'/%3E%3C/svg%3E){kind=small}
ချင်းပြည်နယ် ကန်ပက်လက်မြို့နယ်မှ ဆောမြို့နယ်သို့ ဝင်ရောက်လာသည့် အကြမ်းဖက်စစ်ကောင်စီတပ်ဖွဲ့နှင့် နှစ်ရက်တာတိုက်ပွဲ ဖြစ်ပွားရာ ငါးဦးသေဆုံးပြီး အများအပြားထိခိုက်ဒဏ်ရာရရှိခဲ့ကြောင်း PDF-SAW က ထုတ်ပြန်သည်။
မတ်လ ၃ရက်ကစ၍ လောင်းရှည်နှင့် ဆောမြို့ ကြားတွင် PDF-SAW နှင့် ညောင်ရမ်းတပ်ဖွဲ့ ပူးပေါင်း၍ အကြမ်းဖက် စစ်ကောင်စီတပ်ကို တိုက်ခိုက်ခဲ့ခြင်းဖြစ် သည်။
မတ်လ ၃ရက် ညနေ ၃နာရီတွင် PDF-SAW နှင့် ညောင်ရမ်း မဟာမိတ်အဖွဲ့မှ လက်နက်ကြီး လေးလုံးနှင့် မိုင်းများဖြင့် စတင်တိုက်ခိုက်ခဲ့သည်ဟု ဆိုသည်။
ထို့နောက် ယနေ့(မတ်လ ၄ ရက် ) နံနက် ၆နာရီ မှ ၁၁ နာရီဝန်းကျင်အထိ တိုက်ပွဲ ဖြစ်ပွားခဲ့သည်။နှစ်ရက်တာ တိုက်ပွဲအတွင်းလက်နက်ကြီး (လက်လုပ်)၈၃ လုံးနှင့် မိုင်း လေးလုံး ပေါက်ကွဲခဲ့သည်ဟုလည်း PDF-SAW က အသိပေးသည်။
Public Service Announcement
“စခ သေဆုံး ၅ ကောင်ထဲတွင် PDF-SAW နှင့် မဟာမိတ်တို့ရဲ့ ပစ်ခတ်မှုကြောင့် ၂ကောင်မှာ ဖင်ထိုင်လဲကျပီး ၁ကောင်မှာတော့ မှောက်ရက်လဲကျသွားခဲ့သည်ကိုလည်း တွေ့မြင်ခဲ့ရပါတယ်”ဟု PDF-SAW ကပြော သည်။
တိုက်ပွဲဖြစ်ပွားရာ နှစ်ရက်အတွင်း စစ်ကောင်စီတပ်က ဒေသခံပြည်သူများ၏ ဆိုင်ကယ်နှစ်စီး နှင့်တဲလေးလုံးကို မီးရှို့ဖျက်ဆီးခဲ့သည်ဟု သိရသည်။
အကြမ်းဖက်စစ်ကောင်စီတပ်သားများ နှင့် ပျူစောထီးများသည် နည်းလမ်းမျိုးစုံဖြင့် ဆောမြို့နယ် အတွင်းသို့ ကျူးကျော်ဝင်ရောက် လာနေသောကြောင့်ဆော-ကျောက်ထု ၊ ဆော-ဆိပ်ဖြူ နှင့် ဆော -လောင်းရှည် လမ်းပိုင်းများကို (မတ်လ ၃ ရက်)ကစ၍ ဖြတ်သန်းခွင့်ပိတ်ပင်ကြောင်း PDF-SAWက ထုတ်ပြန်ထားသည်။
