ဗမာနိုင်ငံလုံးဆိုင်ရာကျောင်းသားများသမဂ္ဂအဖွဲ့ချုပ် (ဗကသ) ရဲ့ ဒုတိယဥက္ကဋ္ဌကိုဝေယံဖြိုးမိုးကို မနေ့က ထောင်ချပြီးနောက် ထောင်တွင်းအကြမ်းဖက်နှိပ်စက်ခံနေရပြီး အသက်အန္တရာယ်စိုးရိမ်ရတယ်လို့ ဗကသ က သတင်းထုတ်ပြန်ပါတယ်။
ကိုဝေယံဖြိုးမိုးကို မနေ့က ထောင်တွင်းတရားရုံးမှာ ထောင်ဒဏ် ၂ နှစ်နဲ့၁ လချမှတ်ပြီးနောက် ပုံစံခန်းကို ခေါ်ဆောင်ပြီး သပြေဆောင်မှူးက ဖိနပ်နဲ့ပါးရိုက်ခဲ့သလို အကျဉ်းသား ၅ ယောက်က နှစ်ကြိမ်တိုင်တိုင် ထိုးကြိတ်ရိုက်နှက် နှိပ်စပ်ခဲ့တယ်လို့ သိရပါတယ်။
ဒီလိုအကြမ်းဖက်နှိပ်စက်တာကြောင့် ကိုဝေယံဖြိုးမိုးရဲ့ လည်ပင်းမှာ ပြင်းပြင်းထန်ထန်ဒဏ်ရာရပြီး နံရိုးတွေလည်းကျိုးသွားတယ်လို့ ဗကသက သတင်းထုတ်ပြန်ထားပါတယ်။
ဒီလို နှိပ်စက်ပေမယ့် အင်းစိန်ထောင် အာဏာပိုင်တွေဟာ အခုချိန်ထိ ဆေးကုသခွင့်မပေးသေးဘူးလို့သိရပါတယ်။
Public Service Announcement
အင်းစိန်ထောင်အာဏာပိုင်တွေဟာ စစ်အာဏာရှင်ဆန့်ကျင်ရင်း ဖမ်းဆီးခံရတဲ့နိုင်ငံရေးအကျဉ်းသာေးတွကိုထောင်တွင်းမှာဖိနှိပ်အကြမ်းဖက်မှုတွေကို ပြုလုပ်နေတာတွေရှိပါတယ်။
ပြီးခဲ့တဲ့ အသံတိတ်သပိတ်မှာဆို ထောင်တွင်းဆန္ဒပြပွဲမှာပါဝင်သူတွေကို ရိုက်နှက်တိုက်ပိတ်တာတွေရှိသလို တချို့နိုင်ငံရေးအကျဉ်းသားတွေကို အဆောင်ပြောင်းခဲ့ပါတယ်။
ပြောင်းရွှေ့ရာအဆောင်ရောက်တဲ့အခါ ရာဇဝတ်အကျဉ်းသားတွေကို ရိုက်နှိက်ခိုင်းတာမျိုး လုပ်ခဲ့တဲ့အတွက် ပြင်းပြင်းထန်ထန်ဒဏ်ရာရခဲ့တဲ့နိုင်ငံရေးအကျဉ်းသားတွေရှိခဲ့တယ်လို့သိရပါတယ်။
