'/%3E%3C/svg%3E){kind=small}
မကွေးတိုင်း ပေါက်မြို့နယ်တွင် အကြမ်းဖက် စစ်ကောင် စီတပ်နှင့် ပျူစောထီးများက ကျေးရွာနှစ်ရွာကို မီးရှို့ဖျက်ဆီးခဲ့ရာ ရွာလုံးကျွတ်နီးပါး မီးလောင်ပျက်စီးသွားကြောင်း ဒေသခံများက ပြောသည်။
အကြမ်းဖက်စစ်ကောင်စီတပ်သည် မတ်လ ၂ရက် ညပိုင်းက ပေါက်မြို့နယ် လယ်ယာရွာကို စစ်ကြောင်းထိုးဝင်ရောက်ကာ မီးရှို့ဖျက်ဆီးခဲ့ကြောင်း၊ ယနေ့ (မတ်လ ၃ ရက်) နံနက်ပိုင်းတွင်လည်း ပေါက်မြို့နယ် လက်ပံလှရွာကို အကြမ်းဖက်စစ်ကောင်စီတပ်နှင့် ပျူစောထီးများက ဝင်ရောက်လာကာ မီးရှို့ဖျက်ဆီးခဲ့ကြကြောင်း ဒေသခံများက ပြောသည်။
လယ်ယာရွာတွင် အိမ်ခြေ၂၄၀ကျော်ရှိသည့်အနက် အိမ်ပေါင်း ၂၁၀ခန့် မီးလောင်ပျက်စီးသွားခဲ့ပြီး လက်ပံလှရွာတွင်လည်း ရွာထက်ဝက်ခန့် ပျက်စီးဆုံးရှုံးခဲ့ကြောင်း ဒေသခံများက ပြောသည်။
“လယ်ယာရွာက ရွာလုံးကျွတ်နီးပါးပဲ။ လက်ပံလှကတော့ ရှို့တာတော့တစ်ရွာလုံးနီးပါးပဲ။ဒါပေမဲ့ တစ်ဝက်နီးပါးလောက် မီးလောင်ပြာကျတယ်”ဟု ဒေသခံတစ်ဦးက ပြောသည်။
Public Service Announcement
ပြီးခဲ့သည့် ၂၀၂၁ ဇွန်လအတွင်းကလည်း အကြမ်းဖက်စစ်ကောင်စီတပ်သည် ပေါက်မြို့နယ် ကင်းမကျေးရွာကို မီးရှို့ဖျက်ဆီးခဲ့ရာ အိမ်ပေါင်း ၂၄၀ခန့်ရှိသည့်အနက် ၁၅၀ကျော်မီးလောင်ပျက်စီးသွားခဲ့သည်။
