Connect with us

Hi, what are you looking for?

LuduNwayOo

News

မန္တလေးမြို့ပေါ်တိုက်ပွဲ စစ်ကောင်စီတပ်မှ စစ်ကြောင်းမှူးတစ်ဦးအပါအဝင် အနည်းဆုံး ၂ဦးသေဆုံး

ဖြစ်စဉ်အတွင်း လုံခြုံရေးတပ်ဖွဲ့ဝင်အချို့ အပြင်းအထန် ဒဏ်ရာရရှိခဲ့ပြီး နေအိမ်အတွင်းမှ သေဆုံးသူ ၄ဦး ရှိကြောင်း၊ ၈ဦး ကိုလည်း ဖမ်းဆီးရမိခဲ့ကြောင်းဖော်ပြသည်။

မန္တလေးမြို့ပေါ်၌ ယနေ့မနက်က ဖြစ်ပွားသည့် တိုက်ပွဲတွင် အကြမ်းဖက်စစ်ကောင်စီတပ်မှ စစ်ကြောင်းမှူး တစ်ဦးအပါအဝင် ထိခိုက်သေဆုံးမှုများရှိကြောင်း မြို့ခံ အချို့က ပြောသည်။
မန္တလေးပြည်သူ့ကာကွယ်ရေးတပ်ဖွဲ့ဝင်အချို့ ရှိနေသည့် မန္တလေးမြို့ ၅၄လမ်းနှင့် ၁၁၁ လမ်း× ၁၁၂လမ်း ကြားရှိ နေအိမ်တစ်ခုကို စစ်ကောင်စီက ဝင်စီးရာမှ ၃နာရီကျော်ကြာ ပစ်ခတ်မှုများ ဖြစ်ပွားခဲ့ခြင်းဖြစ်သည်။

တိုက်ပွဲတွင်ကျဆုံးခဲ့သည့် စစ်ကောင်စီ စစ်ကြောင်းမှူးသည် တိုက်ပွဲဖြစ်ပွားရာနေရာ အနီးရှိ ဘုရားတစ်ခု၌ တပ်စွဲထားသော အဖွဲ့မှ ဖြစ်ကြောင်း မန္တလေးမြို့ခံက ပြောသည်။
စစ်ကောင်စီဘက်က အနည်းဆုံး ၂ဦးကျဆုံးကြောင်း တိုက်ပွဲတွင်ပါဝင်သူများ၏ ပြောကြားချက်ကို ကိုးကားပြီး PDF(မန္တလေး)တာဝန်ရှိသူတစ်ဦးက သတင်းမီဒီယာအချို့ကို ထုတ်ဖော်ပြောကြားထား သည်။ PDFမှလည်း ၂ဦးကျဆုံးကာ ၆ဦးအဖမ်းခံခဲ့ရပြီး လက်နက် ၂လက် ပါသွားသည်ဟု ဆိုသည်။

စစ်ကောင်စီတပ်များက သာလွန်အင်အားဖြင့် လက်နက် ကြီးအသုံးပြု တိုက်ခိုက်ခဲ့ကြောင်း မန္တလေးတိုက်ပွဲဖြစ်စဥ်အား လူမှုကွန်ရက်၌ ဖော်ပြသည့် ရုပ်သံဖိုင်နှင့် ဓာတ်ပုံအချိုတွင် တွေ့ရသည်။
စစ်ကောင်စီကလည်း မန္တလေးမြို့ တိုက်ပွဲဖြစ်စဉ်ကို သတင်းထုတ်ပြန်ရာ သတင်းအရ နေအိမ်တစ်ခုကို သွားရောက်ရှာဖွေစစ်ဆေးစဉ် လက်ပစ်ဗုံး၊ လက်နက်ငယ်များဖြင့် စတင်ပစ်ခတ်တိုက်ခိုက်၍ အပြန်အလှန် ပစ်ခတ်မှုဖြစ်ခဲ့ကြောင်းဖော်ပြသည်။

ဖြစ်စဉ်အတွင်း လုံခြုံရေးတပ်ဖွဲ့ဝင်အချို့ အပြင်းအထန် ဒဏ်ရာရရှိခဲ့ပြီး နေအိမ်အတွင်းမှ သေဆုံးသူ ၄ဦး ရှိကြောင်း၊ ၈ဦး ကိုလည်း ဖမ်းဆီးရမိခဲ့ကြောင်းဖော်ပြသည်။

မန္တလေးမြို့ ၅၃ လမ်းတွင်လည်း မော်တော်ယာဉ် တစ်စီးပေါ်မှ လက်နက်ငယ်များဖြင့် ပစ်ခတ်၍ ပိတ်ဆို့ ဖမ်းဆီးရာ ၅၆လမ်းနှင့် ၁၁၀ လမ်းထောင့်ရှိ ထရန်စဖော်မာအား ဝင်တိုက်ခဲ့၍ ယာဉ်ပေါ်ပါ ၄ဦးသေဆုံးခဲ့ကြောင်း စစ်ကောင်စီက ထုတ်ပြန်သည်။ စစ်ကောင်စီအနေဖြင့် တိုက်ပွဲဖြစ်စဉ်သတင်းများကို လိမ်ညာဖော်ပြမှုများရှိခဲ့၍ ယခု ထုတ်ပြန်မှုကိုလည်း သီးခြား အတည်ပြုနိုင်ခြင်းမရှိသေးပေ။

You May Also Like

သတင်း

မြန်မာနိုင်ငံတွင် စစ်အာဏာသိမ်းမှု ၂ နှစ်ပြည့်သည့် ယမန်နေ့(ဖေဖော်ဝါရီ ၁ ရက်)တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောကြားခဲ့ခြင်းဖြစ်သည်။

သတင်း

အထက်ပါ တိုက်ခိုက်မှုတွင် သာယာဝတီခရိုင် PDF တပ်ရင်း (၃၈၀၂)၊ တပ်ခွဲ ၄ (မိုးညိုမြို့နယ် ပြည်သူ့ကာကွယ်ရေးတပ်ဖွဲ့)ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထားသည်။

သတင်း

မိုင်း​ဖြင့် နှစ်ကြိမ်ခိုက်သော်လည်း စစ်ကောင်စီတပ်ဘက်မှ ပြန်လည်ပစ်ခက်ဖြစ်မရှိဘဲ ဒုတိယအကြိမ်တွင် ပျက်ဆီးသွားသော ကားပေါ်မှ အချိန်အတော်အတန်ကြာမှသာ ဆင်းလာခဲ့ပြီး တကောင်း(ပ.က.ဖ)မှ မိုင်းသမားများအား လိုက်လံရှာဖွေနေခဲ့ကြောင်း ယင်းတပ်ဖွဲ့က ပြောသည်။

သတင်း

မြတောင်စစ်ဆေးရေးဂိတ်ကို ယနေ့(ဖေဖော်ဝါရီ ၂ရက်) နံနက် ၄နာရီခန့်တွင် KIA နှင့် PDF ပူပေါင်းအဖွဲ့က ဝင်ရောက်တိုက်ခိုက်ခဲ့ခြင်းဖြစ်သည်။