Connect with us

Hi, what are you looking for?

LuduNwayOo

News

အပစ်ရပ်ဆယ်ဖွဲ့က ကိုဗစ်ထိန်းချုပ်ရေးကော်မတီ ဖွဲ့စည်း

ပအိုဝ်းအမျိုးသားအဖွဲ့ချုပ်(PNLO) ဦးဆောင်နာယက ဗိုလ်မှူးကြီးခွန်ဥက္ကာနှင့် ရှမ်းပြည်ပြန်လည်ထူထောင်ရေးကောင်စီ(RCSS)အတွင်းရေးမှူး ဗိုလ်မှူးကြီးစိုင်းငင်းတို့ အပါအဝင် အဖွဲ့ဝင် ၁၁ဦးဖြင့် ဖွဲ့စည်းထားသည်။

လက်ရှိဖြစ်ပေါ်နေသော COVID-19 ကပ်ရောဂါဘေး အရေးပေါ် အခြေအနေတွင် ကာကွယ်ထိန်းချုပ်၊ ကုသရေးဆိုင်ရာလုပ်ငန်းများ လျင်မြန်စွာ လက်တွေ့လုပ်ဆောင်နိုင်ရန် ကိုဗစ်ထိန်းချုပ်ရေးကော်မတီကို ဇူလိုင် ၁၇ရက်က ဖွဲ့စည်းလိုက်ကြောင်း NCA လက်မှတ်ထိုးတိုင်းရင်းသားလက်နက်ကိုင်ဆယ်ဖွဲ့ ခေါင်းဆောင်များ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့(PPST)က ကြေညာချက်ထုတ်ပြန်သည်။

ယင်းကော်မတီကို ပအိုဝ်းအမျိုးသားအဖွဲ့ချုပ်(PNLO) ဦးဆောင်နာယက ဗိုလ်မှူးကြီးခွန်ဥက္ကာနှင့် ရှမ်းပြည်ပြန်လည်ထူထောင်ရေးကောင်စီ(RCSS)အတွင်းရေးမှူး ဗိုလ်မှူးကြီးစိုင်းငင်းတို့ အပါအဝင် အဖွဲ့ဝင် ၁၁ဦးဖြင့် ဖွဲ့စည်းထားသည်။

ကော်မတီသည် လက်ရှိဖြစ်ပေါ်နေသော COVID-19 ကပ်ရောဂါအား ကာကွယ်၊ ထိန်းချုပ်၊ ကုသရေးဆိုင်ရာလုပ်ငန်းများ လျင်မြန်စွာ အကောင်အထည်ဖော်နိုင်ရန် ပြည်တွင်း Stakeholder များအားလုံး၊ နိုင်ငံတကာအစိုးရများ၊ နိုင်ငံတကာ အဖွဲ့အစည်းများနှင့် လက်တွဲပူးပေါင်း၍ ပါဝင်လုပ်ဆောင်ပံ့ပိုးကူညီသွားမည်ဟု ထုတ်ပြန်ခဲ့သည်။

ထိုသို့ ကာကွယ်၊ ကုသ၊ ထိန်းချုပ်ရေးလုပ်ငန်းများ ဆောင်ရွက်ရာတွင် နိုင်ငံရေးအရ အခြေခံခြင်းမဟုတ်ဘဲ တိုင်းရင်းသားပြည်သူလူထုတစ်ရပ်လုံး၏ ကျန်းမာရေးကို ဦးစားပေးခြင်းဖြင့် Stakeholder များအားလုံးက ဆောင်ရွက်သင့်ကြောင်း PPSTက တိုက်တွန်းထားသည်။