'/%3E%3C/svg%3E){kind=small}
ဟန်နွေ/People’s Spring
ကချင်လွတ်လပ်ရေးတပ်မတော်(KIA) တပ်မဟာ (၉)ဌာနချုပ်နယ်မြေကို စစ်ကောင်စီက ယနေ့နံနက်တွင် လေကြောင်းမှ ဗုံးကြဲတိုက်ခိုက်ခဲ့ကြောင်း သတင်းရရှိသည်။
“ဒီကနေ့ မနက် ၉နာရီ ၄၀ ဝန်းကျင်ကနေ KIA တပ်မဟာ(၉) ဌာနချုပ်ဧရိယာကို စစ်ကောင်စီကနေ လေကြောင်း ဗုံးကြဲတိုက်ခိုက်မှု စတင်နေပါတယ်။အခု သတင်းပြောကြားနေချိန်အထိတော့ ငါးကြိမ်ရှိသွားပြီ”ဟု ကချင်စစ်ရေးသတင်းရင်းမြစ်က ပြောသည်။
KIA တပ်မဟာ(၉)ဌာနချုပ် ဧရိယာသည် ဖားကန့် မြို့နယ်အတွင်း တည်ရှိသည်။ စက်တင်ဘာအတွင်းက ဖားကန့်မြို့ ဆိုင်းတောင်ရွာတွင် တိုက်ပွဲများ ပြင်းထန်ခဲ့သော်လည်း လတ်တလော ဖားကန့်မြို့နယ်၌ တိုက်ပွဲဖြစ်ပွားမှု မရှိသေးပေ။
Public Service Announcement
စစ်ကောင်စီတပ် လေတပ်စခန်းများမှ စစ်ရေးလှုပ်ရှားမှုများရှိနေ၍ ရှမ်းမြောက်ရှိ ဒေသခံ ပြည်သူများလည်း လေကြောင်းရန် အထူးသတိပြုရန် ကချင်စစ်ရးသတင်းရင်းမြစ်က တိုက်တွန်းသည်။
“ဒီလားရှိုး၊ နမ့်ခမ်းတကြောရှိတဲ့ စစ်ကောင်စီရဲ့ လေကြောင်း အထူးသတိပြုဖို့လိုပါတယ်။ အောက်ပြည်ကနေ လေကြောင်းတွေ တောက် လျှောက်တက်နေပါတယ်”ဟု ၎င်းက ပြောသည်။
စစ်ကောင်စီတပ်သည် ရှမ်းမြောက်ရှိ ကိုးကန့်တပ်မတော်(MNDAA)နှင့် တအာင်းတပ်မတော် (MNDAA)ထိန်းချုပ်ရာမြို့ရွာများကို လေကြောင်းတိုက်ခိုက်မှုများ ဆက်တိုက်ပြုလုပ်နေခြင်းဖြစ်သည်။
