ဇူလိုင်-၁၂၊၂၀၂၅။သတိုး/People’s Spring
စစ်ကောင်စီ၏ရွေးကောက်ပွဲကိစ္စများဆောင်ရွက်နေသည့် ရန်ကုန်မြို့မြောက်ဥက္ကလာပမြို့နယ်ရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးကို ဇူလိုင် ၁၁ ရက်ညတွင် ၄၀မမ ဖြင့်ပစ်ခတ်တိုက်ခိုက်ခဲ့ကြောင်း Yangon Army(YA) အဖွဲ့တာဝန်ရှိသူကပြောသည်။
“ရွေးကောက်ပွဲနဲ့ပတ်သက်သမျှကျနော်တို့တိုက်ခိုက်သွားမယ်ဘဲပြောချင်ပါတယ်” ဟု ၎င်းကပြောသည်။
ဇူလိုင် ၁၁ ရက် ည ၁၀ နာရီခန့်တွင် Yangon Army နှင့် အနောက်ပိုင်းခရိုင်ပကဖတို့ပူးပေါင်း၍ အဝေးပစ်လောင်ချာဖြင့် ၄၀ မမနှစ်လုံးပစ်ခတ်တိုက်ခိုက်ခဲ့ခြင်းဖြစ်သည်ဟု ထုတ်ပြန်ချက်၌ ဖော်ပြထားသည်။
Public Service Announcement
“ညကေးကင်းတွေပတ်နေတော့အပြန်ဂရုစိုက်ပြန်ရတယ်၊အားလုံးအေးအေးချမ်းချမ်းပြန်နိုင်ခဲ့ပါတယ်” ဟု အဖွဲ့သားအားလုံးဘေးကင်းကြောင်း အထက်ပါတာဝန်ရှိသူကပြောသည်။
အဆိုပါတိုက်ခိုက်မှု၌ စစ်ကောင်စီတပ်ဖွဲ့ဝင်များ ထိခိုက်မှုရှိ၊မရှိ အတည်မပြုနိုင်သော်လည်း ယင်းမြို့နယ် ကြံ့ခိုင်ရေးဥက္ကဌ၏ ကား ပျက်ဆီးသွားသည်ဟု ၎င်းကဆိုသည်။
တရားမဝင်ရွေးကောက်ပွဲကိုဆန့်ကျင်ရန် နှင့် ပစ်မှတ်အားထိထိရောက်ရောက်ပစ်ခတ်နိုင်ခဲ့သည်ဟု အနောက်ပိုင်းခရိုင် ပကဖ က သတင်းထုတ်ပြန်ထားသည်။
Yangon Army နှင့် အနောက်ပိုင်းခရိုင် ပကဖတို့သည် ဇွန်လအတွင်းက ဒဂုံမြို့သစ်တောင်ပိုင်း မြို့နယ်တရားရုံး နှင့် မှော်ဘီရဲစခန်းတို့ကို တိုက်ခိုက်ခဲ့ကြသေးသည်။
