နွေဦး​တော်လှန်​ရေးတွင်မုံရွာ၌ ပထမဆုံးကျဆုံးခဲ့​သူများအုတ်ဂူမှ ကြယ်နှင့် ဓါတ်ပုံများဖျက်ဆီးခံရ

စစ်ကိုင်းတိုင်း၊ မုံရွာမြို့တွင် အကြမ်းဖက်စစ်ကောင်စီ၏ ပစ်ခတ်မှုကြောင့် ပထမဆုံးကျဆုံးခဲ့ရသူများ၏ အုတ်ဂူပေါ်မှကြယ်နှင့်ဓါတ်ပုံများ ဖျက်ဆီးခံရကြောင်း ဒေသခံများကပြောသည်။။

၂၀၂၁ ခုနှစ် မတ်လ ၃ ရက်နေ့က မုံရွာမြို့တွင် အများပြည်သူများ ငြိမ်းချမ်းစွာ ဆန္ဒပြစဥ် အကြမ်းဖက်စစ်ကောင်စီတပ်မှ ရက်စက်စွာ ပစ်ခတ်ဖြိုခွင်းခဲ့ရာ ကဗျာဆရာကိုကေဇဝင်းအပါအဝင် အပြစ်မဲ့ ပြည်သူ၉ဦးကျဆုံး ခဲ့ပြီး ကျဆုံးသူရဲ​ကောင်းများ၏ အုတ်ဂူများတွင် ဓါတ်ပုံနှင့် ကြယ်များဂုဏ်ပြု ကပ်ထားသည်။သို့​သော် ယနေ့တွင် အဆိုပါ ၉ဦး၏ ဂူများတွင် ကပ်ထားသော ဓာတ်ပုံများနှင့်ကြယ်များ ဖျက်ဆီးခံထားရကြောင်း Monywa Roads Information က ရေးသားသည်။

“ဂူမှာ ကပ်ထားတဲ့ပုံနဲ့ ဂူတစ်လုံးကကြယ်နီကိုဖျက်ဆီးတာဗျ။ ကြယ်ပါတာကတော့ ကဗျာဆရာကေဇ၀င်းအုတ်ဂူပါ။”ဟု မုံရွာဒေသခံတစ်ဦးက ပြောသည်။

အဆိုအုတ်ဂူများသို့ တစ်နှစ်ပြည့်မြောက်သည့် မတ်လ၃ ရက်နေ့က အများပြည်သူများ သွားရောက်ဂါရဝပြုခဲ့ကြသေးသည်။ ထိုသို့ အုတ်ဂူများမှ ကြယ်နှင့်ဓါတ်ပုံများဖျက်ဆီးခံရမှုမှာ အကြမ်းဖက်စစ်​ကောင်စီလက်ချက်ဟု​ဒေသခံအချို့ကမှတ်ချက်ပြုကြသည်။

Public Service Announcement