စစ်ကောင်စီ၏ ထုတ်ကုန်များကို ရောင်းချခြင်း၊ ဝယ်ယူခြင်း မပြုလုပ်ရန် တိုက်တွန်းသည့် လှုပ်ရှားမှုကို မိုးဗြဲပြည်သူ့ကာကွယ်ရေးတပ် (MB PDF)က မေလ ၁၁ ရက်တွင် ပြုလုပ်ခဲ့ကြောင်းသတင်းထုတ်ပြန်သည်။
စစ်ကောင်စီထုတ်ကုန်များ ထပ်မံတင်သွင်းရောင်းချခြင်း၊ ဝယ်ယူသုံးစွဲခြင်းများမပြုလုပ်ရန် မိုးဗြဲမြို့ပေါ်ရှိ စျေးဆိုင်ခန်းများနှင့် ကုန်စုံဆိုင်ကြီးများကို ပညာပေးစည်းရုံးခြင်း၊ ထုတ်ပြန်ချက်စာစောင်များကပ်ခြင်းများပြုလုပ်ခဲ့ကြောင်း PDF က အသိပေးထားသည်။
“စျေးဆိုင်ရောင်းသူများအပါအဝင် စျေးဝယ်ယူသူ မိဘပြည်သူများအနေဖြင့်လည်း စစ်ကောင်စီထုတ်ကုန်များအား ထပ်မံတင်သွင်းရောင်းချခြင်း ဝယ်ယူသုံးစွဲခြင်းများ မပြုလုပ်ခြင်းအားဖြင့် ကျွန်တော်တို့ကို တစ်ဖက်တစ်လမ်းမှ ကူညီပေးကြပါလို့ထပ်မံတိုက်တွန်းလိုပါသည်။”ဟု မိုးဗြဲ PDF၏ ထုတ်ပြန်ချက်၌ ဖော်ပြထားသည်။
ထို့အပြင် မိုးဗြဲမြို့နယ်အတွင်း၌ နေထိုင်သူများအနေဖြင့် မူးယစ်ဆေးဝါးများ ရောင်းဝယ်ခြင်း၊ ဝယ်ယူသုံးစွဲခြင်းများ မပြုလုပ်ရန်နှင့် PDFက ထုတ်ပြန်ထားသည့်ထုတ်ပြန်ချက်များကို လိုက်နာပေးရန် မေတ္တာရပ်ခံထားသည်။
Public Service Announcement
