“အရာအားလုံးနောက်ကျသွားပြီ” 

ဂနိုက်

ကျန်ရစ်ခဲ့ပြီ

သူ့မိသားစုလေး သူ့အိမ်အိုလေး

ထားသွားခဲ့ပြီ

သူ့သမီးငယ်လေးကိုရော ချစ်ဇနီးသည်လေးကိုရော

ချန်ထားခဲ့ပြီ

သူယုံကြည်တဲ့တော်လှန်ရေးနဲ့သူမြင်ချင်တဲ့လွတ်လပ်ရေးကို

နောက်ဆုံး အလေးပြုချိန်

စစ်ရေးပြရဲဘော်တွေအားလုံးကလဲမျက်ရည်တွေ၀ိုင်း

လက်သီးဆုပ်တဖက်ကကျစ်လို့မာလို့

နောက်တဖက်က လက်၀ါးဖြန့်မျက်ခုံးနားကပ် တုန်လို့ခါလို့

“နေမြဲ”

လက်တွေရုတ်ကနဲ

သူ့ဇနီးသည်လေး အရုပ်ကျိုးပျက်လဲကျ

သူ့သမီးငယ်လေးက မျက်ရည်မကျပဲ ရှိုက်ကြီးတငင်နဲ့

“ဖေဖေ့ကို နှိုးပေးပါ ဖေဖေ့ကို နှိုးပေးပါ”တဲ့

သူထွက်သွားပြီ

ရုတ်ချည်း လေတွေတိုက် မိုးတွေရွာ

တိမ်တစကိုခိုစီးပြီး မင်းအ​ေ၀းကြီးကိုထွက်သွားတာ

မင်းမိသားစုလေး မင်းရဲ့အသိုက်အမြုံလေး

မင်းတော်လှန်ရေး မင်းရဲ့ယုံကြည်ချက်

“အမိန့် ရဲဘော် သင်သွားလိုရာသို့သွားနိုင်ပြီ

ကောင်းရာသုဂတိလားပါစေ”

ရေစီးသံတွေ လေတိုးသံတွေ ပြေးလွှားသံတွေ သေနတ်သံတွေ

ဒါတွေမင်းမကြားရတော့ဘူးမင်းထွက်သွားတော့။

(The Call – ​ခေါ်သံ”အွန်လိုင်းမဂ္ဂဇင်းမှာ ‘ဂနိုက်’

ရေးဖွဲ့ခဲ့တဲ့ ““အရာအားလုံးနောက်ကျသွားပြီ”

ကဗျာကို People’s Spring က ပြန်လည်​ဖော်ပြ​ပေးတာ ဖြစ်ပါတယ်။အနုရသကဲပြီး တော်လှန်​ရေးအတွက် အ​ထောက်အကူ ပြုတဲ့ စာ​ပေကဏ္ဍမျိုးစုံကို “The Call – ​ခေါ်သံ” အွန်လိုင်းမဂ္ဂဇင်းရဲ့ ​Facebook Page ဖြစ်တဲ့ https://www.facebook.com/profile.php?id=100087677882749… မှာလည်းသွား​ရောက်ဖတ်ရှုနိုင်ပါတယ်)