စစ်တပ်အာဏာသိမ်းမှုကြောင့် ၂၀၂၂ဇန်နဝါရီတွင်အသက်ဝင်မည့် ကမ္ဘာ့အကြီးဆုံး ကုန်သွယ်ရေး သဘောတူစာချုပ်(RCEP)တွင် မြန်မာနိုင်ငံက ပါဝင်ခွင့်မရကြောင်း အာဆီယံအတွင်းချုပ်ရုံးနှင့် တရုတ်နိုင်ငံသံရုံးတို့၏ ထုတ်ပြန်ချက်များအရ သိရသည်။
ကမ္ဘာ့လူဦးရေ ၃၀ရာခိုင်နှုန်းနှင့် ကမ္ဘာ့စီးပွားရေး၏ ၃၀ ရာခိုင်နှုန်းကို လွှမ်းခြုံနိုင်မည့် အဆိုပါကမ္ဘာ့အကြီးဆုံးလွတ်လပ်စွာကုန်သွယ်ရေးသဘောတူညီချက်ကို NLD အစိုးရလက်ထက်တွင် သဘောတူလက်မှတ်ထိုးခဲ့ပြီး ၂၀၂၂ဇန်နဝါရီတွင် စတင်အသက်ဝင်ရန် သဘောတူခဲ့ခြင်းဖြစ်သည်။
အာဆီယံအတွင်းရေးချုပ်ရုံးက နိုဝင်ဘာ ၂ ရက်စွဲဖြင့် ထုတ်ပြန်ချက်အရ အထက်ပါ RCEPကို ခွင့်ပြုကြောင်း အကြောင်းစာကို အာဆီယံ ခြောက်နိုင်ငံနှင့် အာဆီယံအဖွဲ့ဝင်မဟုတ်သော လေးနိုင်ငံတို့ထံမှ တင်ပြထားပြီးဖြစ်သည်ဟု ဆိုသည်။
အာဆီယံခြောက်နိုင်ငံတွင် ဘရူနိုင်း၊ ကမ္ဘောဒီးယား၊ လာအို၊ စင်ကာပူ၊ ထိုင်းနှင့် ဗီယက်နမ် တို့ပါဝင်ပြီး အာဆီယံအဖွဲ့ဝင်မဟုတ်သော လေး နိုင်ငံမှာ တရုတ်၊ ဂျပန်၊ နယူးဇီလန်၊ သြစတြေးလျနိုင်ငံတို့ဖြစ်သည်။
Public Service Announcement
ထိုကြောင့် သဘောတူစာချုပ်သည် အသက်ဝင်မှုအဆင့်ကိုရောက်ရှိနေပြီဖြစ်ကြောင်း မြန်မာနိုင်ငံဆိုင်ရာ တရုတ်သံရုံးက နိုဝင်ဘာ ၉ရက်တွင် ထုတ်ပြန်သည်။
မြန်မာနိုင်ငံက RECPကို ခွင့်ပြုချက်စာကို အကြမ်းဖက်စစ်ကောင်စီက တင်ပြသော်လည်း အာဆီယံအတွင်းရေး မှူးချုပ်က လက်မခံခြင်းဖြစ်သည်ဟု နိုဝင်ဘာ ၂ ရက်တွင် ထုတ်ပြန်ခဲ့ခြင်းဖြစ်သည်။
အထက်ပါ RCEP (Regional Comprehensive Economic Partnership)သည် ဒေသတွင်း အာဆီယံ ၁၀ နိုင်ငံနှင့် ဒေသတွင်း အင်အားကြီးနိုင်ငံများဖြစ်သည့် ဩစတြေးလျ၊ တရုတ်၊ ဂျပန်၊ နယူးဇီလန်၊ တောင်ကိုရီးယားတို့ ငါးနိုင်ငံအပါအဝင် စုစုပေါင်း ၁၅ နိုင်ငံက ၂၀၂၀ နိုဝင်ဘာတွင်လက်မှတ်ရေးထိုးခဲ့ခြင်းဖြစ်သည်။
၎င်းစာချုပ်သည် ဒေသတွင်းနိုင်ငံများကား လွတ်လပ်စွာကုန်သွယ်ရေး ဇုန်တစ်ခုထူထောင်ခြင်းဖြစ်သည်။
ဓာတ်ပုံ – South China Morning Post
