Connect with us

Hi, what are you looking for?

LuduNwayOo

နိုင်ငံတကာ

ရုရှား အရှေ့ဖျား ဒေသမှာ ခရီးသည်တင် လေယာဉ် ပျက်ကျပြီး ၂၈ ဦးသေဆုံး

လေယာဉ်ပေါ်မှာ အမှုထမ်း ၆ ဦးနဲ့ ခရီးသည် ၂၂ ဦး လိုက်ပါသွားကြောင်း ဝန်ကြီးဌာနက ကြေညာပါတယ်။ ပါလာနား မြို့တော်ဝန်က လေယာဉ် ပျက်ကျမှုမှာ အသက်ရှင် ကျန်ရစ်သူ မရှိဘူးလို့ အတည်ပြုသွားခဲ့ပါတယ်။

ရုရှားနိုင်ငံ အရှေ့ဖျား ဒေသမှာ ခရီးသည်တင် လေယာဉ်တစ်စီး ပျက်ကျပြီး လိုက်ပါသွားသူ ၂၈ ဦးစလုံး သေဆုံးသွားကြောင်း သိရပါတယ်။

Antonov An-26 အမျိုးအစား ပန်ကာနှစ်လုံးတပ် လေယာဉ်ဟာ ပက်ထရိုပက်ဗ်လော့စ်ခ်-ကမ်ချတ်စကီး မြို့ကနေ ပါလာနားကို ဦးတည် ပျံသန်းရင်း ပျက်ကျသွားတာ ဖြစ်ပါတယ်။ လေယာဉ်ဟာ လမ်းခုလတ်မှာတင် လေကြောင်း ထိန်းသိမ်းရေး မျှော်စင်နဲ့ ရုတ်တရက် အဆက်အသွယ် ပြတ်တောက်သွားခဲ့ကြောင်း အရေးပေါ် အခြေအနေ တုံ့ပြန်ရေး ဝန်ကြီးဌာနက ဇူလိုင် ၆ ရက်မှာ ထုတ်ပြန်ပါတယ်။

လေယာဉ်ပေါ်မှာ အမှုထမ်း ၆ ဦးနဲ့ ခရီးသည် ၂၂ ဦး လိုက်ပါသွားကြောင်း ဝန်ကြီးဌာနက ကြေညာပါတယ်။ ပါလာနား မြို့တော်ဝန်က လေယာဉ် ပျက်ကျမှုမှာ အသက်ရှင် ကျန်ရစ်သူ မရှိဘူးလို့ အတည်ပြုသွားခဲ့ပါတယ်။

လေယာဉ် ပျက်ကျရတဲ့ အကြောင်းရင်းကိုတော့ တိတိကျကျ မသိရသေးပါဘူး။ ဒါပေမဲ့ အခင်းဖြစ်ချိန် ရာသီဥတု အချိန်က တိမ်ထူပြီး မြင်ကွင်း သိပ်မရှင်းဘူးလို့ သိရပါတယ်။

Public Service Announcement

Public Service Announcement

Tass သတင်းဌာနက အဲဒီ လေယာဉ်ကို ဒေသတွင်း လေကြောင်းလိုင်း တစ်ခုက ၁၉၈၂ ခုနှစ် ကတည်းက သုံးစွဲနေခဲ့တာလို့ ဖော်ပြပါတယ်။ ရုရှားရဲ့ လေကြောင်းသယ်ယူပို့ဆောင်ရေး ကဏ္ဍဟာ လုံခြုံမှု အပိုင်းမှာ တိုးတက်လာပေမယ့် ဆိုဗီယက်ခေတ် လက်ကျန် လေယာဉ် တချို့ကို ဆက်လက် သုံးစွဲနေရတဲ့အတွက် လေယာဉ် မတော်တဆမှုတွေ ရံဖန်ရံခါ ကြုံနေရဆဲ ဖြစ်ပါတယ်။

ဆက်စပ်သတင်းများ

နိုင်ငံတကာ

နယ်သာလန် မီဒီယာတွေကတော့ သေဆုံးသူဟာ လေယာဉ် မထွက်ခွာမီ လိုအပ်တာတွေ ပြင်ဆင်ပေးရတဲ့ လေဆိပ်ဝန်ထမ်း တစ်ယောက်ယောက် ဖြစ်နိုင်တယ်လို့ ခန့်မှန်း ဖော်ပြနေကြပါတယ်။

သတင်း

ဟံသာဝတီရွာအတွင်း တပ်စွဲထားသည့် စစ်ကောင်စီစစ်ကြောင်းမှူးကိုလည်း အချိန်းအပြောင်းပြုလုပ်သွားကြောင်း သတင်းရရှိသည်။

နိုင်ငံတကာ

ဘင်္ဂလားဒေ့ရှ်ဟာ ကမ္ဘာ့ရာသီဥတု ဖောက်ပြန်ပြောင်းလဲမှုဒဏ်ကို အဆိုးဆုံး ခံစားရမယ့် နိုင်ငံတစ်ခုအဖြစ် သတ်မှတ် ခံထားရပြီး မကြာသေးခင် နှစ်ပိုင်းတွေအတွင်း အပူလွန်ကဲမှုနဲ့ ရေကြီးမှုတွေကို မကြာခဏ ရင်ဆိုင် ကြုံတွေ့ခဲ့ရပါတယ်။

နိုင်ငံတကာ

ဇီလန်စကီးကတော့ ရုရှားတပ်တွေ သိမ်းယူထားတဲ့ ယူကရိန်းပိုင်နက် နယ်မြေအားလုံး ပြန်မရမချင်း သူဟာ ပူတင်နဲ့ စစ်ပွဲရပ်ဆိုင်းရေးကိစ္စ ဆွေးနွေးဖို့ မဖြစ်နိုင်ကြောင်း တွင်တွင် ငြင်းဆိုထားပါတယ်။