'/%3E%3C/svg%3E){kind=small}
အောက်တိုဘာ ၂၃၊ ၂၀၂၆။ ထားမြတ်/People’s Spring
အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။
အဲဒီ အခမ်းအနားကျင်းပတဲ့ နေရာနဲ့ အချိန်ကို ဖော်ပြမထားပေမဲ့ NUG အုပ်ချုပ်ရေးနယ်မြေတနေရာမှာ ကျင်းပခဲ့တာဖြစ်ကြောင်း တပ်ဆင်တဲ့လက်နက်တွေ၊ ရဲဘော်တွေရဲ့ မှတ်တမ်းဓာတ်ပုံတွေဖော်ပြ အသိပေးပါတယ်။
အခမ်းအနားကို NUG ကာကွယ်ရေးဝန်ကြီး ဦးရည်မွန်နဲ့ တာဝန်ရှိသူတွေ တက်ရောက်ခဲ့တာကိုလည်း တွေ့ရပါတယ်။
Public Service Announcement
ဒါ့အပြင် ပြည်သူ့ကာကွယ်ရေးတပ်မတော်အလံတော်အား အလေးပြုခြင်း၊ နွေဦးတော်လှန်ရေးအတွင်း ကျဆုံးသူရဲကောင်းများအား ဂုဏ်ပြုဦးညွှတ်ခြင်း၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်နဲ့ တာဝန်ရှိသူများမှ အမှာစကားပြောကြားခြင်း၊ အမှတ် (၉၇၁၁) တပ်ဖွဲ့ ရဲဘော်တွေရဲ့ ကိုယ်ပိုင်နံပါတ် အတည်ပြုထုတ်ပြန်ဖတ်ကြားခြင်း၊ ရဲဘော်များအား တာဝန်ရှိသူများက လက်နက်တပ်ဆင်ပေးအပ်ခြင်းတို့ကို အစီအစဉ်အတိုင်း ပြုလုပ်ခဲ့ကြောင်း ထုတ်ပြန်ပါတယ်။
ပြည်သူ့ကာကွယ်ရေးတပ်မတော်အနေနဲ့ တပ်တည်ဆောက်ရေး၊ တပ်ကျစ်လစ်ခိုင်မာရေးလုပ်ငန်းစဉ်များကို မွမ်းမံဆောင်ရွက်လျက်ရှိကြောင်းလည်း အသိပေးပါတယ်။
အမိမြေနဲ့ ပြည်သူများကို ဂုတ်သွေးစုပ်ဖိနှိပ်သတ်ဖြတ်နေသော အကြမ်းဖက်စစ်တပ်ကို ပိုမိုထိရောက်စွာ တိုက်ခိုက်ချေမှုန်း နိုင်ဖို့အတွက်လည်း အစဉ်မပြတ် ကြိုးပမ်းအားထုတ်လျက်ရှိကြောင်းလည်း ထုတ်ပြန်ခဲ့ပြီး ပြည်သူ့ကာကွယ်ရေးတပ်မတော် (PDF) အနေဖြင့် စစ်အာဏာရှင်စနစ် ချေမှုန်းရေးအတွက် စစ်မျက်နှာအသီးသီးတွင် အရှိန်အဟုန်မြှင့် တိုက်ပွဲဝင်လျက်ရှိကြောင်း ဖော်ပြပါတယ်။
ဒါ့ကြောင့် ပြည်သူတွေအနေနဲ့ PDF တပ်ဖွဲကဝင်များကို တက်စွမ်းသရွေ့ ၀ိုင်းဝန်း ကူညီဖေးမပေးကြဖို့လည်း PDF စစ်ရုံးချုပ်က မေတ္တာရပ်ခံထားပါတယ်။
