'/%3E%3C/svg%3E){kind=small}
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ နေမကောင်းတာကြောင့် စစ်ကောင်စီက စွဲဆိုထားတဲ့ အစိုးရလျှို့ဝှက်အက်ဥပဒေအမှုအတွက် ဒီနေ့ ရုံးချိန်းကိုမလာရောက်နိုင်ခဲ့ဘူးလို့သိရပါတယ်။
ဒေါ်အောင်ဆန်းစုကြည်ဟာ ကျန်းမာရေးမကောင်းလို့ခွင့်ယူတာဖြစ်ပြီး လာမယ့် ရုံးချိန်းကိုတော့ ဖေဖော်ဝါရီလ ၁၀ ရက်ကိုချိန်းဆိုထားပါတယ်။
“ဒီကနေ့ကရုံးချိန်းပဲယူတာ။ရိုးရိုးနေမကောင်းတာပါ။ ဆေးရုံတက်ရတာမျိုးမဟုတ်ဘူး။အသက်ကြီးတော့ ပင်ပန်းတာများပြီးဖြစ်တာပါ ” လို့ တရားရုံးနဲ့နီးစပ်သူတစ်ဦးကပြောပါတယ်။
အသက် ၇၆ နှစ်အရွယ်ရှိပြီဖြစ်တဲ့ဒေါ်အောင်ဆန်းစုကြည်ဟာ ပြီးခဲ့တဲ့၂၀၂၁ ခုနှစ် စက်တင်ဘာလအတွင်းကလည်း နေထိုင်မကောင်းတဲ့အတွက် တရားရုံးရောက်ပြီးမှ ပြန်သွားခဲ့ရတာရှိပါတယ်။
Public Service Announcement
စစ်ကောင်စီဟာ ဒေါ်အောင်ဆန်းစုကြည် ကို ပုဒ်မပေါင်း ဒါဇင်ကျော်နဲ့ စွပ်စွဲတရား စွဲဆိုထားတာဖြစ်ပါတယ်။
