ဂွမြို့နယ် NLD ပြည်သူ့လွှတ်တော်ကိုယ်စားလှယ်ကို ထောင် ၂ နှစ်ကျော်ချ

အာဏာသိမ်းတာကိုဆန့်ကျင်ဆန္ဒပြတဲ့ ရခိုင်ပြည်နယ် NLD ရဲ့ လွှတ်တော်ကိုယ်စားလှယ် ၁ဦး ကို စစ်ကောင်စီ က ထောင်ဒဏ် ၂ နှစ်ကျော် ချလိုက်ပါတယ်။

ဂွမြို့နယ် ပြည်သူ့လွှတ်တော်ကိုယ်စားလှယ် ဦးရဲခေါင်ညွှန့် ကို ဒီနေ့မှာ ဂွမြို့နယ် တရားရုံးက အမိန့်ချ လိုက်တာလို့ ရခိုင်ပြည်နယ်အခြေစိုက် နိရဉ္စရာသတင်းဌာနကဖော်ပြထားပါတယ်။

လွှတ်တော်ကိုယ်စားလှယ် ဦးရဲခေါင်ညွှန့်ကို ပုဒ်မ၅၀၅(ခ) ၊ သဘာဝဘေးအန္တရာယ်စီမံခန့်ခွဲမှု ပုဒ်မ၃၀(က) တို့နဲ့ ဖမ်းဆီးထားတာဖြစ်ပြီးဒီနေ့မှာတော့ ထောင်ဒဏ် ၂ နှစ်နဲ့ ၃ လချလိုက်တာပါ။

ပြီးခဲ့တဲ့ ရက်ပိုင်းကလည်း တောင်ကုတ်မြို့နယ် NLD ပြည်နယ်ကိုယ်စားလှယ်ဟောင်း ဦးမင်းအောင် ကို အာဏာသိမ်းတာကို ဆန့်ကျင်တဲ့အတွက် ထောင်ဒဏ် ၂ နှစ် နဲ့ ၂ လ ချထားတာရှိပါတယ်။

Public Service Announcement

ဦးရဲခေါင်ညွှန့်ဟာ ပြီးခဲ့တဲ့ ၂၀၂၀ အထွေထွေရွေးကောက်ပွဲမှာ ဂွမြို့နယ် ပြည်သူ့လွှတ်တော်ကိုယ်စားလှယ် အတွက်ရွေးကောက်တင်မြှောက်ခံရသူဖြစ်ပါတယ်။