မုံရွာ၊ မြင်းမူနှင့် အရာတော်မြို့နယ်အတွင်းရှိ လမ်းပိုင်းများ ဖြတ်သန်းသွားလာခြင်းမပြုရန် ပြည်သူ့ကာကွယ်ရေးတပ်ဖွဲ့များ ထုတ်ပြန်

စစ်ကိုင်းတိုင်း မုံရွာ၊ မြင်းမူနှင့် အရာတော်မြို့နယ်အတွင်းရှိ လမ်းပိုင်းများအား ဖြတ်သန်းသွားလာခြင်းမပြုရန် ဒေသတွင်းပြည်သူ့ကာကွယ်ရေးတပ်ဖွဲ့များက သတင်းထုတ်ပြန်သည်။

ယနေ့(ဖေဖော်ဝါရီလ ၁၄ ရက်) ညပိုင်းတွင် ကြေညာချက်ထုတ်ပြန်ခဲ့ခြင်းဖြစ်ပြီး အကြမ်းဖက်စစ်ကောင်စီ၏ စစ်ရေးလှုှုရှားမှုတစ်စုံတစ်ရာပြုလုပ်မည်ဟု သတင်းရသောကြောင့် မုံရွာ-မန္တလေးလမ်း၊ ထီးဆောင်း-နောင်ကြီးအိုင်လမ်း၊ အလ္လကပ္ပ-တောချောင်းဦးလမ်းနှင့် အခြားသော မြင်းမူမြို့နယ်အတွင်းရှိ လမ်းပိုင်းများအား မိမိတို့ပြည်သူ့ကာကွယ်ရေးအဖွဲ့များမှ ကြေညာချက်တစ်စုံတစ်ရာထပ်မံ မထုတ်မပြန်မခြင်း အရေးပေါ်ကျန်းမာရေးအခြေအနေမှလွဲ၍ ဖြတ်သန်းသွားလာအသုံးပြုခြင်း မပြုလုပ်ကြပါရန် ဒေသခံကာကွယ်ရေးအဖွဲ့များမှ အထူးသတိပေးမေတ္တာရပ်ခံကြောင်း အသိပေးထားသည်။

ပြည်သူများ၏ လုံခြုံရေးအတွက်ဖြစ်ပါ၍ လေးစားလိုက်နာပေးကြပါရန် အထူးမေတ္တာရပ်ခံအပ်ပါသည်ဟု ရေးသားထားသည်။

စစ်ကိုင်းတိုင်းအတွင်းရှိ မုံရွာ-မန္တလေးလမ်းအပါအဝင် အဆိုပါလမ်းပိုင်းများတွင် အကြမ်းဖက်စစ်ကောင်စီ၏ တပ်ကားများ မကြာခဏ မိုင်းဆွဲတိုက်ခိုက်ခံရလေ့ရှိသည်။

Public Service Announcement