အကြမ်းဖက်ဖြစ်ရပ်များကြောင့် မြန်မာနိုင်ငံနေရာအနှံ့အပြားရှိ အကူအညီလိုအပ်သောသူများထံ ယခုထက်ပို၍ အထောက်အပံ့များ တိုးမြှင့် ပေးအပ်နိုင်ရေးသည် ၂၀၂၂ ခုနှစ်အတွက် အဓိကဦးစားပေးလုပ်ငန်းတစ်ခုဖြစ်သည်ဟု ကုလသမဂ္ဂ ကမ္ဘာ့စားနပ်ရိက္ခာအစီအစဉ် (WFP) က ထုတ်ပြန်သည်။
မြန်မာနိုင်ငံရှိ ပဋိပက္ခနှင့် အကြမ်းဖက်မှုများကြောင့် ထိခိုက်ခံစားခဲ့ရသော မိသားစုများနှင့် အကူအညီလိုအပ်သောသူများကို သွားရောက်ကူညီခွင့် စဥ်ဆက်မပြတ်ရရှိရန် အစွမ်းကုန် ကြိုးပမ်းလျက်ရှိကြောင်း ဖော်ပြထားသည်။
WFP သည် ချင်းပြည်နယ် မင်းတပ်မြို့ နှင့် ပလက်ဝမြို့နယ်၊ မကွေးတိုင်းဒေသကြီး ကျောက်ထုမြို့၊ ကရင်ပြည်နယ် မြိုင်ကြီးငူအထူးဒေသနှင့် ရှမ်းပြည်နယ်မြောက်ပိုင်း နေရာအချို့တို့ရှိ ပဋိပက္ခဖြစ်ပွားမှုများကြောင့် ထိခိုက်ခဲ့ရသောသူများနှင့် အခြားထိခိုက်လွယ်သော မိသားစုများအား လွန်ခဲ့သော ရက်သတ္တပတ်အနည်းငယ်အတွင်း လူသားချင်းစာနာမှုဆိုင်ရာ စားနပ်ရိက္ခာအထောက်အပံ့များအား တိုက်ရိုက်ပေးအပ်နိုင်ခဲ့သည်ဟု ဆိုသည်။
WFP သည် ဒီဇင်ဘာလနှောင်းပိုင်းတွင် မင်းတပ်မြို့ရှိ နေရပ်စွန့်ခွာခဲ့ရသူဦးရေ (၅၀၀) ကျော်အား နှစ်လစာ စားနပ်ရိက္ခာအထောက်အပံ့များ ပေးအပ်ခဲ့ပြီး၊ မကွေးတိုင်းဒေသကြီး ကျောက်ထုမြို့တွင် ခေတ္တပြောင်းရွှေ့နေထိုင်နေသော မင်းတပ်မှနေရပ်စွန့်ခွာလာခဲ့ရသူဦးရေ (၉၀၀) ကျော်အား နှစ်လစာ ဆန်ရိက္ခာအထောက်အပံ့များ ပေးအပ်နိုင်ခဲ့ကြောင်း ဖော်ပြထားသည်။
Public Service Announcement
အလားတူ ချင်းပြည်နယ်တွင်ပင် WFP အနေဖြင့် ပလက်ဝမြို့ရှိ လူဦးရေ (၅,၄၀၀) နှင့် မီးဇာရွာရှိ လူဦးရေ (၉၀၀) တို့အားလည်း လစဉ်ငွေကြေးအထောက်အပံ့များကို ၂၀၂၂ ခုနှစ် ဇန်နဝါရီလအစောပိုင်းတွင် ပေးအပ်နိုင်ခဲ့သည်ဟုဆိုသည်။သိူ့သော် ကူညီထောက်ပံ့မှုပေးအပ်သောဒေသများမှာ တိုင်းရင်းသားလက်နက်ကိုင်အဖွဲ့များ ၊ဒေသခံကာကွယ်ရေးအဖွဲ့များစိုးမိုးထားသော ဒေသများရှိ ဒုက္ခသည်များလား ၊အာဏာသိမ်းစစ်ကောင်စီ စိုးမိုးနေသောဒေသရှိ ဒုက္ခသာ်များလာဆိုသည်ကို အသေးစိတ်ဖော်ပြထားခြင်းမရှိပေ။ စစ်ဘေးဒုက္ခသည်အများစုမှာ အကြမ်းဖက်စစ်ကောင်စီ ၏ရန်ကို ကြောက်ရွံ့ကြသဖြင့် ဒေသခံအဖွဲ့များစိုးမိုးသောတောတောင်များတွင်အဓိကခိုလှုံတိမ်းရှောင်နေကြရသည်။
၀၂၁ ခုနှစ်နှောင်းပိုင်းတွင် WFP သည် ရှမ်းပြည်နယ်မြောက်ပိုင်း ကျောက်မဲမြို့နယ်အတွင်းရှိ နေရပ်စွန့်ခွာခဲ့ရသူ (၃,၀၀၀) ကျော်ကိုလည်း စားနပ်ရိက္ခာအထောက်အပံ့များ ကူညီပေးနိုင်ခဲ့သည်ဟုဆိုသည်။ သိ
ကရင်ပြည်နယ် မြိုင်ကြီးငူအထူးဒေသရှိ ထိခိုက်လွယ်သူ လူဦးရေပေါင်း (၆,၈၀၀) ကျော်ကိုလည်း ဆန်ရိက္ခာ အထောက်အပံ့များ ပေးအပ်ခဲ့သည်ဟုပါရှိသည်။
