မန္တလေး ပြည်ကြီးတံခွန်မြို့နယ်ရှိ သင်ပန်းကုန်းရပ်ကွက် ရဲကင်းမှာ ကင်းစောင့်နေတဲ့ စစ်သားတစ်ဦး ကိုယ့်ကိုယ်ကို သေကြောင်းကြံစည်ခဲ့တယ်လို့ ရပ်ကွက်နေသူတွေကပြောပါတယ်။
ဒီကနေ့ စက်တင်ဘာ ၂၃ ရက် မနက်ပိုင်းက ရဲကင်းခြံစည်းရိုးဘန်ကာမှာ စောင့်နေတဲ့ တပ်သားဟာ သူကိုင်တဲ့ သေနတ်နဲ့ နားထင်ကိုပစ်ပြီး သေကြောင်းကြံစည်ခဲ့တယ်လို့ ရဲတပ်ဖွဲ့နဲ့နီးစပ်သူများထံကနေစုံစမ်းသိရပါတယ်။
“သေနတ်သံတော့ ကြားလိုက်တယ်။ ဘာမှတော့ မမြင်လိုက်ရဘူး။ သူတို့စစ်တပ်ကပဲ သယ်သွားတာ” လို့ သင်ပန်းကုန်ရပ်ကွက်မှာ နေထိုင်သူတစ်ဦးကပြောပါတယ်။
သင်ပန်းကုန်းရဲကင်းက စစ်အာဏသိမ်းပြီးတစ်လလောက်ထဲက လမ်းပိတ်ပြီးတပ်စွဲထားတာလည်းဖြစ်ပါတယ်။
Public Service Announcement
ရဲကင်းအနီးမှာရှိတဲ့ ရပ်ကွက်အုပ်ချုပ်ရေးမှူးရုံးကလည်း မီးရှို့ခံထားရတာကြောင့် ပြန်ဆောက်နေတာဖြစ်ပါတယ်။
