စစ်တပ်အာဏာသိမ်းပြီး တစ်နှစ်ကျော်အကြာတွင် လက်ပံတောင်းနှင့်ကြေးစင်တောင်ထွက် ကြေးနီသတ္တုများကို ကမ္ဘာ့အကြီးဆုံး သတ္တုဈေးကွက် London Metal Exchange က ရောင်းဝယ်ခွင့်ကို မေ ၂၄ ရက်စတင်ပြီးပိတ်လိုက်ပြီဖြစ်သည်။
လန်ဒန် သတ္တုဈေးကွက်(London Metal Exchange -LME)ကလက်ပံတောင်းတောင် ကြေးနီစီမံကိန်းမှထွက်သောကြေးနီများကိုရောင်းဝယ်ခွင့်ရပ်နားပြီဖြစ်ကြောင်းအကြောင်းကြားစာကို ကြားခံရောင်းချပေးနေသည့် ကုမ္ပဏီများနှင့် သိုလှောင်ရုံများ ကို ဖေဖော်ဝါရီ ၂၄ ရက် ရက်စွဲဖြင့်အကြောင်းကြားခဲ့ခြင်းဖြစ်သည်။
ထိုအကြောင်းကြားစာတွင် စစ်ကိုင်းတိုင်း၊ မုံရွာတွင် တရုတ်ကုမ္ပဏီ ဝမ်ပေါင်ကုမ္ပဏီက တူးဖော်ထုတ်လုပ်နေသည့် ကြေးနီများကို ရောင်းချခွင့်မပြုတော့ဟုဆိုသည်။ထိုကြောင့် မေ ၂၃ ရက်မတိုင်ခင် သတ္တုရောင်းချမှုများ အပြီးသတ်ဆောင်ရွက်ရန် နှင့်မေ ၂၄ ရက်တွင် အဆိုပါကုမ္ပဏီ၏ အ
မှတ်တံဆိပ်ကို လက်ခံမည်မဟုတ်တော့ကြောင်း ရေးသားထားသည်။
LMEသည် ကမ္ဘာအကြီးဆုံး သတ္တုဆိုင်ရာဈေးကွက်တစ်ခုဖြစ်ပြီး အထူးသဖြင့် သံသတ္တုများနှင့် အဖိုးတန်သတ္တုများကို ရောင်းဝယ်သည့်နေရာဖြစ်သည်။ ထိုဈေးကွက်ကို ၁၈၇၇ ခုနှစ်တွင် စတင်တည်ထောင်ခဲ့ခြင်းဖြစ်သည်။
Public Service Announcement
တရုတ်နိုင်ငံပိုင် China North Industries Corporation ၏ လက်နက်ထုတ်လုပ်သောလုပ်ငန်းဖြစ်သည့် Norinco က မြန်မာစီးပွားရေးဦးပိုင် ၊မြန်မာအစိုးရတို့နှင့် ပူးပေါင်း၍ မြန်မာဝမ်ပေါင်ကုမ္ပဏီကိုထူထောင်ကာလက်ပံတောင်းတောင်နှင့်ကြေးစင်တောင်တို့တွင် ကြေးနီတူးဖော်နေခြင်းဖြစ်သည်။ ယခင်က လက်ပံတောင်းတောင်ကြေးနီစီမံကိန်းကိုကနေဒါကုမ္ပဏီဖြစ်သောအိုင်ဗင်ဟိုး
(Ivanhole)က၁၉၉၆ မှစတင်လုပ်ကိုင်ခဲ့သည်။ ၂၀၁၁ ခုနှစ်တွင် ကနေဒါကုမ္ပဏီက တရုတ်အစိုးရပိုင် အိုင်ဗင်ဟိုးသို့ လွှဲပြောင်းရောင်းချခဲ့ခြင်းဖြစ်သည်။
ထိုကုမ္ပဏီသည် မြန်မာနှင့် ကွန်ဂိုတို့တွင် သတ္တုတူးဖော်ရေးလုပ်ငန်းများဆောင်ရွက်နေခြင်းဖြစ်သည်။ ဈေးကွက်တွင် ရောင်းချခွင့်ပိတ်ခြင်းသည့် မြန်မာနိုင်ငံ မုံရွာမှ ထွက်ရှိသည့် ကြေးနီသတ္တုအတွက်သာဖြစ်သည်။ ထို ကြေးနီးသတ္တုတူးဖော်ရေးလုပ်ငန်းသည် အမှတ် ၁ သတ္တုလုပ်ငန်း အောက်တွင်တည်ရှိနေခြင်းဖြစ်သည်။ .
ဥရောပသမဂ္ဂ(EU)ကအကြမ်းဖက်စစ်ကောင်စီလက်အောက်ခံ အမှတ် (၁)သတ္တုတွင်းလုပ်ငန်းနှင့် မြန်မာ့ရေနံနှင့်သဘာဝဓာတ်ငွေ့လုပ်ငန်း(MOGE)ကို ဖေဖော်ဝါရီ ၂၂ ရက်တွင် ပိတ်ဆို့အရေးယူခဲ့ခြင်းဖြစ်သည်။
