော် ရှိကြောင်း PKPF က ထုတ်ပြန်ခဲ့သော်လည်း လက်ရှိစာရင်းအသေးစိတ် ပြန်လည်ပြုစုရာ၌ ၉၄ဦးသာ ပြုစုနိုင်သေးကြောင်း၊ နိုင်ငံရေးနှင့် ဆက်စပ်ပြီး အဖမ်းခံရမှုမှာ ၉၄ ဦးထက် ပိုများကြောင်း ထုတ်ပြန်ခဲ့သည်။

PKPFက မသိရသေးသည့် ဖမ်းဆီးခံရသူများလည်းရှိရာ ယင်းအတွက်ကြိုးစား ချိတ်ဆက်နေကြောင်း၊ စာရင်း၌ မပါသေးသူများကို PKPF Facebook စာမျက်နှာသို့ ဆက်သွယ်နိုင်ကြောင်း ဖိတ်ခေါ်ထားသည်။

Public Service Announcement