ကလေးငယ်တွေရဲ့ ကျန်းမာရေးကုသမှုနဲ့ ပညာရေး ရပိုင်ခွင့်တွေဆုံးရှုံးနေတယ်လို့ Save the Children ထုတ်ပြန်

မြန်မာနိုင်ငံမှာ စစ်တပ်အာဏာသိမ်းတဲ့ခြောက်အတွင်း နိုင်ငံတစ်ဝန်းရှိမိသားစုတွေရဲ့အခြေအနေဟာ ကိုဗစ်-၁၉ ရိုက်ခတ်မှုနဲ့ အတူ ပိုမိုဆိုးရွားနေပြီး ကလေးငယ်တွေဟာ ကျန်းမာရေးကုသမှုနဲ့ ပညာရေး ရပိုင်ခွင့်တွေဆုံး ရှုံးနေတယ်လို့ အပြည်ပြည်ဆိုင်ရာ Save the Children အဖွဲ့က ဒီနေ့သတိပေး ထုတ်ပြန်ပါတယ်။

မြန်မာနိုင်ငံရှိ ကလေးငယ်အများစုဟာ ပြုစုကုသခွင့်မရရှိဘဲ ကိုဗစ်-၁၉ ကြောင့် သေဆုံးမှုနှုန်းမြင့်တက်နေပြီး ရောဂါဖြစ်ပွားမှုနဲ့ သေဆုံးမှုနှုန်း စာရင်းအမှန်မသိရှိပေမယ့် စမ်းသပ်စစ်ဆေးမှုမှန်တမ်းများအရ ပိုးတွေ့လူနာ များရဲ့ ၃၅ ရာခိုင်နှုန်းကျော်နဲ့ ကမ္ဘာပေါ်မှာ အမြင့်ဆုံးဖြစ်နေတယ်လို့ Save the Children က ဆိုပါတယ်။

“မြန်မာပြည်သူတွေဟာ လေးစားဖွယ် ကြံ့ခိုင်မာနဲ့ ခွန်အားတွေကို ပြသနေပါတယ်။ ဒါပေမဲ့ ဒီကြမ္မာဆိုးကို သူတို့ဘာသာ ရင်ဆိုင်နိုင်မှာမဟုတ်ပါဘူး။ အကူအညီအရေးပေါ်လိုအပ်နေပါတယ်” လို့ Save the Children က ပြောပါတယ်။

မြန်မာနိုင်ငံမှာ အကြမ်းဖက်မှုတွေ အဆုံးသတ်ရေးနဲ့ လက်ရှိအကျပ်အတည်း အထူးသဖြင့် ကိုဗစ်-၁၉ အခြေအနေကို ဖြေရှင်းရေး နိုင်ငံတကာအသိုင်းအ၀ိုင်းက ခိုင်မာ၊ ညီညွတ်ပြီး ပြတ်သားတဲ့ကြိုးပမ်းအားထုတ်ဖို့ Save the Children က တောင်းဆိုပါတယ်။ ကုလလုံခြုံရေးကောင်စီနဲ့ အာဆီယံတို့ကလည်း မြန်မာကို ကယ် တင်ဖို့ အချိန်အများကြီး မရှိတော့ဘူးလို့ Save the Children က သတိပေးပါတယ်။

Public Service Announcement

ကုလသမဂ္ဂစာရင်းများအရ စစ်တပ်အာဏာသိမ်းချိန်ကစလို့ ကလေးငယ် ၇၅ ဦးသတ်ဖြတ်ခံခဲ့ပြီး တကယ်သေ ဆုံးခဲ့တဲ့အရေအတွက်ဟာ အဲဒီထက် မြင့်မားနိုင်ပါတယ်။ အဲဒီသေဆုံးခဲ့တဲ့အရေအတွက်ရဲ့ သုံးပုံတစ်ပုံကျော်ဟာ ၁၆ နှစ်အောက် ကလေးငယ်တွေဖြစ်ပါတယ်။ အငယ်ဆုံးကလေးဟာ ၁၈ လအရွယ် မိန်းကလေးတစ်ဦးဖြစ်ပြီး အဲဒီကလေးငယ်ဟာ ဖခင်ဖြစ်သူက သူမကို ဆေးရုံကို ဆိုင်ကယ်နဲ့ခေါ်ဆောင်သွားစဉ် ရပ်တန့်မပေးတာကြောင့် စစ်တပ်က ကားနဲ့တိုက်သတ်ခဲ့တာဖြစ်ပါတယ်။

ဒါ့အပြင် ၇ နှစ်အရွယ် ကလေးငယ်အပါအဝင် ကလေးငယ် ၁၀၄ ဦးကို စစ်တပ်က ဖမ်းဆီးထိန်းသိမ်းထားပြီး အများစုဟာ ကိုဗစ်-၁၉ ရောဂါပိုးပြန့်ပွားနေတဲ့ ရန်ကုန် အင်းစိန်ထောင်ထဲမှာ ရှိနေပါတယ်။