Connect with us

Hi, what are you looking for?

LuduNwayOo

နိုင်ငံတကာ

သီရိလင်္ကာက ထွက်ပြေးခဲ့တဲ့ သမ္မတဟောင်း ထိုင်းနိုင်ငံကို ရောက်ရှိလာ

သီရိလင်္ကာမှာတော့ ပြည်သူတွေက ရာဂျာပက်ဆာနဲ့ တစ်ချိန်က နိုင်ငံရေးဩဇာ ကြီးမားခဲ့တဲ့ သူ့ရဲ့ မိသားစုဝင်တွေကို အခုထိ အခဲမကျေသေးပါဘူး။ ရာဂျာပက်ဆာရဲ့ အစ်ကိုဖြစ်သူ မာဟင်ဒါ ရာဂျာပက်ဆာကလည်း သီရိလင်္ကာရဲ့ သမ္မတဟောင်း တစ်ဦးပါပဲ။

သီရိလင်္ကာက ထွက်ပြေးခဲ့တဲ့ သမ္မတဟောင်း ထိုင်းနိုင်ငံကို ရောက်ရှိလာ
သီရိလင်္ကာက ထွက်ပြေးခဲ့တဲ့ သမ္မတဟောင်း ထိုင်းနိုင်ငံကို ရောက်ရှိလာ

နိုင်ငံကနေ ထွက်ပြေးလာတဲ့ သီရိလင်္ကာ သမ္မတဟောင်း ဂိုတာဘာယာ ရာဂျာပက်ဆာဟာ အခုအခါ ထိုင်းနိုင်ငံကို ရောက်ရှိနေတယ်လို့ သိရပါတယ်။

ရာဂျာပက်ဆာ လက်ထက်မှာ သီရိလင်္ကာ နိုင်ငံဟာ သမိုင်းတလျှောက် အဆိုးရွားဆုံး စီးပွားပျက်ကပ်နဲ့ ကြုံတွေ့ခဲ့ပြီး အစိုးရက ဒေဝါလီ ခံရတဲ့ အဆင့်ထိ ရောက်သွားခဲ့ပါတယ်။ နောက်ဆုံး ပြည်သူလူထုက မခံမရပ်နိုင်ဘဲ အုံကြွ ဆန္ဒပြကြတဲ့အတွက် ရာဂျာပက်ဆာက ရာထူးက နုတ်ထွက်ပေးမယ်လို့ ကြေညာခဲ့ရပါတယ်။ သူဟာ ရာထူးက တရားဝင် နုတ်မထွက်ခင် ၁ ရက် အလိုမှာပဲ နိုင်ငံကနေ ထွက်ပြေးသွားခဲ့ပါတယ်။

ရာဂျာပက်ဆာဟာ မကြာသေးခင်က စင်ကာပူမှာ ယာယီနေထိုင်ခဲ့ပြီး ဗီဇာသက်တမ်း ကုန်ဆုံးတဲ့နောက် ထိုင်းနိုင်ငံကို ပြောင်းရွှေ့လာခဲ့တာပါ။ ဩဂုတ် ၁၁ ရက်က ရာဂျာပက်ဆာဟာ ဘန်ကောက်မြို့က ဒွန်မောင်းလေဆိပ်ကို သီးသန့်လေယာဉ်နဲ့ ဆိုက်ရောက်ခဲ့ကြောင်း ဒီကိစ္စနဲ့ နီးစပ်တဲ့ ထိုင်းရဲအရာရှိ တစ်ယောက်က အတည်ပြုပါတယ်။

ရာဂျာပက်ဆာဟာ ဘန်ကောက်မှာ သိုသိုသိပ်သိပ် နေထိုင်ဖို့ ရည်ရွယ်ထားတယ်လို့လည်း အဲဒီ သတင်းရင်းမြစ်က ဆိုပါတယ်။ ထိုင်းနိုင်ငံခြားရေး ဝန်ကြီးဌာန ပြောရေးဆိုခွင့်ရ အရာရှိ တာနီး ဆန်ဂရက်က ထိုင်းအစိုးရဟာ ရာဂျာပက်ဆာရဲ့ ပြည်ဝင်ခွင့် တောင်းခံမှုကို လက်ခံ ရရှိခဲ့ကြောင်း လူမှုကွန်ရက်မှာ ရေးသားထားပါတယ်။

