ရန်ကုန်မြို့ မရမ်းကုန်းမြို့နယ် ကျိုက်ဝိုင်းဘုရားလမ်းမပေါ်တွင် ယနေ့ (ဇူလိုင် ၃ ရက်) နေ့လည်ပိုင်းက လူငယ်များ စုပေါင်း၍ စစ်ကောင်စီဥက္ကဌမင်းအောင်လှိုင် ၏မွေးနေ့ အသုဘအခမ်းအနားပြုလုပ်ပြီး ၎င်း၏ အင်္ကျီကို မီးရှို့သဂြိုလ်၍ ဆန္ဒပြခဲ့ကြသည်။
ယင်းသပိတ်တွင် မြို့နယ်အသီးသီးမှ လူငယ်များနှင့် ပြည်သူ ၂၀၀ ကျော် ပူးပေါင်းပါဝင်ခဲ့သည်။
“ မွေးနေ့မှစ၍ မြန်မြန်သေပါစေကြောင်း ပြည်သူများက ဆုမွန်ကောင်းတောင်းအပ်ပါသည်” စာတန်းကိုင်ဆောင်၍ ဒီမ်ိုကရေစီ ရရှိစေရေး ကြွေးကြော်ကာ ချီတက်ဆန္ဒပြခဲ့ကြပြီး မင်းအောင်လှိုင်၏ အင်္ကျီကိုလည်း မီးရှို့ သဂြိုလ်ခဲ့ကြသည်။
မြန်မာနိုင်ငံတွင် အကြမ်းဖက်စစ်ကောင်စီက မတရားသဖြင့် အာဏာသိမ်းပိုက်ထားသည်မှာ ယနေ့ ရက် ၁၅၃ ပြည့်မြောက်ခဲ့ပြီ ဖြစ်သည်။
Public Service Announcement
