Connect with us

Hi, what are you looking for?

LuduNwayOo

News

စစ်ရှောင်များအပါအဝင် လိုအပ်ချက်ရှိသူ ၆သိန်းကျော်အား WFPကစားနပ်ရိက္ခာများ ပေးအပ်

ကချင်၊ ချင်း၊ ရခိုင်၊ ရှမ်းပြည်နယ်နှင့် ရန်ကုန်တိုင်းတို့မှ စားနပ်ရိက္ခာအခက်အခဲရှိသူ လူဦးရေ ၆သိန်းကျော်ကို စားနပ်ရိက္ခာ ပေးအပ်ခဲ့ ကြောင်းကမ္ဘာ့စားနပ်ရိက္ခာအစီအစဉ် (WFP) က ယ​နေ့ညတွင် သတင်းထုတ်ပြန်သည်။

WFP အနေဖြင့် ကချင်၊ချင်း၊ ရခိုင်နှင့် ရှမ်းပြည်နယ်များမှ စားနပ်ရိက္ခာ အခက်အခဲရှိသူ ၃၄၀,၀၀၀ အပါအဝင် လိုအပ်ချက်ရှိသူများကို လစဉ် စားနပ်ရိက္ခာ (သို့) ငွေကြေးအကူအညီများ‌ေပးအပ်ခဲ့‌ေကြာင်း၊ ယခုမေလတွင် ရန်ကုန်၊ လှိုင်သာယာမြို့နယ်က လူပေါင်း ၃၃၄,၀၀၀ အတွက် တစ်လစာဆန်ရိက္ခာများပါအဝင်စားနပ်ရိက္ခာကို ဖြန့်ဖြူးပေးနေကြောင်း WFPက ဆိုသည်။

“အဆိုပါအကူအညီကို ဆင်းရဲနွမ်းပါးမှုအမြင့်ဆုံးနေရာများနဲ့ နေထိုင်မှုအတည်တကျမရှိသေးတဲ့ အခြေချသူများရှိရာနေရာများရှိ ထိခိုက်လွယ်သူများကို တိုက်ရိုက်ပေးဝေခဲ့ပါတယ်”ဟု WFPက ထုတ်ပြန်သည်။
WFP အနေဖြင့် ပဋိပက္ခဖြစ်ပွားရာဒေသများတွင် ပေးအပ်လျက်ရှိသည့် လူသားချင်းစာနာမှု အထောက်အပံ့များရပ်တန့်သွားခြင်းမရှိဘဲ အထက်ပါအထောက်အပံ့များကို ထပ်တိုးပေးအပ်ကူညီခြင်းဖြစ်ကြောင်း ဖော်ပြသည်။

အကူအညီများကို နေရပ်စွန့်ခွာတိမ်းရှောင်ရသူများ၊ သက်ကြီးရွယ်အိုများရှိသည့် မိသားစုများ၊ မသန်စွမ်းသူများ၊ ကလေးငယ်များ၊ ကိုယ်၀န်ဆောင်နှင့် နို့တိုက်မိခင်များအပြင် ထူးခြားအာဟာရလိုအပ်ချက်ရှိသူများနှင့် ထိခိုက်လွယ်သူများအတွက် ပေးအပ်ခြင်းဖြစ်သည်ဟု ထုတ်ပြန်ခဲ့သည်။

“လူသားချင်းစာနာမှုလုပ်ငန်းဆောင်ရွက်သူတွေဟာ ပဋိပက္ခကြောင့်ဖြစ်စေ၊ သဘာဝဘေးအန္တရာယ်တွေကြောင့်ဖြစ်စေ၊ နိုင်ငံရေးအခြေအနေတွေကြောင့်ဖြစ်စေ နိုင်ငံနေရာဒေသအတော်များများမှာ အိုးအိမ်ရွှေ့ပြောင်းနေထိုင်ရသူများရဲ့ လိုအပ်ချက်များကို ကြိုးစားဖြည့်ဆည်းပေးလျက်ရှိပါတယ်။” WFP ထုတ်ပြန်ချက်၌ ဖော်ပြထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

"စစ်ဘေးရှောင်တွေထဲမှာ ဖျားတဲ့နာတဲ့လူတွေလည်းများပြီး ကလေးတွေမှာ ဖိနပ်တောင်မပါကြဘဲ ငုတ်စူးတဲ့ကလေးတွေလည်းရှိတယ်လို့ သိရပါတယ်။"ဟု We Love Seikphyu Group က ပြောသည်။

သတင်း

ရခိုင်ပြည်နယ်တွင် ရက္ခိုင့်တပ်တော် (AA) နှင့် စစ်ကောင်စီတပ်တို့၏ တကျော့ပြန်တိုက်ပွဲများကြောင့် မောင်တောနှင့် ရသေ့တောင်အပါအဝင် စစ်ဘေးရှောင်ဦးရေများထပ်မံတိုးပွားလာရာ စုစုပေါင်း စစ်ရှောင် ‌‌ခြောက်သောင်းကျော်ရှိသည်ဟု ဆိုသည်။

သတင်း

စစ်ကောင်စီတပ် စစ်ကြောင်းထိုးမှုကြောင့် လူ့လောကရောက်ပြီးသည်မှာ မိနစ်၁၈၀ ခန့်သာရှိသေးသည့် ကလေးငယ်သည် မိခင်နှင့်အတူ မီးနေခန်းမှထပြေးခဲ့ရသည်။

သတင်း

ယနေ့(စက်တင်ဘာ ၁၆ ရက်) နံနက်ပိုင်းက မိုးဗြဲ မြို့မွေတော်ဘုရားဝင်းအတွင်းစစ်ဘေးရှောင် ပြည်သူများနေရာသို့ လက်နက်ကြီးကျရောက် ပေါက်ကွဲ ခဲ့ခြင်းဟု ဆိုသည်။