Connect with us

Hi, what are you looking for?

LuduNwayOo

News

လက်နက်ရောင်းချမှုတားမြစ်ခြင်းအပါအဝင် မြန်မာအပေါ် နော်ဝေအစိုးရ၏ တားမြစ်ကန့်သတ်ချက်များ ထုတ်ပြန်

မြန်မာနိုင်ငံသို့ လက်နက်နှင့်ကာကွယ်ရေးပစ္စည်းများရောင်းချမှုကို တားမြစ်ခြင်းအပါအဝင် မြန်မာ့အရေးနှင့် ဆက်စပ်၍ နော်ဝေအစိုးရက လက်ရှိ လိုက်နာကျင့်သုံးလျက်ရှိသည့် တားမြစ်ကန့်သတ်ချက်များကို မြန်မာနိုင်ငံဆိုင်ရာနော်ဝေသံရုံးက ယ​နေ့ထုတ်ပြန်သည်။

Myanmar soldiers from the 77th light infantry division walk along a street during a protest against the military coup in Yangon, Myanmar, February 28, 2021. Picture taken February 28, 2021. REUTERS/Stringer

နော်ဝေနိုင်ငံသည် ဥရောပသမဂ္ဂ (EU) က မြန်မာ့နိုင်ငံ ရေး အခြေအနေနှင့် ဆက်စပ်၍ ထုတ်ပြန်ထားသည့်တားမြစ်ကန့်သတ်ချက်များအတိုင်း တစ်သားတည်းလိုက်နာကျင့်သုံးလျက်ရှိကြောင်း ဖော်ပြထားသည်။

နော်ဝေအစိုးရ လိုက်နာကျင့်သုံးလျက်ရှိသည့် တားမြစ်ကန့်သတ်ချက်များတွင် ပြည်တွင်းဖိနှိပ်မှုများတွင်အသုံးပြုနိုင်ခြေရှိသည့် ပစ္စည်းကိရိယာများရောင်းချမှုကို တားမြစ်ခြင်း၊ အရပ်ဘက်၊ စစ်ဘက် ကဏ္ဍနှစ်ခုလုံး၌ အသုံးပြုနိုင်သော ထုတ်ကုန်များ ရောင်းချမှုကို တားမြစ်ခြင်း တို့ ပါဝင်ကြောင်း ဖော်ပြထားသည်။

ထို့ပြင် အင်တာနက် သို့မဟုတ် တယ်လီဖုန်း ဆက်သွယ်ရေးလိုင်းများအား စောင့်ကြည့်ရာတွင် သို့မဟုတ် ကြားဖြတ်နားထောင်ရာတွင် အသုံးပြုနိုင်သော ဆက်သွယ်ရေးကိရိယာများ ရောင်းချမှုကို တားမြစ်ခြင်း ၊ စစ်ရေးလှုပ်ရှားမှုများနှင့် ဆက်စပ်နေသော နည်းပညာနှင့်ဘဏ္ဍာရေးအထောက်အပံ့များကို ပိတ်ပင်တားမြစ်ခြင်း တို့ ပါဝင်ကြောင်း ထုတ်ပြန်သည်။

ပြည်တွင်းဖိနှိပ်မှုများတွင် အသုံးပြုနိုင်သည့် ပစ္စည်းကိရိယာများ၊ အရပ်ဘက်၊ စစ်ဘက် ကဏ္ဍနှစ်ခုလုံး၌ အသုံးပြုနိုင်သော ထုတ်ကုန်များ၊ သတ်မှတ်ထားသော ဆက်သွယ်ရေးကိရိယာများနှင့် ဆက်စပ်နေသော နည်းပညာနှင့် ဘဏ္ဍာရေးအထောက်အပံ့များကို ပိတ်ပင်တားမြစ်ခြင်းလည်း ပါဝင် ကြောင်းဖော်ပြထားသည်။

Public Service Announcement

Public Service Announcement

လူပုဂ္ဂိုလ် ၃၅ ဦးနှင့် စီးပွားရေးကုမ္ပဏီကြီးနှစ်ခုအပေါ်အကျိုးသက်ရောက်စေမည့် ပစ်မှတ်ထား တားမြစ်ကန့်သတ်ချက်များဖြစ်သော ပိုင်ဆိုင်မှုများကို ထိန်းချုပ်ခြင်း၊ ရန်ပုံငွေထုတ်ယူမှုကို တားမြစ်ခြင်းနှင့်အတူ၊ နိုင်ငံအတွင်းသို့ ဝင်ရောက်မှုကိုပါ ကန့်သတ်ခြင်း စသည်တို့လည်းပါဝင်ပြီး နော်ဝေ၏ တားမြစ်ကန့်သတ်ချက်များသည် EU ၏ အာဘော်အတိုင်း ဖြစ်ကြောင်း ဖော်ပြထားသည်။

ဆက်စပ်သတင်းများ

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

ဧပြီ ၂၀ရက်တွင် ဆီဆိုင်မြို့နယ် နားခိုက်ကျေးရွာရှိ PNLO ဒုဥက္ကဋ္ဌ(၂)ဖြစ်သူဗိုလ်မှူးချုပ်ခွန်ကျော်ထင်၏ မိသားစုပိုင်နေအိမ်၊ PNLAရဲဘော်အချို့ မိဘပိုင်နေအိမ်နှင့် ပြည်သူအချို့၏ နေအိမ်များကို PNO ပြည်သူ့ စစ်က ဖြိုချဖျက်ဆီးကာ မီးရှို့ဖျက်ဆီးခဲ့ခြင်းဖြစ်သည်ဟု ဖော်ပြသည်။