ထီးချိုင့်တွင် စစ်တပ်ရိက္ခာသယ်ယာဥ်တန်း တိုက်ခိုက်ခံရပြီး ကားနှစ်စီးပျက်စီး

ထီးချိုင့်မြို့နယ်အတွင်း ဖြတ်သန်းမောင်းနှင်လာသော စစ်ကောင်စီတပ်၏ ရိက္ခာသယ်ယာဥ်တန်းကို ရှစ်နေရာထက်မနည်း ဖောက်ခွဲတိုက်ခိုက်ခဲ့ကြောင်း Tigyaing Revolution – TR က ယနေ့(မတ် ၅) ထုတ်ပြန်သည်။

ယနေ့နံနက်အစောပိုင်း ၁၂ နာရီ ၆မိနစ်ခန့်တွင်သပိတ်ကျင်းမြို့နယ်မှ ထွက်လာသော အမှတ် (၁၃) တပ်မတော်တန်းမြင့်လေ့ကျင့်ရေးတပ် ရိက္ခာကားအစီး(၃၀)ကို မောင်းကုန်းအထွက်တွင်(၁)ကြိမ် ၊ နံနက် ၁ နာရီ ၄၆ မိနစ်မှစ၍ နေရာရှစ်နေရာခွဲပြီး ဖောက်ခွဲတိုက်ခိုက်မှုများ ပြုလုပ်ခဲ့ကြောင်း ထုတ်ပြန်ချက်တွင် ဖော်ပြသည်။

တိုက်ခိုက်မှုများကို ကျက်သရေချောင်း ၊ကွင်းကြီး၊ဆားတွင်း ၊အလယ်တော ၊အင်းတိန်၊ဇီးဖြူကျင်း ၊ဘိုတဲကုန်း အနီးတဝိုက်တို့တွင် မိုင်းအလုံး(၃၀)ကျော်၊၄၀ မမများဖြင့် အနည်းဆုံး နေရာရှစ်ခုတွင် ပစ်ခတ်ဖောက်ခွဲခဲ့ရာ ကားနှစ်စီးထက်မနည်းပျက်စီးပြီး သေဆုံးထိခိုက် ဒဏ် ရာရသူများများပြားနိုင်သည်ဟု ထုတ်ပြန်ချက်က ဆိုသည်။

ပြည်သူ့ကာကွယ်ရေး တပ်ပေါင်းစုများ ၊ပကဖ အဖွဲ့ဝင်များ အထိအခိုက်မရှိ ပြန်ဆုတ်လာနိုင်ခဲ့ပြီး စစ်ကောင်စီတပ်မှ ရမ်းသမ်းပစ်ခတ်သဖြင့် နေအိမ်အချို့ အထိ အခိုက်ရှိပြီး လူနှင့်တိရိစ္ဆာန် ထိခိုက်သေဆုံးမှုမရှိကြောင်း အငိပေးထားသည်။

Public Service Announcement

မတ်လ ၄ ရက် နံနက် ၁၁ နာရီခန့်ကလည်းထီးချိုင့်မြို့အထွက် တွင်ထောင်ထားသော မိုင်းနှစ်လုံးကို စစ်ကောင်စီတပ်များ ရှာတွေ့ကာ လာဖြုတ်ချိန်တွင် မိုင်းခွဲလိုက်သဖြင့် စစ်သားနှစ်ဦးသေဆုံးခဲ့သည်။