ကချင်ပြည်နယ် ရွှေကူမြို့နယ်တွင် အာဏာသိမ်းစစ်ကောင်စီတပ်ကို တိုက်ခိုက်ခဲ့ကြောင်း ကချင်လွတ်လပ် ရေးတပ်မတော်(KIA) သတင်းနှင့်ပြန်ကြားရေးဌာန Kachinnet Burmese က ဖော်ပြသည်။
KIA တပ်မဟာ(၃)၊ တပ်ရင်း (၁၂) နယ်မြေ ရွှေကူ(၄) လမ်းစုံ နေရာအနီးတွင် ယနေ့(နိုဝင်ဘာ ၅ရက်) နံနက်ပိုင်းက စစ်ရေးလှုပ်ရှားလာသည့် အာဏာသိမ်းတပ်ဖွဲ့နှင့် တိုက်ပွဲဖြစ်ပွားခဲ့သည်ဟု ဆိုသည်။
ခ.မ.ရ(၆၀၂)မှ အင်အား၁၀ဦးကျော်သည့် စစ်ကောင်စီတပ်ဖွဲ့ဝင်များသည် ဆိုင်ကယ်နှင့် လှည့်ပတ်သွားလာစဉ် KIAက တိုက်ခိုက်ခဲ့ခြင်းဖြစ်ကြောင်း၊ အဆိုပါ တပ်ဖွဲ့၏ စစ်ဆေးရေးဂိတ် တစ်နေရာကိုလည်း တိုက်ခိုက်ခဲ့ကြောင်း ဖော်ပြထားသည်။
တိုက်ပွဲအတွင်း အာဏာသိမ်းတပ်ဖွဲ့မှ အကျအဆုံးရှိသော်လည်း အရေအတွက်စုံစမ်းဆဲဖြစ်သည်ဟု ဆို သည်။
Public Service Announcement
တိုက်ပွဲဖြစ်ပြီးနောက် အာဏာသိမ်းတပ်က အနီးဝန်းကျင်သို့ လက်နက်ကြီး၊ လက်နက်ငယ်များဖြင့်ရမ်းသမ်းပစ်ခတ်ခဲ့ကြောင်း ဖော်ပြထားသည်။
