အောင်လွန်း
အမြှီးကျက်လည်းခေါင်းစားတာပဲ
ခေါင်းကျက်တော့လည်းခေါင်းစားတာပါပဲ
ခေါင်းစားရင်မင်းဖြစ်တယ်ဆိုလို့
Public Service Announcement
ဒီဘက်ခေတ်စျေးတွေထဲမှာ
ခေါင်းတွေရောင်းကောင်းလိုက်တာ
လူတွေအကုန်လုံး ခေါင်းပဲစားတော့တယ်
ကြက်ခေါင်းစားတဲ့သူတွေက
ကိုယ့်အိမ်ကကြက်မှန်းသိလည်း
ပါးနီလေးလိမ်းပေးလိုက်ရင်ကို
လက်သီးလက်မောင်းတန်းပြီးခွပ်ကြ
ဝက်ခေါင်းစားတဲ့သူတွေက
ဝက်မှေးလေးမှေးလိုက်
ဂူးဂူးဂဲဂဲအော်မြည်ဝေဖန်လိုက်နဲ့
မလုပ်မရှုပ်မပြုတ် ဇာတ်တွေခင်းကြ
ဆိတ်ခေါင်းစားတဲ့သူတွေက
အချိန်ရှိတိုင်းစားလိုစိတ်နဲ့
စားပွဲပေါ်မှာပွဲတော်တည်ဖို့
ပါးစပ်ပြင် ဟန်ရေးပြ
နွားခေါင်းစားပြီးခွေးလိုတွေးကြ
သူ့ထက်တတ်နိုင်တဲ့သူတွေက
ပုဇွန်ထုတ်ခေါင်းစားပြီး
ပုဇွန်ဆီရောင်စကားလုံးတွေထုတ်ပြကြ
ကောင်းပြီ
ထုံးစံအတိုင်း
ခေတ်ကိုအပြစ်ဖို့ရရင်
အမြှီးကျက်လည်းခေါင်းစားတာပဲ
ခေါင်းကျက်တော့လည်းခေါင်းစားကြတာပါပဲ။
