စက်တင်ဘာ-၁၈၊ ၂၀၂၅။ People’s Spring
စစ်ကောင်စီတပ်သားသစ် ၄ဦး အလင်းဝင်လာကြောင်းမင်းဘူးခရိုင်အမှတ်(၆)တပ်ရင်းကယနေ့ သတင်းထုတ်ပြန်သည်။
စစ်ကောင်စီကပေါ်တာစွဲအတင်းအဓမ္မစစ်သင်တန်းပေးပြီး ငဖဲမြို့နယ် အခြေစိုက် အမှတ်(၁၄) ကာကွယ်ရေးပစ္စည်းစက်ရုံ (ကပစ-၁၄)သို့ ပို့ဆောင်ထားသည့် စစ်ကောင်စီတပ်သားများအနက် တပ်သား ၄ဦးသည် စက်တင်ဘာ ၄ရက်တွင် အလင်းဝင်လာခြင်းဖြစ်ဟု အသိပေးသည်။
“သူတို့က စစ်သင်တန်းတက်ပြီး ကပစ ၁၄ကိုတန်းရာက်လာတာပါ။တိုက်ပွဲအတွေ့အကြုံမရှိသေးပါဘူး။ အားလုံးကထွက်ပြေးဖို့ကြံနေတဲ့သူတွေ့ချည်ပါပဲ။ကပစ ၁၄ကတော့ ပဒါန်းနယ်ထဲမှာဆိုတော့အခိုင်အမာခံစစ်ပြင်နေပါတယ်” ဟု မင်းဘူးခရိုင် အမှတ်(၆)တပ်ရင်းမှတာဝန်ရှိသူကပြောသည်။
Public Service Announcement
အလင်းဝင်ရောက်လာသူ ၄ဦး၏ မှတ်တမ်းဓာတ်ပုံကို ဖော်ပြထားပြီး လက်နက်ခဲယမ်းပါ၊မပါကိုမူ ဖော်ပြခြင်းမရှိပေ။
အလင်းဝင်လာသူများကို လူ့ဂုဏ်သိက္ခာ နှင့်အညီ ထိန်းသိမ်းထားကြောင်း အသိပေးပြီး စစ်ကောင်စီတပ်သားများ ပြည်သူ့ထံ အလင်းဝင်ရောက်လိုပါက ဆက်သွယ်နိုင်ကြောင်း ထုတ်ပြန်သည်။
ထို့ပြင် အလင်းဝင်လာသူများကို မိသားစုနှင့် ပြန်လည်ဆုံတွေ့နိုင်ရန်ကူညီပေးမည်ဟုလည်း အသိပေးသည်။
“ပေါ်တာဆွဲခံရတဲ့လူငယ်တွေအကြမ်းဖက်စစ်တပ်စီကထွက်ပြေးကြပါ။ထွက်ပြေးရင်လည်းတော်လှန်ရေးအဖွဲ့တွေချိတ်ဆက်ပါ။ဒီအတိုင်းထွက်ပြေးမယ်ဆိုရင်လည်းနယ်မြေအနေအထားကိုမပြေးခင်ကြိုတင်လေ့လာပါ။ဒါမှအကြမ်းဖက်စစ်
တပ်ရန်ကလွတ်ပါလိမ့်မယ်။နယ်မြေအကြောင်း သိရှိထားရင် ပြေးရတာလွတ်မြောက်နိုင်ပါတယ်”ဟုအထက်ပါတာဝန်ရှိသူကဆက်ပြောသည်။
စစ်ကောင်စီသည်နိုင်ငံတဝန်းလူငယ်လူရွယ်များကိုအဓမ္မစစ်သားစုဆောင်းပြီး ရှေ့တန်းစစ်မြေပြင်များ၌ လူသားဒိုင်းအဖြစ် အသုံးပြုမှုများလုပ်ဆောင်လျက်ရှိရာ တပ်သားသစ်များ ထွက်ပြေးခြင်း၊ တော်လှန်ရေးတပ်ဖွဲ့များထံချိတ်ဆက် အလင်းဝင်ရောက်မှု ဖြစ်စဉ်များဆက်တိုက်ရှိနေသည်။
စစ်ကောင်စီသည် လူငယ်လူရွယ်များကို နည်းမျိုးစုံ ပေါ်တာဆွဲနေ၍ ဂရုစိုက်ကြရန် ကလေးခရိုင် ပြည်သူ့ကာကွယ်ရေးအဖွဲ့(ပကဖ)ဒရုန်းတပ်ဖွဲ့ တာဝန်ရှိသူတဦးကသတိပေးထားပြီးစစ်ကောင်စီတပ်သားများ ပြည်သူ့ဘက် အမြန်ဆုံးအလင်းဝင်ရန် တိုက်တွန်းထားသည်။
“စကစတွေပေါ်တာမဆွဲခင်လည်း ပြည်သူ့ကာကွယ်ရေးတပ်မတော်တွေ၊ ပကဖတွေ နီးစပ်ရာ ERO အဖွဲအစည်းတွေမှာ လွတ်မြောက်နယ်မြေတွေလည်းရနေပါပြီ။ အဲဒီ လွတ်မြောက်နယ်မြေတွေမှာ အချိန်မီသွားပြီးခိုလှုကြပါ ။ အဓိကအားဖြင့် လူငယ်တွေကိုတိုက်တွန်းချင်တယ်” ဟု ကလေးခရိုင် ပကဖ ဒရုန်းတပ်ဖွဲ တာဝန်ရှိသူက ပြောသည်။
စစ်ကောင်စီဘက်က ပေါ်တာဆွဲ၍ ပါသွားပါက အသက်အာမခံချက်မရှိကြောင်း ၎င်းကဆက်ပြောကြားသည်။
