မန္တလေးမြို့ ၊အမရပူရမြို့နယ် မှန်တန်းရပ်မှာ ဗကသ ကျောင်းသား နှစ်ဦးနဲ့ CDM ဆရာတစ်ဦး ဖမ်းဆီးခံရချိန်မှာ ဗီဒီယို ရိုက်တဲ့အမျိုးသား ဟာ သေနတ်နဲ့ပစ်ခံရပြီး သေဆုံးသွားတယ်လို့သိရပါတယ်။
ဒီဖြစ်ရပ်ဟာ မတ်လ ၂ ရက် ညနေ ၄ နာရီလောက်က ဖြစ်ခဲ့တာပါ။
မန္တလေးပညာရေးဒီဂရီကောလိပ် ဗကသ ဥက္ကဋ္ဌ ၊ အတွင်းရေးမှူး နဲ့ စဉ့်ကိုင် မကွေးတရာကျေးရွာ မူလွန်ကျောင်းဆရာ တစ်ဦး တို့ ရောက်နေတဲ့ နေအိမ်တစ်အိမ်ကို စစ်ကောင်စီက ဝင်ရောက်စီးနင်းဖမ်းဆီးခဲ့ပါတယ်။
ဒီလို ဖမ်းဆီးတာကို လမ်းမပေါ်ကနေ အမျိုးသားတစ်ဦးဟာ ဖုန်းနဲ့ ဗီဒီယို ရိုက်ကူးတယ်ဆိုကာ စစ်ကောင်စတပ်တွေက ပစ်ခတ်တာကြောင့်နေရာမှာတင်သေဆုံးသွားတယ်လို့ အနီးပတ်ဝန်းကျင်မှာရှိတဲ့ ဒေသခံတွေဆီက တဆင့်သိရပါတယ်။
Public Service Announcement
စစ်ကောင်စီဘက်ကတော့ အဲဒီအမျိုးသားဟာ သေနတ်ဝင်လုလို့ ကျည်ထွက်ပြီး သေသွားတာလို့ သတင်းဖြန့်ထားပါတယ်။
ဒါအပြင် ရဲတစ်ဦးလည်း လက်ကိုသေနတ်မှန်သွားတယ်လို့ဆိုပါသေးတယ်။
