မန္တလေးမြို့ ၊ ပြည်ကြီးတံခွန်မြို့နယ် ၊ သင်ပန်းကုန်းရပ် က ရပ်ကွက်အချို့ကို စစ်ကောင်စီတပ်ဖွဲ့ဝင်တွေ ဒီနေ့မနက်ပိုင်းက ပိတ်ဆို့လိုက်ပြီး ရှာဖွေစစ်ဆေးတာတွေလုပ်နေပါတယ်။
သင်ပန်းကုန်းရပ်ကွက် ကိုမနက် ၇ နာရီလောက်ကစတင်ပြီး အင်အားအလုံးအရင်းနဲ့ ဝင်မွှေနေတာဖြစ်ပြီး အဝင်အထွက် လမ်းတွေကို လည်း ပိတ်ဆို့ထားတယ်လို့သိရပါတယ်။
သင်ပန်းကုန်းရပ်ကို အဓိကဝင်ထွက်တဲ့ ၄၉လမ်း၊ ၁၂၀လမ်းတို့ကိုအသွားအလာကန့်သတ်ထားတယ်လို့ ဒေသခံအချို့က ပြောပါတယ်။
စစ်ကောင်စီတပ်တွေဟာ တစ်အိမ်တက်ဆင်း မိသားစုဝင်ဦးရေနဲ့ သန်းကောင်စာရင်းတိုက်ဆိုင်စစ်ဆေးနေတာလို့ သိရပါတယ်။
ပြီးခဲ့တဲ့ရက်ပိုင်းတွေကလည်း စစ်ကောင်စီဟာ မန္တလေးရှိ စိန်ပန်းရပ်၊ အောင်သာယာရပ်ကွက်တို့မှာလည်း ပိတ်ဆို့ပြီး ရှာဖွေတာတွေပြုလုပ်ခဲ့ပါသေးတယ်။
စိန်ပန်းရပ်ကိုပထမအကြိမ် ရှာဖွေစဉ်က လူ၃၀ဦးထက်မနည်းကိုဖမ်းသွားခဲ့ပါတယ်။