အမျိုးသားညီညွတ်ရေးအစိုးရ(NUG) ယာယီသမ္မတဒူးဝါးလရှီးလဟာ စစ်အာဏာရှင်တွေနဲ့မပူးပေါင်းဘဲ ပြည်သူလူ ထုဘက်ရပ်ဖို့ ရဲနဲ့ တပ်မတော်သားတွေကို နွေးထွေးစွာကြိုဆိုတယ်လို့ သူ့ရဲ့ဖေ့စ်ဘွတ်ခ်စာမျက်နှာမှာရေးသားဖော် ပြပါတယ်။
အကြမ်းဖက်စစ်တပ်အာဏာသိမ်းအပြီး ၇ လအကြာမှာ စစ်အာဏာရှင်တွေလက်အောက်မှာ မနေလိုဘဲ ထွက်ပြေး လာတဲ့၊ CDM လှုပ်ရှားမှုမှာ ပါဝင်လာတဲ့ ရဲသားနဲ့ တပ်မတော်သားတွေများပြားလာပြီး လက်ရှိအချိန်မှာ စုစုပေါင်း အနည်းဆုံး ၂၀၀၀ ကျော် ရှိနေပြီလို့ သိရပါတယ်။
“စစ်အာဏာရှင်များနှင့် မပူးပေါင်းဘဲ ပြည်သူများနှင့်ပူးပေါင်းသူများကို ပြည်သူ့ရင်ခွင်မှ နွေးထွေးစွာ ကြိုဆိုပါတယ်”လို့ ယာယီသမ္မတဒူးဝါးလရှီးလက ရေးသားပါတယ်။
CDM ပြုလုပ်ဖို့ အခက်အခဲများရှိပါက ပြည်သူ့ရဲနှင့် တပ်မတော်သားများကို ကူညီစောင့်ရှောက်ရေး အဖွဲ့ရဲ့ Telegram လိပ်စာ(http://t.me/MyanmarPeople)ကိုဆက်သွယ်နိုင်တယ်လို့ NUG ယာယီသမ္မတက ဆက် လက်ရေးသားထားပါတယ်။
Public Service Announcement
အဲဒီတယ်လီဂရမ်စာမျက်နှာကို ဝင်ရောက်ကြည့်ရှုတဲ့အခါမှာ ‘လာရောက်ဆက်သွယ်သူ အလွန်များနေ၍ Reply ရရန် ၆ နာရီအထိ စောင့်ရနိုင်ပါသည်’ လို့ အသိပေးထားပါတယ်။
အာဏာသိမ်းတဲ့ ၇ လအတွင်း စစ်ခေါင်းဆောင်တွေရဲ့ အကြမ်းဖက်လုပ်ရပ်တွေကြောင့် မြန်မာပြည်သူအများစု ဟာ စစ်တပ်အပေါ် မုန်းတီးရွံရှာနေပြီး စစ်အာဏာရှင်တွေရဲ့ အမိန့်ကို နာခံနေတဲ့ တပ်မတော်သားတွေဟာလည်း စိတ်ပိုင်းဆိုင်ရာနဲ့ ရုပ်ပိုင်းဆိုင်ရာလုံခြုံမှု မရှိတော့တဲ့အခြေအနေကို ရင်ဆိုင်နေရပါတယ်။
(ညောင်ဦးမြို့တွင် စစ်အာဏာရှင်ဆန့်ကျင်ဆန္ဒပြနေသောပြည်သူများအား အကြမ်းဖက်ဖြိုခွင်းနေသော စစ်သားနှင့်ရဲများကို တွေ့ရစဥ်၊ ဓါတ်ပုံ – CJ)
