အမျိုးသားညီညွတ်ရေးအစိုးရ(NUG)ကာကွယ်ဝန်ကြီးသည် ပြည်သူ့စစ်သားစစ်လက်နက်ထုတ်လုပ်ရေးတပ်ဖွဲ့ PSPT တာဝန်ရှိသူများနှင့်တွေ့ဆုံ ဆွေးနွေးခဲ့ကြောင်း သတင်းထုတ်ပြန်သည်။
ယနေ့တွေ့ဆုံမှုတွင် PSPT တာဝန်ရှိသူက အဖွဲ့အတွင်း လက်ရှိကာလအတွင်း ဆောင်ရွက်နေမှုများကို Power Point ဖြင့် ရှင်းလင်း ဆွေးနွေးခဲ့ပြီး ဝန်ကြီးဌာနဘက်မှ ညှိနှိုင်းဆောင်ရွက်ရမည်များကို အပြန်အလှန် မေးမြန်း ဆွေးနွေးခဲ့ကြောင်း ထုတ်ပြန်သည်။
မွန်းလွဲပိုင်းတွင် စတင်ပြီး ညနေပိုင်းမှ ပြီးဆုံးခဲ့သော အဆိုပါတွေ့ဆုံမှုတွင် NUG ကာကွယ်ရေးဝန်ကြီးဌာန ဒုတိယဝန်ကြီးနှင့် ဌာနဆိုင်ရာတာဝန်ရှိသူများလည်း တက်ရောက်ခဲ့သည်ဟု ဆိုသည်။
PSPTသည် နွေဦးတော်လှန်ရေးတွင် ပြည်သူနှင့်အတူ လက်တွဲဆောင်ရွက်နေပြီး အကြမ်းဖက်စစ်တပ်ကို စွန့်ခွာကာ ပြည်သူ့အခွန်ဖြင့်သင်ယူတတ်မြောက်ထားသော စစ်ပညာ၊ လက်နက်ထုတ်လုပ်ရေးကို ပြည်သူ့ကာကွယ် ရေးတွင်ပြန်လည်အသုံးချနေသော တပ်ဖွဲ့ဖြစ်သည်။
Public Service Announcement