ရာဂျာပက်ဆာဟာ ထိုင်းနိုင်ငံမှာ ဗီဇာ မလိုဘဲ ရက်ပေါင်း ၉၀ နေထိုင်ခွင့်ရှိကြောင်း၊ သူဟာ ယာယီ နေထိုင်တာမျိုးသာ ဖြစ်နိုင်ပြီး နိုင်ငံရေး ခိုလှုံခွင့် တောင်းခံမထားကြောင်း တာနီးက ဆိုပါတယ်။ ရာဂျာပက်ဆာဟာ ဇူလိုင်လမှာ သီရိလင်္ကာကနေ မော်လ်ဒိုက်ဗ်ကို ထွက်ပြေးခဲ့ပြီး အဲဒီကမှတဆင့် စင်ကာပူကို ရောက်ရှိသွားခဲ့တာပါ။

သီရိလင်္ကာမှာတော့ ပြည်သူတွေက ရာဂျာပက်ဆာနဲ့ တစ်ချိန်က နိုင်ငံရေးဩဇာ ကြီးမားခဲ့တဲ့ သူ့ရဲ့ မိသားစုဝင်တွေကို အခုထိ အခဲမကျေသေးပါဘူး။ ရာဂျာပက်ဆာရဲ့ အစ်ကိုဖြစ်သူ မာဟင်ဒါ ရာဂျာပက်ဆာကလည်း သီရိလင်္ကာရဲ့ သမ္မတဟောင်း တစ်ဦးပါပဲ။

ပြည်သူ အများစုက ရာဂျာပက်ဆာရဲ့ ညံ့ဖျင်း အားနည်းလှတဲ့ ဦးဆောင်မှုတွေက နိုင်ငံကို ဒုက္ခတွင်းထဲ ဆွဲချသွားခဲ့တယ်လို့ စွပ်စွဲနေကြပါတယ်။ လောလောဆယ်မှာ ရာဂျာပက်ဆာရဲ့ မဟာမိတ် တစ်ယောက်လို့ လူသိများတဲ့ ဝန်ကြီးချုပ်ဟောင်း ရာနေးလ် ဝစ်ရမ်မီဆင်းက သီရိလင်္ကာ သမ္မတ ဖြစ်လာပြီး ဆန္ဒပြ ပြည်သူတွေကတော့ သူ့ကို အကြိုက် မတွေ့ကြပါဘူး။ ဝစ်ရမ်မီဆင်းဟာ ရာဂျာပက်ဆာနဲ့ ခပ်ကင်းကင်း နေပြဖို့ ကြိုးစားနေပေမယ့် လူထုကတော့ သူဟာ သမ္မတဟောင်းရဲ့ ဩဇာခံ ရုပ်သေးလို့ ရှုမြင်နေကြဆဲ ဖြစ်ပါတယ်။

You May Also Like

သတင်း

မြန်မာပြည်ကို ပြန်ချင်နေပေမယ့် မိသားစုဝင်တွေအားလုံး ထိုင်းမှာရှိနေတဲ့အတွက် သမီးဖြစ်သူက ပြန်ခွင့်မပေးခဲ့တာလို့ ဘန်ကောက်ပို့စ်ကဆိုထားပါတယ်။

သတင်း

ကလေးမလေးဟာ မြေအနက် ၁၄ မီတာ (၄၂ ပေ)လောက်မှာ ရှိနေခဲ့တာ ဖြစ်ပါတယ်။ ကယ်ဆယ်ရေး အဖွဲ့တွေဟာ ၁၇ နာရီလောက်ဆက်တိုက် တွင်းတူးခဲ့တဲ့နောက် ကလေးမလေးရဲ့ ငိုသံကို ကြားခွင့်ရခဲ့ကြပါတယ်။

သတင်း

ရနောင်း ထိုင်းလဝက ထိန်းသိမ်းရေးစခန်းမှာ ထိန်းသိမ်းခံရတဲ့ မြန်မာနိုင်ငံသားတွေဟာ နေထိုင်စားသောက်ရေးခက်ခဲပြီး လူ့အခွင့်အရေးချိုးဖောက်မှုတွေကြုံရတာကြောင့် မြန်မာပြည်ပြန်ခွင့်ရဖို့ ပြီးခဲ့တဲ့ ရက်ပိုင်းက အစာငတ်ခံဆန္ဒပြခဲ့ကြပါတယ်။

ဗီဒီယို

ထိုင်းက အဝေးပြေး လမ်းမတွေမှာ လုံခြုံရေး အစီအမံ အားနည်းချက်တွေ ရှိနေတာကြောင့် ဆိုးရွားတဲ့ ယာဉ်မတော်တဆမှု သတင်းတွေကို ရံဖန်ရံခါ ကြားရလေ့ ရှိကြောင်းလည်း သိရပါတယ်။