အာဏာသိမ်းစစ်တပ်၏ ယန္တရားများ မလည်ပတ်နိုင်စေရန် တော်လှန်ရေးအရှိန်မြှင့်မည်ဟု BPDF ထုတ်ပြန်

အာဏာသိမ်းစစ်တပ်၏ ယန္တရားများမလည်ပတ်နိုင်စေရန် မဟာမိတ်အင်အားစုများနှင့် ပူးပေါင်းပြီး တော်လှန်ရေးအရှိန်မြှင့်သွားမည်ဖြစ်ကြောင်း ပဲခူးမြို့နယ် ပြည်သူ့ကာကွယ်ရေးတပ်ဖွဲ့(BPDF)က ယနေ့ (ဒီဇင်ဘာ ၂)ထုတ်ပြန်သည်။

BPDF နှင့် မဟာမိတ်အင်အားစုများသည် ပဲခူးမြို့နယ်တွင် စစ်ကောင်စီ၏​ထောက်တိုင်များအား ပစ်မှတ်ထားတိုက်ခိုက်ခဲ့ရာ အောက်တိုဘာ ၁၈ မှ ဒီဇင်ဘာ ၂ရက် (ယနေ့)အထိ တစ်လကျော်အတွင်း ခုခံတွန်းလှန်မှု ၁၃ ကြိမ်ရှိခဲ့သည်ဟု ထုတ်ပြန်ချက်တွင် ဖော်ပြသည်။

တိုက်ခိုက်မှုများကို အောက်တိုဘာလတွင် နှစ်ကြိမ် နိုဝင်ဘာလတွင် ၁၁ ကြိမ် အသီးသီးပြုလုပ်ခဲ့ပြီး စစ်ကောင်စီတပ်မှ စစ်သားနှစ်ဦးနှင့် ပျူစောထီးတစ်ဦး သေဆုံးကာ ရဲ စစ်သားနှင့် အုပ်ချုပ်ရေးမှူးအပါအဝင် ခြောက်ဦးထိခိုက်ဒဏ်ရာရရှိသွားကြောင်း ထုတ်ပြန်ချက်တွင် ဖော်ပြသည်။

အဆိုပါ ခုခံတိုက်ခိုက်မှုများအနက် မြို့နယ်ထွေအုပ်ရုံး ရပ်ကျေးအုပ်ချုပ်ရေးမှူးရုံးများနှင့် အင်တကော်ထောက်ပို့တပ် လုံခြုံရေးဂိတ် စသည့်နေရာများအပြင် အုပ်ချုပ်ရေးမှူး ပျူစောထီး ဒလန်စသည့် လူပုဂ္ဂိုလ်များကိုလည်း ပစ်မှတ်ထား တိုက်ခိုက်နိုင်ခဲ့သည်ဟု ထုတ်ပြန်ချက်က ဆိုသည်။

Public Service Announcement

ထို့အပြင် ယခုနောက်ဆုံးတိုက်ခိုက်ခဲ့ပြီးသော ပဲခူးခရိုင်ရဲတပ်ဖွဲ့ရုံးမှ ရဲကားနှစ်စီးမိုင်းစွဲတိုက်ခိုက်မှုတွင် ရဲနှစ်ဦး ပြင်းထန်ဒဏ်ရာရရှိကာ ကားနှစ်စီးထိခိုက်ပျက်စီးခဲ့သည်။