ဟန်နွေ/People’s Spring
လားရှိုးမြို့ရှိ မန်ဆူရှမ်းကျောင်း၊ မန်ဆူစေတီ၌ ခိုအောင်းနေသည့် စစ်ကောင်စီတပ်သားများကိုထပ်မံချေမှုန်းနိုင်ခဲ့ကြောင်း ကိုးကန့်တပ်မတော်(MNDAA)က သတင်းထုတ်ပြန်သည်။
https://www.facebook.com/LuduNwayOo/videos/455163897479869MNDAA သည် လားရှိုး ရပ်ကွက် (၈)မန်ဆူစေတီတွင် ခိုအောင်းနေသည့် စစ်ကောင်စီတပ် အကြွင်းအကျန်များကိုချေမှုန်းနိုင်ခဲ့ကြောင်း၊ ဇူလိုင် ၂၇ရက် မွန်းလွဲ ၃နာရီတွင် MNDAA တပ်က AD တိုးဂိတ်စခန်းကို သိမ်းနိုင်ခဲ့ကြောင်း၊ ဒေသတွင်းရှိ စစ်ကောင်စီ တပ်စခန်းလေးခု သိမ်းပိုက်နိုင်ခဲ့ခြင်းဖြစ်ကြောင်း ရုပ်သံမှတ်တမ်းဖော်ပြသည်။
Public Service Announcement
ADတိုးဂိတ် တပ်စခန်းသိမ်းပိုက်မှု အသိပေးချက်တွင် လက်နက်ခဲယမ်းများရရှိခဲ့ကြောင်း ဖော်ပြသည်။
ထို့ပြင် လားရှိုးမြို့ဗီလာဧရိယာရှိ အနီးဝန်းကျင်ရှိ စစ်ကောင်စီတပ်များကို ရှင်းလင်းခဲ့ကြောင်း ထုတ်ပြန်ခဲ့ရာ လက်နက်ခဲယမ်းများ စစ်အသုံးအဆောင်များ သိမ်းရကြောင်း အသိပေးသည်။
ထို့ပြင် MNDAA၏ ဆေးဘက်ဆိုင်ရာ ဝန်ထမ်းများသည် ဒဏ်ရာရ စစ်ကောင်စီ သုံ့ပန်းများအား ဆေးကုသပေးခဲ့ကြောင်း ထုတ်ပြန်သည်။
နေရာဒေသနှင့် နေ့ရက်ကို ဖော်ပြမထားသော်လည်း MNDAA ဆေးဘက်ဝန်ထမ်းများက စစ်သုံ့ပန်းများအား ကုသပေးနေမှု မြင်ကွင်းရုပ်သံမှတ်တမ်းကို ဖော်ပြခဲ့သည်။
အဆိုပါ ရုပ်သံမှတ်တမ်းတွင် မန်ဆူကျောင်းကို တိုက်ခိုက်သိမ်းပိုက်ခဲ့မှု အသိပေးချက်ကိုလည်း ရေးသားဖော်ပြသည်။
MNDAAသည် ဇူလိုင် ၂၅ရက်တွင် လားရှိုးမြို့သိမ်းနိုင်ပြီး အုပ်ချုပ်ရေးဖော်ဆောင်မည်ဟု အသိပေးခဲ့ပြီးနောက် လားရှိုးမြို့ပေါ်ရှိ စစ်ကောင်စီတပ်စခန်း တစ်ခုပြီးတစ်ခု သိမ်းပိုက်လျက်ရှိပြီး တပ်ရင်းဌာနချုပ်များလည်း သိမ်းယူနိုင်ခဲ့သည်။
