ဇွန်-၂၀၊၂၀၂၆။ဆဏ်း/People’s Spring
လူထုခေါင်းဆောင် ဒေါ်အောင်ဆန်းစုကြည် မွေးနေ့ အထိမ်းအမှတ် (၈၁)နာရီကြာ ရေးဆွဲထားတဲ့ ပုံတူပန်းချီ ၂ ကားကို လေလံအစီအစဉ်ပြုလုပ်ပြီး ရရှိလာတဲ့ ငွေကို စစ်ဘေးဒုက္ခသည်တွေအတွက် ထောက်ပံ့ပေးသွားမယ်လို့ ပန်းချီဆရာမ နုယဉ်က အသိပေးထားပါတယ်။
“အမေ့မွေးနေ့ထိမ်းအမှတ်၊မြန်မာပြည်ရဲ့လိုအပ်သော နေရာများအတွက်အကျိုးပြုလှူဒါန်းပေးသွားချင်တဲ့ ကျွန်မရဲ့ 81hrsကြာ အထူး ဂုဏ်ပြု ရေးဆွဲခဲ့တဲ့မွေးနေ့ကာလ အမေ့ပန်းချီAuction အစီအစဉ်လေးယခုအချိန်မှ စတင်၍ ၂၁ရက်နေ့ မြန်မာစံတော်ချိန်ည ၁၂နာရီမှာပိတ်သိမ်းပါမယ်။” လို့ ဇွန် ၂၀ နံနက်မှာ သူမရဲ့ ဖေ့စ်ဘွတ်ခ်ကနေ အသိပေးထားပါတယ်။
လေလံကြမ်းခင်းဈေးအနေနဲ့ ပန်းချီတစ်ကားကို ဒေါ်လာ ၂၀၀၀ သတ်မှတ်ထားပြီး သူမတင်ထားတဲ့ မူရင်းပို့စ် နဲ့ မက်ဆန်ဂျာကနေ လေလံအတွက်ပါဝင်နိုင်တယ်လို့ အသိပေးထားပါတယ်။
Public Service Announcement
လေလံတင်မယ့် ပန်းချီကားတွေရဲ့ နာမည်က ပန်းခရမ်းဗေဒါ နဲ့ အမေ့အေးရိပ် ဖြစ်ပြီး မူရင်းဓာတ်ပုံပညာရှင်တွေကိုကျေးဇူးတင်ကြောင်း ရေးသားထားပါတယ်။
” အစီအစဥ်အတွက် နောက်ဆုံးအဆင့်ထိပါဝင်အားဖြည့်သူများကိုပန်းချီအနုပညာရှင်မနုယဉ်မှ အသံ/ဖုန်း/ဗွီဒီယိုcallဖြင့်တိုက်ရိုက်ဆက်သွယ်ပါမည်။ကိုယ်တိုင်အတည် ပြုပြီးမှသာဤAuctionအစီအစဉ်လေးကို ပိတ်သိမ်းပါမည်ဖြစ်ပါ ကြောင်း။” လို့ အသိပေးထားပါတယ်။
ဆရာမနုယဉ်က ဒေါ်အောင်ဆန်းစုကြည် ရဲ့ ၈၁ နှစ်ပြည့် အထိမ်းအမှတ် ပုံတူပန်းချီတွေကို ဇွန် ၁၂ ရက်ကနေစတင်ရေးဆွဲခဲ့တာဖြစ်ပြီး မွေးနေ့ကျရောက်တဲ့ ဇွန် ၁၉ ရက် မှာ အပြီးသတ်ခဲ့တာပါ။
