ဩဂုတ်-၁၄၊၂၀၂၆။ဆဏ်း/People’s Spring
ကရင်ပြည်နယ်၊ မြဝတီမြို့နယ်၊ လေးကေ့ကော်မြို့ အနီးမှာ တိုက်ပွဲတွေကြောင့် စစ်ဘေးရှောင်နေရတဲ့ ဒေသခံပြည်သူတွေအတွက် ကျပ်သိန်း ၄၀ ထောက်ပံ့ပေးခဲ့တယ်လို့ မော်ဒယ် လုလုအောင်က အသိပေးထားပါတယ်။
“ချစ်တဲ့ သွေးချင်းမောင်နှမများတွက် ခေးကြီးရဲ့ မေတ္တာရေကြည်တပေါက်” လို့ အလှူမှတ်တမ်းဓာတ်ပုံတွေနဲ့အတူ လုလုအောင်ရဲ့ဖေ့စ်ဘွတ်ခ်မှာ ဒီနေ့(ဩဂုတ်၁၄)မှာ မျှဝေထားပါတယ်။
ဒီအလှူငွေတွေက စစ်ဘေးရှောင်တွေအတွက် အစားအသောက်နဲ့ ရိက္ခာခြောက်တွေဝယ်ယူဖို့ လှူဒါန်းတာလို့ လေးကေ့ကော်ဒေသ စစ်ဘေးရှောင်အကူအညီပေးရေးကော်မတီရဲ့ မှတ်တမ်းမှာ ဖော်ပြထားပါတယ်။
Public Service Announcement
လုလုအောင်က ဖေဖော်ဝါရီကလည်း ရခိုင်ပြည်နယ်က စစ်ဘေးရှောင်ကလေးတွေရဲ့ နို့မှုန့်အာဟာရအတွက် ငွေကျပ်သိန်း ၃၀လှူဒါန်းခဲ့ပါတယ်။
ဒါ့အပြင် ပြိးခဲ့တဲ့နှစ် ၂၀၂၅ နိုဝင်ဘာတုန်းကလည်း ကချင်ပြည်နယ်က စစ်ဘေးရှောင်တွေအတွက် ငွေကျပ်သိန်း ၃၀ လှူဒါန်းခဲ့ပါတယ်။
လုလုအောင်ရဲ့ ပရိသတ်တွေကတော့ လှူဒါန်းမှုအတွက် ကျေးဇူးတင်ကြောင်း နဲ့ အားပေးကျိုးနပ်တယ်လို့ မှတ်ချက်တွေရေးသားထားကြပါတယ်။
“ဒီနေ့ထိ ခုတ်မောင်းလာတဲ့ ခရီးရှည်ကြီး မင်းတို့ပေးတဲ့ တယောက်စီတိုင်းရဲ့ အချစ်ရဲ့ခွန်အားတွေကြောင့်သာပေါ့ ချစ်သောလေးတို့ရေ ချစ်တယ်နော်” လို့ လုလုအောင်ကလည်း ပရိသတ်တွေကိုကျေးဇူးစကားပြောထားပါတယ်။
