Connect with us

Hi, what are you looking for?

LuduNwayOo

News

မုံရွာမှတပ်ကူလာ​သောစစ်​ကောင်စီတပ်ကား မြင်းမူတွင်မိုင်းဆွဲခံရ သုံးဦးထက်မနည်း​သေနိုင်ဟု MMPDFထုတ်ပြန်

မြင်းမူPDF နှင့်မဟာမိတ်အဖွဲ့ဝင်တပ်များသည် ဖေဖော်ဝါရီလ ၁ရက်နေ့မှယနေ့အထိ အကြမ်းဖက်စစ်ကောင်စီတပ်အားခုခံတိုက်ခိုက်မှုများ ဆက်တိုက်ပြုလုပ်နေသည် ။ယနေ့နံနက်ပိုင်းက မြင်းမူမြို့နယ် ဂုံညင်းဆိတ်ရဲစခန်းအား ဝင်ရောက်စီးနင်းခဲ့သည်။

စစ်ကိုင်းတိုင်း၊ မြင်းမူမြို့နယ်၊ မုံရွာ-မန္တလေးလမ်းမကြီးပေါ်တွင် မုံရွာမှတပ်ကူလာသည့် အကြမ်းဖက်စစ်ကောင်စီ၏ တပ်ကားများကို မိုင်းဆွဲတိုက်ခိုက်ရာစစ်​ကောင်စီတပ်သား သုံးဦးထက်မနည်းသေဆုံးနိုင်ကြောင်း မြင်းမူမြို့နယ် ပြည်သူ့ ကာကွယ်ရေးတပ်ဖွဲ့က သတင်းထုတ်ပြန်သည်။

ယနေ့ ဖေဖော်ဝါရီလ ၃ ရက် မွန်းလွဲ ၂ နာရီ ၂၀ မိနစ်ခန့်က မြင်းမူမြို့နယ်၊ မကျီးကန်ရွာတွင် ဝင်ရောက်စီးနင်း အကြမ်းဖက်နေသော စစ်​ကောင်စီတပ်များထံ မုံရွာဘက်မှ ကင်ဒါကား၃ စီးဖြင့် တပ်ကူလာသည့် အရပ်ဝတ်အကြမ်းဖက်စစ်ကောင်စီတပ်ဖွဲ့ဝင်များအား ကန်ဖျားဇရပ်
နှင့် ပျော့ရွာကြားတွင် မိုင်းဆွဲတိုက်ခိုက်ခဲ့ရာ နောက်ဆုံးတစ်စီးမှာ မြောက်တက်သွားပြီး ပျက်စီးသွားခဲ့ကြောင်း​​ဖော်ပြထားသည်။ ကားပေါ်ပါလာသော စစ်​ကောင်စီတပ်သား ၆ ဦးမှာပြန်လည်ပစ်ခတ်နိုင်ခြင်းမရှိဘဲ ၃ ယောက်ထက်မနည်းသေဆုံးနိုင်သည်ဟု မြင်းမူမြို့နယ် ပြည်သူ့ ကာကွယ်ရေးတပ်ဖွဲ့က အသိပေးသည်။

အဆိုပါစစ်ဆင်ရေးအား မြင်းမူPDF မှ ဦးဆောင်၍ Black Eagle Defence Force – MMU၊ မြင်းမူလျှပ်စီးပြောက်ကျားတပ်ဖွဲ့၊ Myin Mu Defence Force၊ မြောင်မြို့နယ် ပြည်သူ့ကာကွယ်ရေးနှင့် လုံခြုံရေးအဖွဲ့ – CDSOMစသည့် မဟာမိတ်အဖွဲ့များ ပူးပေါင်းကာတိုက်ခိုက်ခဲ့ခြင်းဖြစ်သည်။ ပြည်သူ့ကာကွယ်ရေးတပ်ဖွဲ့ဝင်ရဲဘော်များ ထိခိုက်ကျဆုံးခြင်းမရှိကြောင်း MMUPDFက သတင်းထုတ်ပြန်သည်။

မြင်းမူPDF နှင့်မဟာမိတ်အဖွဲ့ဝင်တပ်များသည် ဖေဖော်ဝါရီလ ၁ရက်နေ့မှယနေ့အထိ အကြမ်းဖက်စစ်ကောင်စီတပ်အားခုခံတိုက်ခိုက်မှုများ ဆက်တိုက်ပြုလုပ်နေသည် ။ယနေ့နံနက်ပိုင်းက မြင်းမူမြို့နယ် ဂုံညင်းဆိတ်ရဲစခန်းအား ဝင်ရောက်စီးနင်းခဲ့သည်။

Public Service Announcement

Public Service Announcement

ဆက်စပ်သတင်းများ

သတင်း

ပြည်သူ့ကာကွယ်ရေးတပ်မတော်(မန္တလေး)သည် ဇွန်လ ၂၆ ရက်မှစပြီး ညီနောင်မဟာမိတ်(၃)ဖွဲ့၏ ၁၀၂၇ စစ်ဆင်ရေး ဒုတိယလှိုင်းနှင့် ရှမ်းမန်းစစ်ဆင်ရေးများကို ဟန်ချက်ညီညီ ပါဝင်ဖော်ဆောင်နေသည်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။

သတင်း

ပစ်ခတ်ခံရသူမှာ စဥ့်ကူးမြို့ ပဲလှော်ဖိုဆိုင်မှ အသက်(၆၀)ကျော်အရွယ် ဦးထွန်းမင်း(ခ)ဦးထုတ်ကြီးဆိုသူဖြစ်ပြီး သေဆုံးခြင်းရှိ၊မရှိ မသိရသေးပေ။