Connect with us

Hi, what are you looking for?

LuduNwayOo

News

ဖာပွန်-ကမမောင်း-ဘားအံလမ်းပိုင်းကို ကိုဗစ်​ကြောင့် အသွားလာကန့်သတ်

အသွားအလာကန့်သတ်ထားတဲ့ ရက်တွေအတွင်း အရေးပေါ်ကျန်းမာရေးကိစ္စပေါ်ပေါက်လာရင် သွားလာဖို့အတွက် တာဝန်ရှိသူတွေထံ ဆက်သွယ်ဆောင်ရွက်ပြီး သွားလာနိုင်တယ်လို့လည်း မြို့နယ်အုပ်ချုပ်ရေးအဖွဲ့ထံကနေ သိရပါတယ်။

ကိုဗစ်ရောဂါထိန်းချုပ်ကန့်သတ်နိုင်ဖို့အတွက် ဖာပွန်-ကမမောင်း-ဘားအံလမ်းပိုင်းမှာ သွားလာနေတဲ့ ခရီးသည်နဲ့ ယာဉ်တွေကို ဇူလိုင် ၁၃ ရက်ကစပြီး အသွားအလာကန့်သတ်တော့မယ်လို့ ဖာပွန်မြို့နယ်အုပ်ချုပ်ရေးအဖွဲ့ထံကနေ သိရပါတယ်။

ဖာပွန်မြို့ပေါ်မှာ ကိုဗစ်ရောဂါဖြစ်ပွားမှုနှုန်းတွေ မြင့်မားလာတာကြောင့် ကူးစက်ပြန့်ပွားမှုကို ထိန်းချုပ်တဲ့အနေနဲ့ ဖာပွန် – ကမမောင်း – ဘားအံလမ်းပိုင်းမှာ သွားလာနေတဲ့ ခရီးသည်နဲ့ မော်တော်ယာဉ်တွေကို ၁၀ ရက် တစ်ကြိမ်၊ တစ်ကြိမ်ကို ၂ ရက်သာ သွားလာခွင့်ပြုမှာဖြစ်ပါတယ်။

“ဖာပွန်မြို့ပေါ်မှာ ပိုးတွေ့တာတအားများတယ်။ မနက်ဖြန်နောက်ဆုံးနေ့ပေါ့။ ဘားအံ ဖာပွန်အတက်အဆင်းကားတွေကို ၁၀ ရက် တစ်ကြိမ်သာ အတက်အဆင်းလုပ်ကြဖို့ မြို့နယ်အုပ်ချုပ်ရေးအဖွဲ့က အသိပေးထားတယ်။ ဥပမာ- လတစ်လရဲ့ ၁၁ ၁၂ ရက်နေ့၊ ၁၉ ၂၀ ရက်နေ့လိုတွေမှာ အတက်အဆင်းပြုလုပ်ကြဖို့ပေါ့” လို့ ဖာပွန်မြို့ခံတစ်ဦးရဲ့ ပြောကြားချက်အရ သိရပါတယ်။

အသွားအလာကန့်သတ်ထားတဲ့ ရက်တွေအတွင်း အရေးပေါ်ကျန်းမာရေးကိစ္စပေါ်ပေါက်လာရင် သွားလာဖို့အတွက် တာဝန်ရှိသူတွေထံ ဆက်သွယ်ဆောင်ရွက်ပြီး သွားလာနိုင်တယ်လို့လည်း မြို့နယ်အုပ်ချုပ်ရေးအဖွဲ့ထံကနေ သိရပါတယ်။

ဖာပွန်မြို့ပေါ်မှာ ကိုဗစ်ရောဂါလူနာဦးရေ ၂၀ ကျော်ရှိပြီး မြို့ဆေးရုံမှာ ဆေးကုသမှုပေးနေတယ်လို့ သိရပါတယ်။

ပြီးခဲ့တဲ့ လတွေတုန်းက ဖာပွန်ဒေသမှာ ဖြစ်ပွားခဲ့တဲ့ တိုက်ပွဲတွေကြောင့် ဖာပွန်-ကတိုင်တိ- ကမမောင်းလမ်းပိုင်းကို ၃ လနီးပါးကြာ သွားလာခွင့်တွေ ပိတ်ထားခဲ့ရပြီး မြို့ပေါ်မှာ အခြေခံစားသောက်ကုန်တွေ စက်သုံးဆီတွေ ဈေးနှုန်းအဆမတန် တက်ခဲ့ရတာဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စစ်ကောင်စီတပ်နှင့် ၎င်း၏ လက်အောက်ခံ နယ်ခြားစောင့်တပ်(BGF) တို့အနေဖြင့် တပ်မဟာ(၅)နယ်မြေတွင် စစ်ရေးလှုပ်ရှားမှုများ ပိုမိုပြုလုပ်လာသည့်အပြင် လူ့အခွင့်အရေး ချိုးဖောက်မှုများလည်း နေ့စဉ်နှင့်အမျှ လုပ်ဆောင်နေသည်ဟု ဆိုသည်။

သတင်း

မနေ့ စက်တင်ဘာလ(၂၂)ရက်က စစ်ကောင်စီတပ်ရဲ့ လယ်တိုးအခြေစိုက်စခန်းကို ကော်သူးလေတပ်မတော်အမှတ်(၅)တပ်မဟာက ခြံခိုဝင်ရောက်တိုက်ခိုက်ခဲ့ရာ စစ်ကောင်စီဘက်က တစ်ဦးသေဆုံးခဲ့ကြောင်း ဒေသတွင်းအရာရှိတစ်သီးက ပြောပါတယ်။

သတင်း

အဲ့ဒီနေ့တစ်ရက်တည်းအတွင်း မထောနဲ့ ခွေးသေရွာကြားမှာ တိုက်ပွဲတစ်ကြိမ်ထပ်ဖြစ်ခဲ့ပြီး စစ်ကောင်စီဘက်က တစ်ဦးသေဆုံးကာ တစ်ဦးဒဏ်ရာရရှိခဲ့တယ်လို့ အမှတ်(၅)တပ်မဟာက အမည်မဖော်လိုတဲ့ ရှေ့တန်းအရာရှိတစ်ဦးက ပြောပါတယ်။

သတင်း

ဒါ့အပြင် မနက်(၁၁)နာရီအချိန်ခန့်မှာ KNLA တပ်မဟာ ၅ လက်အောက်ခံ တပ်ရင်း(၁၀၂)တပ်ဖွဲ့ဝင်တွေက မူတြော်ခရိုင် ဒွယ်လိုးမြို့နယ် လှဂွန်းပျိုအခြေစိုက် စစ်ကောင်စီစခန်းကို ဝင်ရောက်ပစ်ခတ်ခဲ့ရာ စစ်ကောင်စီဘက်က တစ်ဦး သေဆုံးသွားခဲ့တယ်လို့ ထုတ်ပြန်ချက်မှာဖော်ပြထားပါတယ်။