ကချင်ပြည်နယ် ပူတာအိုမြို့နယ် ဆွန်ပီယန်ဒေသ၌ ကချင်လွတ်လပ်ရေးတပ်မတော်(KIA)၊ပြည်သူ့ကာကွယ်ရေးတပ်(PDF)ပူးပေါင်းအဖွဲ့နှင့် စစ်ကောင်စီတပ်တို့ တိုက်ပွဲပြင်းထန်ခဲ့ကြောင်း ဒေသခံတစ်ဦးက ပြောသည်။
“ဒီမနက် ၉နာရီလောက်ကနေ ၁၁နာရီအထိလောက် ပူတာအိုမြို့နယ်ဆွန်ပီယန်မှာဖြစ်တာ။ဖြစ်တော့အိမ်က ၃အိမ်လောက်မီးလောင်သွားတယ်။အဲဒီမှာလက်နက်ကြီးတွေ ကျပြီးတော့။ တိုက်ပွဲအခြေအနေက နှစ်ဦးနှစ်ဖက်အကျအဆုံးတွေကျတော့မသိသေးဘူး”ဟု ပူတာအိုဒေသခံတစ်ဦးက ပြောသည်။
KIAနှင့် PDF ပူးပေါင်းအဖွဲ့က ဖေဖော်ဝါရီ ၁ရက်တွင်တိုက်ခိုက်သိမ်းပိုက်ခဲ့သည့် ဆွန်ပီယန်တပ်စခန်းနေရာကို စစ်ကောင်စီတပ်က လာရောက်တိုက်ခိုက်၍ တိုက်ပွဲပြင်းထန်ခဲ့သည်ဟု ဆိုသည်။
အဆိုပါ ဆွန်ပီယန်ကျေးရွာခံများအနေဖြင့် ယခင်တိုက်ပွဲဖြစ်ပွားစဉ်က စစ်ကောင်စီတပ်က လေယာဉ်ဖြင့်လာရောက် တိုက်ခိုက်ခဲ့၍ စစ်ဘေးတိမ်းရှောင်ခဲ့ရာ ယနေ့တိုက်ပွဲကြောင့် ဘေးကင်းလုံခြုံရာသို့ ထပ်မံတိမ်းရှောင်ခဲ့ကြရသည်ဟု ဆိုသည်။
Public Service Announcement
